والله قلت حيا صراحــة .. طفح الكيل

[دلع الروووح]

معليش وربي والله سخاااافة بقووووة وقلت حيا ومسخرررة كمان ..
دحين ايش قصة الدكتورات اللي يحضروا وياخدو حضور وغياب ويبغو يختبروا كمان داه الاسبوع ومن اول يوم وربي خلاص يعني بعد التهاون في ارواحنا عادي نشوف اللعب في مستقبلنا بس والله مقهوووورة عشان كدا بأكتب ...
يعني أنا في كليــة الفيصلية طيب .. والبحيرة دي قدامنا في وجهنا من هناك ..
وأنا أركب مع باص وأمشي في الايام العادية والله ساعة كاملة ...
طيب ايش قلت الحيا هادي ليش بيداموا ويعطوا محاضرات ولا كأنو شي صاير وما يراعوا خوفنا والتحذيرات من الدفاع المدني من يميني وشمالي والله الين اليوم موجهـة من الوزارة تقول لأختي إنو الدفاع المدني اليوم الاحد رسل لهم رسايل تحذير من الاحد والاتنين واللي خلقني مو قادرة أعتب باب البيت كيف بيكون وضعي مع الباص وربي شي يقهرررررررر... يعني لو صار شي وأنا مع اهلي ممكن يحاولو ينقذوني يفكروا بشي من كدا أما مع باص يعني ميتة ميتة لو في شبر مويا مو فيضان ..
صح مايصيبنا الا ماكتب الله لنــا .. بس ممكن أنا أموت وسط الباص بس من الخوف لأني أدري إنو خطر ورايحة كمان .. المفروض خلاص يصير عندهم انسانية الدكتورات وما يحسبو حضور وغياب
أنا أصلن غياباتي قليلة مررررا ماعندي كتير بس برضو داه مستقبل .. والاختبار من 30 درجة يعني ماهمهم كلام الوكيل حق الجامعة ولا ايش الهرجة ابغى افهم انا ...؟
وبعدين هما مو قالو فيه حملة جامعتي مسؤوليتي طيب ليش يعطوا محاضرات يقومو ينظفو اللي ايزي عندهم وحضروا ..
صرااحة لازم يتحــط لداه الموضوع حد ... ايش داهـ
يعني مو تهاونن ما نبغى نحضر بس الباص والله يمكن لو شوية هوا في دي الاجواء تقلبوا فوق تحت .. عاد كيف فيضان .. ايش الدراسة دي اللي ماتجي الا بطلوع الروح واللــه كرهوني في الدراسة في اشد الضروف ويحسبو غياب وحضور اصلن الدكتورات فرصة وما صدقو يمسكو عالبنات شي .. بس الله حسيبهـــم ..صح هما يأدو عملهم بس خلاص ما في مراعاة ..وخصوصا احنا بنات يعني كيف تخرج البنت في أوضاع خطيرة وأنا أقول" البنت " لأنو أجسامنا ضعيفة لو صار شي لا سمح الله ماراح أقدر أنقذ نفسي أصلن ..
ياربي متى يجي أمر ملكي إنو تتأجل الدراسة عشان ما ينقصوا درجاتنا وللا إحنا مو حاضرين وداه شي مفروغ منـو .. بس درجاتنا والله قهرررررررررررر ..