استفسار عن قسم المحاسبه

[آيـة محمد]

اهلن اهلن

كيفكم يامحاسبين جده

يعني لو ممكن لو مافي احراج تقولولي ايش المواد الي بتدرسوها في دا القسم بالتفصيل

لانو انا حابه اتخصص في دا القسم وعندي فكره قليله عنو ..

فياريت تفهموني

كيف الاساتذه ؟؟ ايش المواد الي بتاخدوها ؟؟

ودمتم سالمين

[هايم الشوق]

هذي الخطة الدراسية ... اتمنى تفيدك

والاساتذة يفيدوكي فيها البنات

[روحي عراقيه]

قسم جيد..
فيه سهوله وفيه صعوبة
لازم من وجهة نظري اذا تبغي تتخصصي تكوني مستوعبه 102 و 102 ... يعني مو سيئه فيهم

واتوكلي على الله

[لايوجد اسم]

اهلين انا الحمدلله تخصصي محاسبه هي بصراحه حلوه بس مو مره سهله ومو مره صعبه يعني يبغالها شدة حيل بس انتي توكلي على الله وادخلي وربي يسهلك ان شاء الله

[حأقعد عالكاشير]

تخصص جميل وممتع لانه شي جديد عليكي
على قولة البنات مو مره سهل ولامرة صعب
يبغالو تركيز وشدة حيل لان رقم واحد تغلطي فيه يخربطلك الدنيا
فتنتبهي وتفتحي عيونك ومخك مزبوط
اذا تحبين الارقام حتحبي ان شاء الله
مو كلو فهم ثلاث ارباعو فهم وربعو حفظ

انصحك فيه واذا عالمواد ماحتفهمي من اسماءها شي لانها جديده عليك
بس ملخص التخصص
تتعلمين كيف الدولة تحسب رواتب الموظفين كيف تنزلنا المكافأت كيف تدي قروض للمواطنين
كيف تتعامل مع دول خارجية في البيع والشراء من اموال الدولة(هذي محاسبة حكوميه)
تتعلمي كمان كيف تحسبي نصيبك من الاسهم في شركات المساهمه اش الفوائد اللي عليكي ومن ذا الكلام
لو كان عندك مصنع مثلا كيف تحسبي تكاليف البضايع اللي حتشتريها على حسب تكلفة السوق ولا على حسب مااشتريتها اول مره
كمان تتعلمين كيف تسجلي حساباتك في دفاتر خاصة فيكي كشركة عشان حتحتاجيها لمراجعة ارباحك وتتاكدي محد سارقك ولا شي

هذا اللي اقدر اشرحلك هوا بالمختصر المفيد
عالعموم تخصص جميل انصحك فيه بقوة
وربي يسهلك ياعسل

[هنآدي العتيبي]

مشكورين على الكلام الرائع حمستوني على التواصل في هاذا القسم والله يوفقكم.....

[آيـة محمد]

شكرا والف جزيلا لــــ هايم و حاقعد عالكاشير وروحي عراقيه وماعندي اسم وسعوديه ( اساميكم حلوه ) ..

والله حمستووووني حتى لمن قرءت المواد مررا حبيتها كل المواد الي نفسي اتعلمها موجوده .. لكن هي مررا كتييرا .. انتو في الترم تدرسوا كم ماده اختياريه بالضبط ؟؟ ...
عالعموم شكرا مرا تانيا .. الله يوفقكم

[حأقعد عالكاشير]

نازلنا 9 ساعات اختيارية تجيكي ثلاث مواد
ومو كل ترم ناخذ اختياري على حسب الترم اللي تبغي تنزلي المادة الاختياريه فيه يعني على كيفك

والمواد مومرة كثيرة يعني في السمستر 17 او 18 ساعه
يعني حق 6 مواد بس

وبالتوفيق ياعسل

[آيـة محمد]

تــشكري ياقلبي .. على اهتمامك .. وانشاالله ياااارب اتحصص على الحاسب

بس سؤال اخير .. كم هي النسبه الي تدخلك هادا التخصص الجميل ؟

[حأقعد عالكاشير]

والله ماعندي اي علم بالمعدل المطلوب بس اعتقد مو اقل من 4.50

وقدمي وان شاء الله ربي ييسرلك
وهما ياخذوا بأولوية المعدل يعني الاعلي بعدين اللي اقل منو وهكذا الين ماتتملى المقاعد

وربي يسهلك