البنات المحولات من انتساب لأنتظام+بنات التحضيري الي يبغو يطلعو ويغيرو بطائق + طلب

[ضوضائيه]

السلام عليكم ورحمه الله وبركاته

اليوم يابنات انا غيرت بطاقتي تعرفو هما لهم اسبوع او اكثر يمكن وهما بيقولو الجهاز خربان راجعونا بعد اسبوعين ولسى امس سأله الموضفه تقولي الاسبوع هذا مرا لاتجي وحاطين اعلان انو راجعونا في 15 _ 11
احب اقولكم انو انا اليوم رحت بدري وغيرت بطاقتي طبعاً هما كأنو حاطين الاعلان لسى بس سألتها في اصدار بطايق قالت لي ايوا وفي دقيقه وحده بس طلعتلي بطاقه جديده وطبعاً ماكان زحمه لأني رحت بدري وماكان معي غير وحده بس تغير بطاقتها تقرباً على 8 ونص رحت هناك ومريت عالبنك لقيت حاطين اعلان البنات الي دفعتم تبدأ 10 مواعيد مانتهبت لها لأنها كثيره راجعو البنك يابنات التحضيري عشان تعرفون متى المواعيد حاطينها بورقه برى
اما الي دفعتم مثلي 09 حاطين لهم موعد يوم السبت 12 _ 11 وفي وقت محدد الي هوا من الساعه 12 ضهراً الى 3 عصراً

المهم مختصر الكلام الي فوق كله
البنات المحولات من انتساب لأنتظام ويبغو يغيرو بطائقهم + البنات الي خلصو السنه التحضيريه ويبغو يغيرو بطائقهم
روحو العماده
البنات المحولات من انتساب لأنتظام لاتنسو تاخذو معاكم ورقه التحويل
وطبعاً حياخذو منكم بطاقتكم القديمه

بخوص بطائق الصراف
بنات السنه التحضيريه الي لسى ماستلموها + البنات المحولات من انتساب لأنتظام
راجعو البنك عشان كل وحده تشوف بدايه رقمها متى المواعيد الي تروح تستلم فيها بطاقتها

وبس واي استفسار عن هذا الموضوع واعرف اجابته ان شاء الله ارد عليكم

وفي آخر الموضوع عندي طلب
عندي عرض باور بوينت وحقوم اشرح للبنات
الماده نظام التعليم في المملكه
حشرح فصل التعليم الابتدائي
ياليت الي عنده اي معلومه حلوه عن التعليم للصغار او قصه او كاركتير او حتى مقالات بخصوص التعليم يساعدني ويعطيني هيا سواء عن مناهج الابتدائي او عن المباني المستأجره او معلمين المرحله الابتدائيه اي شي حاسين انه ممكن يفيديني وتبغو تساعدوني حكون جداً شاكره لكم ولو فيه افكار كمان بخصوص العرض حكون جداً جداً جداً شاكره
الطلب الثاني تابع للطلب الاول وخجلانه كثرت طلباتي شويه بس هذي المقوله مراا ابغاها وابغى اعرف مين قالها حاولت ادور عليها في النت ومالقيت لأني مو فاكرتها مضبوط :( ومرا ابغاها
المهم المقوله هذي تكلم عنها احمد الشقيري في برنامجو السنه الي فاتت وهيا بخصوص تعليم الصغار قال انا مو فاكره بالضبط يمكن انتو تكونو فاكرينها وتساعدوني قال الشقيري انو في شيخ او شخص مهم ناسيه ولله الشيخ او الشخص المهم هذا قال اعطوني طفلاً عمره سبع سنين واربيه ثم خذوه او انو قال اعطوني طفلاً اربيه وخذوه اذا صار عمره سبع سنين والفكره تتدور على ان التأسيس الصحيح للأطفال جداً مهم ومؤثر وان التعليم في الصغر كالنقش في الحجر
وشكراً
والله يوفق الجميع يارب

[wallo]

تعرفي رووحت امس العماده ابغييير بطاااقتي قلتلها ابغى اغير بطاااقتي وزي كذا

ردت عليا شوويا وتاااكوولني !!!

خيير إن شاء الله اشتغل عندها اناا !!

قالتلي الاسبوووع الجااي مافيه بطايق الحييييييييييييييييييييييييييييييييييييييييييييين !!

قلتلها ترى كل اسبووع اجي تقولوون اللي بعدوو يعني متى بالضبط اخلصووو ؟؟

بس انا اللي قهرني المقرووده هااذي اللي كلمتني بطريقه مره لااا !!

يعني يجي الوااحد يكلمها بأدب وبأسلوووب رااقي ترد عليه كأنو في غاابهـ عايشيين ؟

بس يلااااا kaau ماتووقع منها الا كذا ..

يسلمووو حبيبي عالموضووع والله اختي كانت حاايسه مو عارفه من فيين تااخد بطااقة البنك...

[ضوضائيه]

المشاركة الأصلية كتبت بواسطة wallo تعرفي رووحت امس العماده ابغييير بطاااقتي قلتلها ابغى اغير بطاااقتي وزي كذا ردت عليا شوويا وتاااكوولني !!! خيير إن شاء الله اشتغل عندها اناا !! قالتلي الاسبوووع الجااي مافيه بطايق الحييييييييييييييييييييييييييييييييييييييييييييين !! ماعليك منهم انا شفت الجهاز بعيني اجل كيف طلعت بطاقه انا من الهوا هم بس شكلهم يبغو يخففو زحمه اذا ورقه الاعلان لسى ماشالوها روحي قوليلها بكرا في امس بنت طلعت بطاقه روحي عند موضفه كذا بيضا وشعرها اسود وقصير وتختوخه شوي بس مو مره هيا اخلاقها كويسه دايم لمن اروح العماده بشوفها تسأل البنات اش عندكم اش تبغو ماتسناهم يسالوها عسوله وتخلصلك بسرعه وماتنفخ فيك قلتلها ترى كل اسبووع اجي تقولوون اللي بعدوو يعني متى بالضبط اخلصووو ؟؟ بس انا اللي قهرني المقرووده هااذي اللي كلمتني بطريقه مره لااا !! بعد ماتتطلعلك البطاقه وتخلصي شغلتك منها كلميها مثل ماتكلمك وكشري في وجهها بس في البدايه لأ عشان لاتماطلك وهيا تخلصلك شغلتك تصدقي ولله تعودت خلاص على نفختهم صرت متعوده مو متحسسه من الموضوع بس ولله فيه موضفات مرا كويسين مرا مو شويه ودي بس اشكرهم على اسلوبهم الحلو يعني يجي الوااحد يكلمها بأدب وبأسلوووب رااقي ترد عليه كأنو في غاابهـ عايشيين ؟ ردي عليها بنفس الاسلوب بعد ماتخلصين من شغلتك ولاتشكرينها لا تأففي وقولي اوف واخيراً متنا واحنا نطلع بطاقه كأنو الجهاز جهازهم وقاعدين نشحتها منهم ماحتقدر تسويلك شي يعننو تكلمين نفسك ولا الي جنبك ولله هم مايتأدبون الا اذا احد رد عليهم بنفس الاسلوب بس مو تكلمينها كذا مباشره لا بحركه دق يعني كأنك تكلمين صحبتك واسمعي ياجاره وبصوت عالي وجمبها عشان تسمع قولي يعني مشكله اذا مافي لا اخلاق ولا شكل عشان ماتقدر تمسك عليك شي ولا يحطولك مخالفه انك تعديتي على احد منسوبي الجامعه انتي ماكمتيها كنتي تكلمين صحبتك ولاتتدرين انها سمعتك كذا تبردين قلبك ولا تقدر تقولك وقتها 3 الثلاثه كم لأنك ماقولتي الكلام لها وجهاً لوجه وخلاص خلصتي شغلتك يعني مالك حاجه عندها بس يلااااا kaau ماتووقع منها الا كذا .. يسلمووو حبيبي عالموضووع والله اختي كانت حاايسه مو عارفه من فيين تااخد بطااقة البنك...

ربنا يسلمك ويسمنك ويسمرك هههههههههه

[اضاءات]

ضوضائية

كلامك مزبوط .. أنا مغيرة بطاقتي قبل 3 ساعات من الآن وفي اقل من دقيقة كمان

[*صبا*]

طييييييب كيف اعرف متى اخد بطاقه البنك

انا محوله لانتظام

[ضوضائيه]

المشاركة الأصلية كتبت بواسطة اضاءات ضوضائية كلامك مزبوط .. أنا مغيرة بطاقتي قبل 3 ساعات من الآن وفي اقل من دقيقة كمان

شكراً لاثبات صحه كلامي

المشاركة الأصلية كتبت بواسطة *صبا* طييييييب كيف اعرف متى اخد بطاقه البنك انا محوله لانتظام

على حسب رقمك الجامعي بكم يبدأ انا في البطاقه رقمي يبدأ بـ 09 وكاتبين انو الي بطايقهم تبدأ بـ 09 يراجعو البنك يوم السبت الموافق 12 - 11 _ 1430 هـ
اما اذا كان رقمك الجامعي لا يبدأ بـ 09 فمدري بصراحه متى لكن روحي بنك سامبا وشوفي حاطين ورقه خارجيه برى البنك بالتحديد على باب الصراف كاتبين فيها المواعيد بالارقام الجامعيه

[عاشقة الندى]

..:: وعليكم السلام ورحمة الله وبركاتهـ ::..


صحيح كلامكـ اليوم رحت وشفت الورقة معلقينها عالباب حق البنكـ بخصوص البنات المحولات ..
بس كاتبين انها للبنات اللي ارقامهم الجامعيهـ تبدأ بــ 093 إلى 094


طيب 098 والباقين متى ولا سقط سهوآ

شكلهم بينزلو المواعيد بالتقسيط المريح

او يمكن بيشقلبونا الين بعد العيد <<< تحلل الموضوع


::..::

بخصوص العرض حقكـ حاولت ابحبشلك هنا وهنا بس مالقيت شي عندي ممكن يفيدكـ ..

اذا حصلت حاجه حلوه حجي طيارة وأقولكـ ..

بالتوفيق ياقمر ..

::.......::

[Ξxтяα ςάѓαмεζ]

عاشقة الندى ترا غلط مطبعي انا اليوم رحت وسألت قالت دفعه كم قلتلها 098 قالت اوكي تعالي وقطعتلي رقم كمان بس سألتني قالت عندك بطافه العائلة قلتلها لأ قالت خلاص السبت جيبيها هيا وبطاقه الجامعه وتعالي =)


واكرر واقول ترا غلط مطبعي يعني اللي بدايت ارقامهم من 098 الى 093 يروحو السبت ^^

[عاشقة الندى]

اووووما غلط مطبعي ياحرام ظلمتهم ..
لو كنت ادري انو الموضوع كدا كان دخلت وخلصت اموري قيدني جايبه بطاقة الاحوال ..

يالله كل تأخيره فيها خيره ..

مشكوره ياكراميلا


::......::

[ضوضائيه]

المشاركة الأصلية كتبت بواسطة عاشقة الندى ..:: وعليكم السلام ورحمة الله وبركاتهـ ::.. صحيح كلامكـ اليوم رحت وشفت الورقة معلقينها عالباب حق البنكـ بخصوص البنات المحولات .. بس كاتبين انها للبنات اللي ارقامهم الجامعيهـ تبدأ بــ 093 إلى 094 طيب 098 والباقين متى ولا سقط سهوآ لا هيا لـ 098 كمان ومدري ليه مو كاتبين 098 لأني انا سألت جوا الهم نبدأ بـ 09 شكلهم بينزلو المواعيد بالتقسيط المريح او يمكن بيشقلبونا الين بعد العيد <<< تحلل الموضوع ::..:: بخصوص العرض حقكـ حاولت ابحبشلك هنا وهنا بس مالقيت شي عندي ممكن يفيدكـ .. اذا حصلت حاجه حلوه حجي طيارة وأقولكـ .. بالتوفيق ياقمر .. ::.......::

يسلمو يااموره ماتقصرين
ربنا يوفقك انتي كمان

المشاركة الأصلية كتبت بواسطة Ξxтяα ςάѓαмεζ عاشقة الندى ترا غلط مطبعي انا اليوم رحت وسألت قالت دفعه كم قلتلها 098 قالت اوكي تعالي وقطعتلي رقم كمان بس سألتني قالت عندك بطافه العائلة قلتلها لأ قالت خلاص السبت جيبيها هيا وبطاقه الجامعه وتعالي =) واكرر واقول ترا غلط مطبعي يعني اللي بدايت ارقامهم من 098 الى 093 يروحو السبت ^^

ايوا صح انا سالت كمان بس انا ماعطتني رقم ليش :(
ايوا نسيت ماقولكم ياصبايا اذا رحتو تستلمو بطايق البنك صورتين من بطاقه العائله او بطاقه الاحوال + صورتين من البطاقه الجامعيه مع الاصول للمطابقه
اساساً انا مو رايحه لهم السبت احتمال اروح الاحد لأنو السبت من الساعه 12 لـ 3 عندي محاضرات والوقت الي قبله عندي بريك ساعتين شوفتو كيف بحاول اروح لهم في فتره البريك اذا كانو فاتحين واقولهم انو انا من 12 لـ 3 عندي محاضرات فما ينفع تسوها ليا قبل او اني استنى ليوم الاحد واروح اخذها لأنو الاحد في هالوقت ماعندي محاضرات