الاخوان الي عندهم Basic Work Shop

[AbU_BaDr]

سلام عليكم يا اخوان

يا شباب انا تفاجأت امس لما دخلت الاودوس انه في مادة عندي مضافة اسمها Basic Work Shop رمزها Meng130

طبعا الان مر اكثر من شهر وانا ما ادري ان المادة مضافة عندي حسبي الله عليهم..

المادة اضافوها في تاريخ 10/14 يوم 14 من شهر 10 يعني مررة متأخر اضافوها..تقريبا بعد ما خلص ثاني اسبوع في الجامعة.. وانا ما ادري

ياليت الي عندهم المادة يقولوا كم تاريخ التسجيل للمادة.. تلاقوا التاريخ مكتوب في الجدول قدام المادة.. وكم محاضرة اخذتوها الى الان؟ ومن متى بدأوا؟

بحاول اليوم اروح احذفها من عند المحمدي وان شاء الله يوافق

[عبدالملكـ]

انا عندي من بدايه الترم :)

وهذي مشكله المدنيه يحذفوا المواد بعد مرور اسبوعين !!!!
ومشكله الورش كل معمل عليه 5 درجات اما المحاضره فالدكتور طيب وما يحاسب على الحضور ويوزع ورقه يقول كل واحد يسجل اسمه ^_^ تبقى المشكله بالمعمل

انصحك تروح للمحمدي وتحذفها

[AbU_BaDr]

شكله كذا لازم احذفها

مشكور اخوي عبد الملك

[الكريم ابن الكرام]

يا أبو بدر إن كنت ما قدرت تحذفها

فأنا عندي ملف للسلايدات عليه بونص 5 درجات لو تجيبها توريها الدكتور بس

إن كان تبيه فمن عيوني راسلني على الخاص

والمادة لو تكتفي بالحضور تضمن النجاح

حتى آخر الترم يعطيك الدكتور أوراق للفاينل وما تذاكر إلا منها

والمعمل تعال تفرج بس وخذ 5 درجات

على العموم الله يوفقك ويعينك على حذفها

[AbU_BaDr]

اصيل وما تقصر اخوي الكريم ابن الكرام

اشوف اذا قدرت احذفها ولا اكلمك على الخاص

بالتوفيق

[عبدالملكـ]

^^

فقط للتوضيح
السي دي وزع الدكتور منه عشر نسخ بين الطلاب وقال كل شخص ينسخه من الثاني ويطبعه واخر موعد اخر شهر 11

بس المشكله مو بالمحاضره المشكله بالمعمل معملين ما حضرتهن > والغياب مرتين dn

[خافي الأحزان]

روح تفاهم مع الدوسري ما بيقصر معاك ان شاء الله

تلقاه في محاضرة النظري

[Baf]

والله قوية من قسم المدنية ..

[عبدالملكـ]

^^^
والله تشوف اشياء غريبه بالمدنيه :)

مثلا يمشوك على الخطه اي ماده تنزلها قبل موعدها مصيرها الحذف

طيب ايش فائده الحذف والاضافه .!!!!!!

[AbU_BaDr]

نفسي اعرف بس.. الكلام هذا في كل الاقسام حكاية انهم يحذفوا ويضيفوا للطلاب على كيفهم؟؟ ولا بس في قسم المدنية؟!

انا اعرف ان من حق الطالب الجامعي انه يختار المواد الي يبغاها وعدد الساعات الي يبغاها وكذلك الشعبة والدكتور!! صح كلامي ولا انا غلطان؟

طيب ليش يجون هذولا الاكارم ويلعبون في حسبة الجدول على كيفهم؟؟

لا ويقولون الي اقل من 12 ساعة حنضيف له مواد من عندنا!!! يعني غصبا عنك تاخذ اكثر من 12 ساعة.. والله حاله