الاحصاء ايش الحل معاه!!

[بكرا احلى]

الاحصاء وما ادراك ماالاحصاء
من اول ثانوي وانا ناسيه هم الرياضيات وهذي الاشيا تقوم تطلع لي الاحصاء يااااربي
بنات اللي اخذوا هذي الماده من غير التحضيري طبعا لاني ع الخطه القديمه
هذي الماده كيف تتذاكر من وين اجيب ملخصات تفهمني مع شرح يكون تمااااااااااام وكامل يغنيني عن الاستاذه لو مافهمت لانو بصراحه الاستاذه قاعده تغش!! خخ تحل من اوراق معاها وانا ماني فاهمه حاجه ؟؟ تكفووووووون طمنوني شايله همها بقوه وجزاكم الله خير

[ime149]

ياربي تلاقي احد يساعدك غلاتي..

واهم شيء انك ماتشيلي هم ..

وتوكلي على ربك..

لك ودي

لجين

[بكرا احلى]

مشكوره حبيبتي ع الرد ربي يوفقك

[my dreem]

ياقلبي عليك ذكرتيني بنفسي العام ......... اسمعي الكلام اللي راح اقولو وركزي معاي .................
انا العام كنت تحضيري وانا ادبي وكمان انا المفروض تكون السنه هذي ثالث سنه بالجامعه بس اول ماتخرجت رحت الكليه ماعجبتني سحبت ملفي والسنه اللي بعدها قدمت على الجامعه اللي هي العام <<فيني طاقه قاعده احكي.............
لما عطوني الجدول وشفت احصاء (ولولت) لكن قسم بالله طلعت الماده سهله وحلوه بجنان ......... تدري ليه حلوه لاني كنت اذاكر اول باول واذا كنت غايبه اروحلها في الساعات المكتبيه وكنت اركز معاها في المحاضره .....
المهم اخذت في الماده جيد جدا مرتفع....... يعني انا كنت ناويه اخذ علم نفس بس الصراحه المواد العلميه حببتني في الاداره والاقتصاد وتخصصت اقتصاد
معليش انا عارفه انو كلامي كثير ..... بس في مصلحتك لاني مريت بدي المرحله
الله يوفقك

[ابوراكان 1]

توكلي على الله سبحانه وتعالى وإن شاء الله تكون اسهل مادة

كلنا بالهواء سواء


بالتوفيق للجميع

[أحاسيس مبعثرهـ]

\
\

أختي مافيه شي صعب كله سهل باذن الله

وبعدين المذاكره اول باول

واحنا هنا في المنتدى ان شاء الله ماراح يقصروا عليكِ بشي

توكلي على الله

\
\

[pulse heart]

الله يوفقكـ

[القمر الحلوه]

منجد حتى انا مو طاايقتو
بس ايش بنسووووي
لازم نزاكر اول بأوول
واالله يوفقنا يارب

[بكرا احلى]

مشكورين ربي يسعدكم كلكم خففتوا عني شي بسيط من الهم اللي انا شايلاه
انا ماادري ليش احصاء للادبي؟؟!!
بس محد قالي الاستاذه اللي ماتشرح او تشرح بس تعتمد على حل موجود عندها في شي من خارج الكتاب ممكن استعين فيه ؟؟ زي ملازم تبسيط شي زي كذا وين احصلها وايش اسمها بليز اللي يحس انها فادته يقولنا
ومشكورين ع الردود

[No CoMmEnT]

المادة سهله جداً فقط عليك ان تفهمين كيفية التطبيق على القوانين المرفقه في الاختبارات

على العموم هناك شروح عدة قد طرحتها السنة الماضية في هذا القسم قد تفيدك ان شاء الله

حتى وان اختلفت الطبعه الجديد لهذه السنة فمن الواضح من مفردات المادة ان المواضيع هي نفس المواضيع

السابقه زيادة عنها مربع كاي الذي كان من ( مواضيع التحليل الاحصائي الذي حذف من الخطة هذه السنه ) وهو سهل ايضاً ان شاء الله

المهم ان تدربي كثيراً على الامثله الموجودة واي صعوبه سنكون انا ومن لديه القدرة على الشرح في خدمتكم ان شاء الله


موفقهـ