إختبار أصول الفقه ؟

[بنت من الجامعه]

هاااي بنات \ أولاد كيفكم ؟؟!!
ان شاء الله تماام التماام
المهم اختبرتو اليوم أصول فقه
بشرو كيف كانت الاسأله معاكم ؟؟
وياليت أي وحده \ واحد فاكر شي من الأسئله يحطووو ويكتب ايش جاوب
عشان نعرف أجوبتنا وبالمرة اللي يبغو أسأله الإختبار تكوون وصلتهم

الموهم بالنسبه ليا
صراحه الأسئله كانت حلوة
بس في شي فجعني
الأسئله كلها عشرة أسأله اختياري وصح وخطأ
معقووول عليها خمسه وعشرين علامه
صرااحه مررة قليل
يعني الخطأ الواحد عليه علامتين ونص تقريبا !!!!

االموهم اللي أتذكر اني شاكه فيه
هوا تاني سؤال عندي يقول انو
مصادر الأحكام وحجيتها ..مناهج الإستنباط والمستنبط
هو أ- أصول الفقه ....... الخ مني فاكرة الاجوبه
مين عارفه الجواب ؟؟
عشان انا حطيت ج كان أظن مناهج اصول الفقه او شي زي كده


وفي كمان صح وخطأ اول وحده
ان بعض العلماء أعتبرو أن البطلان والفساد من أقسام الحكم التكليفي
أنا حطيتها خطأ لانو الصحه والبطلان مو البطلان والفساد

وبس بالتوفيق ان شااء الله

[Miss.law]

ـههههههههههههههههههـ

قلبو انا انصدمت من الاختبااار ..

ليه ليه 10 اسئلة ؟؟ ..

عشان كدا الدكتور الفااااضل حاط الميزة .. لو ما حطها عز الله رحنآآآ فيها ..

..

بالنسبة لنموذجي ( أ ) .. و نفس اسئلتك اللي لخطبتني لخبطتني !!

بس السؤال الثاني حطّيت [د] .. موضوعات اصول الفقه لأني كدا ما لقيت شي غيره يقنعني ..
و السؤال قبل الأخير .. حطيت صح .. هممم .. لأنه البطلان و الفساد مو محدد في الكتاب تكليفي أو وضعي ،، لكن أنا أدرجته على أساس الصحة و البطلان ،، بما إنهم كانوا بيفرقوا بين مسمى البطلان و الفساد بس !!

و الله اعلم .. الله اعلم .. الله اعلم

.
.
.

[[ نموذج أ ]]

..

س1/ " العلم الذي يبحث في الأحكام الشرعية العملية المكتسبة من أدلتها التفصيلية " ؟؟

الفقه ..


س2/ الذي يبحث في الأدلة الإجمالية هو ؟؟

الأصولي ..


س3/ الدليل و حكمه الشرعي .. طرق الاستنباط و المستنبط نفسه .. هي ؟؟ >> سؤال ضيّعني

>> حطّيت : موضوعات أصول الفقه .. و الللللللله اعلم


س4/ من أمثلة الواجب المقيد ؟؟

صوم رمضان ..


س5/ من أمثلة الواجب غير المعين ؟؟

كفارة اليمين ..


س6/ مسلك العلماء الذين قرروا الأدلة دون الالتفات إلى اجتهادات العلماء ؟؟

المتكلمين ..


س6/ المحرم لذاته .. و المحرم لغيره .. متغايران عند ؟؟

الجميع ..


س7 / من حالات إباحة الأخذ بالرخصة مع الأولى الأخذ بالعزيمة .. هي ؟؟

النطق بالكفر مع أن القلب مطمئن بالإيمان ..



س8/ البطلان و الفساد من أقسام الحكم التكليفي عند بعض أصوليين الفقه ؟؟ >> سؤال ضيّعني

>> حطيت صح .. و اللللللللله أعلم


س9 / أقر بعض علماء الفقه أن العقل يستقل بالإدارك ؟؟

صح ..


.
.
.

بقي سؤال .. ناسيته .. الباقي حافظته لأني قلته الف مره

.. دعوآآآتكم

=)

[jeddawe.qd]

يارب اي احد عندو نموذج ب يقلنا
والله مدري اش الموضوع حاسس مرررررررررا خبصت
وبعدين انا اعرف انو ب20 والله لو 25 اعتقد اني اخدت اف على طول
يارب اسسسسسسسسسسسسسسستر

[بنت من الجامعه]

ايوة اختي ميس لاو
انا كمان طلعت حاطه في السؤال موضوعات اصول الفقه
ان شاء الله يارب تطلع صحح
اما الصح وخطأ قرأت في الكتاب مكتوب انو الصحه والبطلان من انواع الحكم الوضعي
أما بعض العلماء (لحنفيين أظن ) إعتبروها حكم تكليفي
اما البطلان والفساد أختلفو العماء انها لها نفس المعنى او لا
عشان كده انا حطيتها خطأ
وبرضو والله اعلم

وبرضو اكتشفت خطأ اللي هوا
/ المحرم لذاته .. و المحرم لغيره .. متغايران عند ؟؟
كنت عارفه انو خطأ بس حبيت اتفلسف خخخخخخخخخخخخخخخ دافورة بغباء
حطيت الحنفيين
ان شاء الله يارب يطبق الميزة
بس تتوقعوالميزة لازم ما نغيب الين نهايه الترم ولا الين بعد الاختبار الدوري ؟؟؟؟!!!

[Miss.law]

[ جداوي ]

.
.

هوّنها تهووون .. و ربي ما ورانا إلا وجع القلب

..

[ بنت ]

.
.

و الله مدري ايش حكاية الصح و الخطأ دا .. الله يستر ..

و يارب تطلع أجوبتنا صح

..

أما الميزة .. أعتقد لازم لآخر الترم ..

[بنت الجامعه ^_^]

بالنسبه لي لا تعليـــــــق

لييييش 10 اسلئله بس يادكتور ماازن ليييش والجزئيه الي معنا مليااانه اسئله كرفت على الفااضي والله الخطاء الواحد يودي في داهيه اجل انا وش راح اسوي ياكثر اخطاءي الله يستر

الحمدلله على كل حال والله يحنن قلبه علينا ويسخره لنا ياااااااااارب العالمين

[بنت من الجامعه]

يا جمااعه أكيد في خطأ :(
لانو انا مني مصدقه انو عشرة أسأله عليها 25 علامه مستحيييييييييييل
ان شاء الله الاحد نسألو ونستفسر منو
بنت الجامعه على قووووولتك ولا على قد الكرف
ذاكررت مذاكرةحقت أسله كتيرة في النهايه اتفاجئت ب 10 أسأله لوووووووووول
أن شاء الله يتهاون معانا ويكون العشرة أسأله دي منها فايده
وعسى ان تكرهو شيئا وهوا خير لكم

[يانووو]

لا احد يجيب سيرة الاختبار الغبي دا هع

الاسئله على عددها القليل لاكن شامله ومو سهله والدكتور مازن قاعدلنا عالوقت
الله يستر

شكلو حقد لما طاحت عليه السبوره هع هع

[يانووو]

ونسيت اقولكم ترى الاختبار عليه 20 درجه....

[Miss.law]

ـهههههههههههههههههـ

أما يوم السبورة كان ألييييييييييييم



..

>> تعالوا ناقشوا الاختبار .. نكلّم نفسنا هنا