الصــورة الي ((بجوالي )) تعذبني ؟؟

[fanona]

الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا
ياللي جفيت وجفـاك المـر .. ذابحنـي
عقبك وجيـه البشـر .. مانـي بدانيهـا
من يوم حبك .. غزى القلـب وتملكنـي
قطعـت كـل العـلاقـات وطواريـهـا
اقـرى رسايلـك ودموعـي تسابقـنـي
وارد ! واقرى الرسايل .. واحتفظ فيهـا
انت آخر انسـان هاقـي منـه يصدمنـي
والظاهـر ان هقوتـي بانـت مواريـهـا
لـو الوصايـا ليـا احتديـت ! تنفعنـي
ياكثـر نـاس ٍ علـى ذودي بوصيـهـا
ليت الفـرح ( بنـك ) لاجيتـه يسلفنـي
واقاصده ( راحتـي ) وحقوقـه اوفيهـا
من كثر ماكنـت ! جارحنـي وظالمنـي
قمت اعزل جروحـك بقلبـي واسميهـا
تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا
تدري متى ؟ تعـرف قـدري وتفقدنـي
لارخصت نفسك ,, لشخص ٍ مايراعيهـا
بكـره الا هملـوك الـنـاس تذكـرنـي
وتقول عـزاه : عينـي مـن يداريهـا ؟
مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا
يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا
اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا
واهديتني جرح .. موجعني ؟ وعاجبني ؟
لــن الهـدايـا عـلـى مقدارمهديـهـا
صحيح ! ( حنا انتهينا ) .. بس صدقني !!
والله ان تبقى ( هوى روحـي ) وغاليهـا
مفضوح ؟ راع الهيام .. ونظرته !! تغني
ملامحه واضحه ! , في وجهـه راعيهـا
لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا
ان قلـت : علمنـي انسـى ؟ لاتعلمنـي
دنيـاي لامـن نسيتـك ويــش تاليـهـا
فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا
مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا
اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا
نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا
تبي تعرف ! وش ؟ على الفرقا مصبرني
انـك بخيـر .. وحياتـك مهتنـي فيهـا
مـن يـوم ماغبـت ! والوحـده تعذبنـي
اقرى ( رسايلك ) في حرقـه والاحيهـا
اشوف ( صورتك ) .. ودموعي تسابقني
وياكثـر ماجيـت أبمسحهـا ؟ وأخليهـا

[ليال...]

ان قلـت : علمنـي انسـى ؟ لاتعلمنـي
دنيـاي لامـن نسيتـك ويــش تاليـهـا


توجع القلب ):

يعطيك العافيه

[y-o-y-o]

يالله مررره تتعب
الله يصبر كل اللي مر بالحاله دي
بس عندي سؤال
دا انتي كاتبتو ولا ؟؟؟؟

[fanona]

المشاركة الأصلية كتبت بواسطة ليال... ان قلـت : علمنـي انسـى ؟ لاتعلمنـي دنيـاي لامـن نسيتـك ويــش تاليـهـا توجع القلب ): يعطيك العافيه

يعافيكي ربي
واشكرك على مرورك الحلووو

[fanona]

المشاركة الأصلية كتبت بواسطة y-o-y-o يالله مررره تتعب الله يصبر كل اللي مر بالحاله دي بس عندي سؤال دا انتي كاتبتو ولا ؟؟؟؟

لا حبيبتي مو انا الي كتبته
ومشكووره على مرروك
الحلــــو

[طيار منتسب]

الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا

حيل الله اقوى
وبصراحه هذي على الجرح والله
شكرا لاختيارك الراقي .. واستمرارك المتميز
تقبلي مروري ... ولكي الجوري

[O?°· (sarOona) ·°?O]

رووووعة ماشاءالله طالعة من قلب صح لساانك ..

الله يحققلك اللي في بالك ياارب ..

دمتي بود ...

[fanona]

المشاركة الأصلية كتبت بواسطة طيار منتسب الصـوره اللـي ( بجوالـي ) تعذبـنـي ياكثـر ماجيـت ابمسحهـا ! واخليـهـا حيل الله اقوى وبصراحه هذي على الجرح والله شكرا لاختيارك الراقي .. واستمرارك المتميز تقبلي مروري ... ولكي الجوري

العفــــو
ومشكور على تواجدك الدائم في
متصفحي

[fanona]

المشاركة الأصلية كتبت بواسطة o?°· (saroona) ·°?o رووووعة ماشاءالله طالعة من قلب صح لساانك .. الله يحققلك اللي في بالك ياارب .. دمتي بود ...

اللهم امين ويحقق لك الي ببالك
تقبلي تحياتي يا عسل

[شكولا]

ياويل حالي.. على مواضيعك..

فيني من زمان عنك..

ماشالله ذوق راااقي بمعنى الكلمه..