من فين أجيب الكتاب دا؟

زوجة باسم · #1 04-12-2009, 12:34 AM

السلام عليكم ورحمة الله وبركاته
حبايب قلبي تعبت وأنا أدور على كتاب
وأبغاكم تدلوني عليه
مين يقدر يوفره لي جزاكم الله خير
اسم الكتاب: الاسس الاولية لإجراء التجارب الحيوية المعملية
المؤلف: طه عبدالله قمصاني
بالله لاتطنشوني بأسرع وقت
جزاكم الله خير
أنا حطيت الموضوع هنا عشان أهل مكه أدرى بشعابها

R-Kh · 04-12-2009, 06:32 AM

وعليكم السلام ورحمة الله وبركاتة
//
اسألي في جرير ، دار حافظ ، المكتبات اللي حوالين الجامعة
او شوفي المكتبة المركزية في شطر الطالبات فيها كتب كتير ما سارت تنباع برا ، ممكن تاخدي الكتاب تصوريه
او مكتبة كلية العلوم في الدور التالت ، اسألي فيها امكن تلاقي
..
وعلى فكرة د.طه هو رئيس قسم الكيمياء الحيوية بشطر الطلاب
لو مرة ما قيته ، ممكن ترسلي مسج للذكتور تسأليه عن الكتاب
..
:)

زوجة باسم · 04-12-2009, 04:18 PM

السلام عليكم ورحمة الله وبركاته
شكرا حبيبتي
بس المكاتب كلها دورت فيها ما في
وانا ماني في الجامعة انا خريجة لي 6 سنوات وداجه في بيتنا
وقدمت على الوظيفة
وعشان الاختبار قالت لي وحده من البنات اذاكر من دا الكتاب بس ماقالت لي فين اجيبه
بس اخويا طب اسنان ايش بالضبط اقله عشان يجيب لي دا الكتاب ؟
جزاكي الله خير

R-Kh · 04-12-2009, 06:18 PM

يدور في مكتبة الشقري في شطر الطلاب
او المكتبة حقت شطر الطلاب
//
انا لو رجعنا وكان عندي وقت اروح المكتبة المركزية ادورلك عليه
بس فكريني لاني مرررة انسى
..
:)

ALI ALZAHRANI · 04-12-2009, 11:09 PM

دار المدني للنشر والتوزيع

ادور على رقمه او عنوانه،،،،

زوجة باسم · 05-12-2009, 12:16 AM

السلام عليكم ورحمة الله وبركاته
R-kh
ALI-ALZAHRANI
جزاكم الله خير وأشكر على وقوفكم معي حتي بمجرد الرد
والله يرزقكم كل خير
صحيح أنا محتاجه الكتاب عشان الوظيفه ويعلم الله قد ايش انا في حاجه وظيفه
وكمان محتاجه الكتاب لإسترجاع معلوماتي التي فنيت فيها سنين عمري
انتظر ردكم
جزاكم الله عني كل خير

R-Kh · 05-12-2009, 12:29 AM

^
انا السبت والاحد محا اروح الجامعة
ولو رحت الاتنين بإذن الله اروح المكتبة واسألك عنو
..
:)

زوجة باسم · 09-12-2009, 12:01 AM

للرفع
رحتي ولا لسه
الله يكون في عونكم يا طلاب وطالبات جامعه الملك عبد العزيز

never hide · 09-12-2009, 03:41 AM

زوجة باسم ... ايوا عرفت الكتاب

شوفي يا قلبي جبت لك رقم الناشر دار المدني - شارع الصحافة حي مشرفة فاكس 6713424

على العموم هاذا ايميل دكتور طه تقدري تسأليه ((( بس مشكلتو ما يفتح الايميل دايما ))

tkumosani@yahoo.com

اقترح عليكي تخلي اخوكي يروح للدكتور طه و يسألو ...

أو خليه يبحث عن الكتاب في المكتبة المركزية غالبا حيكونو حاطين نسخ كثيره منه .

R-Kh · 09-12-2009, 04:10 PM

زوجة باسم
والله مررة اسفة
اقسم بالله الموضوع على بالي
بس اني ماعندي بريكات لاني بعوض المحاضرات اللي فاتتني مع شعب تانية
//
السبت والاحد عندي اختبارات محا اقدر اروح
لكن الاتنين بإذن الله حردلك خبر
..
:)

من فين أجيب الكتاب دا؟

منتدى قسم الكيمياء الحيوية