ليه كذا يا جده ليه ؟!!

[روحـ زايـد]

السلام عليكم و رحمة الله و بركاته



مني عارفه كيف ابدا و الا وش اقول
بس ودي اكتب
بخاطري كلام



اول شئ الله يرحمنا برحمته يارب

و يعوض كل الخساير
و يرحم موتى المسلمين



على قد ما تمنينا المطر على قد ماخفنا
على قد شاعريه اجواء المطر على قد فضويه اجواء المطر بجده
يعني منجد الواحد مايمديه يفرح بالمطر بجده



بصراحه ابد ماقد حضرت اجواء زي كدا

ماتخيلت الحال يوصل لكذا مرة

ماشيه بالشوارع ودي اصور من هول المناظر بس للاسف زوجي ما خلاني

يقول الناس بيحسبوكي تصوريهم و بينزلو يناشبونا

معقوله؟؟!!

عالعموم ماراح اتطرق لموضوع ثاني

خلونا بالمطر


على طاري المطر
فيه تساؤولات تتدور ببالي
من يوم نزلت المطره




جده مافيها تصريف؟؟

معقووووووول؟!!!!!!!!!!!!!

طيب اذا فيها تصريف وينو بالضبط؟؟


طيب سؤال تاني


بلاش من التصريف

طيب وين سيارات شفط المويه؟؟

معقوله يخلو الدنيا تغرق؟؟

انا طلعت الصباح في وسط المطره وقت الظهر
كنت رايحه ادرس << مسويه مجتهده
و كنا بعددها بروح المدينه
و نزلنا عفشنا و حطيناه بالسياره
و مشينا و الشوارع غرقانه

قلت لزوجي مايخالف امشي نروح مشوارك القريب و كنسلت المدرسه
و دخلنا حاره هربا من البحر الي بالشارع
و ياليتنا مادخلنا
الدنيا غرقااااااااانه و ماعرفنا نطلع الا بالقوة

رجعت و انا مستغربه اقول طيب بس اليوم مطرت اجل لو جلست اسبوع؟؟

بعدين رجعنا البيت و انا اقول في نفسي اكيد الليل باذن الله تكون الدنيا انشفطت و المويه بح


و ننزل العصر و الا نطلع تاني من المنظر الي شفناه

قدام العماره سيل

وى الليل و الحمد لله الي قدام العماره راح مدري فين


لا تقولو تصريف و لا تقولو سيارات شفط
بس نزلت عالاماكن الاقل ارتفاعا



المهم نزلنا ابي اروح الصالون <<<<< قمممممممممممت الروقان


و ياويلي على الي شفناه
منجد منجد الحمد لله
السيارات في كل جده عطلانه
و الي مزعلني انو مافي حكومه تنظم السير
و الشعب هو الي نازل ينظم السير

شئ جدا مؤسف صدقوني ما ينوصف

انا مادري ليه جده كذا
ماتوقعت مرة



هذييييي جده
الي يسمونها جده غير


وش الغير فيها؟؟


جده الي تعتبر سياحيه
جده الي المفروض تكون من افضل مدن المملكه

طيب سؤال اخير و ادري طفشتكم


الواحد كم يجلس محبوس ببيته ؟؟

طيب سؤال تاني

نعيد في بيوتنا؟؟


طيب سؤال اخير


السيارات الخربانه الحكومه بتعوض الشعب عنها؟؟
و الا بتوعدنا بعمل مشروع لعمل تصاريف بجده ؟؟؟؟



السموحه منكم بس بجد الوضع محزن خاصه الاخبار الي سمعناها



اااه يا جده خيبتي املنا فيكي .. ما توقعناكي تغرقي في شبر ميه

الله يعين

و السموحه مرة تانيه


يمكن موضوعي يكون ماله داعي


بس حبيت افضفض

[شرووق]

من جد كلاااامــك مرره في محــلــه ...

واحنا دائما اذا جات مطره نقوول الله يستر غرقنا ... يعني الوضع متعودين عليه ...

ياليت والله يجتهدوا شوي في الموضوع يعني الناس تتعطل اشغالها وتنحبس في البيوت خايفه على سيارتها لاتخرب ...

يسلموووووو ....عالموضووووووووووووووووووع ...

[غدا افضل]

بجد الوضع مأساوي
هذا وحنا المطر يالله في السنه حسنه اجل لو حنا زي المدن الي بتمطر عندهم ايام ورا بعض
اش بيصر
نقلبها مدينة مائية ونصير نسبح ,,,

واسئلتك والله محير اللكل
معقولة مافي تصريف مدينة بكبرها مافيها تصريف

والاخبار والصور شي بجد مزعج
بذات اهل الجنوب وقويزة <<وحده من صحباتي تقول خالها محبوس هو وأهله في فلتهم بقويزة لا كهربه ولا يقدروا يتحركوا من البيت لان الدنيا سيييييل حتى السيارات انجرفت

وللصراحه انا ماحضرت المطر كنت نايمة بس ماجا ببالي ابدا انها كانت سيء للدرجة الخوف
الا لما استفقدنا ابوي تاخر طلع من الساعه1 الظهر لاجا على فطور وفوق كذا الجوال مطفي انواع القلق
مارجع الا على الساعه 12 بالليل
لاوراجع مشي من عند مدينة الحجاج الين عندنا بالشمال لان سيارات العمل كلها اختربت وغرقت

بجد شي يقهر المفروض في سرعه تصرف في المواقف الي زي كذا

وعلى قولتهم تبان امانة المشاريع الجديده في المطر <<رحوا شفوا الكباري كيف صارت @_@


الله المستعان
يعني لاعيد في المدينة النوره ولا كمان حنخرج مع ذي الحوسه

[مملكة عمري]

احنا جلسنا بدون كهرباء من 12 الظهر الى 12 الليل والحمدلله انها رجعت
اغلب الجيران ماجاتهم الكهرباء لليوم

كثير سياارات انجرفت وارواح راحت

الله يرحم الحااال

[مني يغار الورد]

انا لله وانا اليه راجعون
حسبنا الله ونعم الوكيل
كلامك منجد قشعر بدني لاحول ولاقوة الا بالله
الله يعوضنا خير ان شاء الله