ممكن تفيدوني اختكم غشيمه

[انشوده المطر]

وأفاد سعادتة بأنه سيتم استقبال طلبات الترشيح من الساعة التاسعة صباحاً وحتى الساعة الواحدة ظهراً بمبنى (600)وحدة القبول وعلى الطالبات المقبولات(اي مقبولات وش عرفنا انهم قبلونا؟؟) مراجعة وكالة عمادة الدراسات العليا بشطر الطالبات مبنى رقم (3)غرفة (327)من الساعة التاسعة صباحاً وحتى الساعة الواحدة ظهراً وذلك في الفترة من السبت الموفق 12/11/1430هـ الى يوم الأربعاء الموافق 1/12/1430هـ.علماً بأن الترشيح للقبول يتم عن طريق موقع العمادة على الأنترنت. Http:\\graduatestudies.kau.edu.sa

كمان عندي اكثر من استفسار اتمنى تساعدوني
طلبات الترشيح الي يقولو يستقبلوها في الصباح ؟ايش قصدهم مو تقدم احنا بالنت؟؟
وكمان كيف اخذ رقم الترشيح
في استماره الترشح حاطين خانه للتوفل وش اكتب فيها؟
كمان حاطين التعليم الجامعي؟الكليه والقسم والتخصص قصدهم الي انا درستهم
عارفه طولت عيكم بس غشيييييييييمه

[الوردة الجريحة]

اهلا انشودة المطر (الله حلوه دي الانشودة لبدر شاكر السياب )
انا لغة عربية مثلك وراح اساعدك بإذن الله
اول شئ يااختي تعبي بياناتك في استمارة الترشيح وبعدين اضغطي ارسال راح يجيك على طول صفحة فيها رقم الترشيح
لو عندك طابعة اطبعيها ولو ماعندك سجلي رقم ترشيحك في ورقة وحافظي عليه زي ماتحافظي على عيونك .

شوفي حطي نوع الاختبار بديل توفل وحطي 3 اصفار في التاريخ وكمان في الدرجة

ايوه في خانه التعليم الجامعي حطي الكلية والقسم والتخصص اللي درستيه
عادي ياقلبي لاتقولي غشيمه حتى يطلع من بطن امه متعلم

بماإنك راح تكوني زميلتي في اللغة العربية كم معدلك وايش تبغى تخصص ؟لغة او ادب

[انشوده المطر]

هلا حبيبتي انا اطلعت على نماذج اختبار للغه العربيه وحسيت انو مرررررره صعب
والا الان محتاره اقدم ماجستير عربي او اي تخصص تاني ولو عندك نماذج ارسليها ونشوف
الله يعين ويوفقنا ياااااااااااارب
على فكره لو قدمت عربي باختار ادب

[أم يزيد123]

الله يسعدكم ساعدووووووووني
كل ما أكمل الاستمارة وارسلها يقول لي not found
ومايطلع لي رقم ترشيح
الله يفرج عليكم فرجوا علي همـــــــــي

[انشوده المطر]

بماإنك راح تكوني زميلتي في اللغة العربية كم معدلك وايش تبغى تخصص ؟لغة او ادب

انا خريجه السنه دي ونسبتي 92,83
يعني كم معدلي؟؟
وكمان نفسي اكمل تربوي ماحب العربي احسه صعببببب مرررررررره شفت نمتذج اختبار وماعرف احلها
والا الان متردده لسى ماسجلت
مادري اتوكل على الله واسجل عربي او علم نفس وهل يقبلو اكمل جغرافيا؟؟؟
والله يوفقنا جميعا

[الوردة الجريحة]

بصراحة يااختي انا كمان خايفة من الاختبار بس ماادري والله لو حابه جغرافيا او علم نفس الله يوفقك

ايش عندك نماذج لاختبار اللغة العربية ممكن تزوديني بها عشان اطلع عليها وانا كمان إن شاء الله بنزل رابط

ام يزيد حاولي ياقلبي تاني احتمال يكون في ضغط او مشاكل في المتصفح حاولي الله يوفقك