سؤآلـ عن تجربة في معملـ كيم 202 //~

[نسيم الوجود]

السلامـ عليكمـ



بنـآت عندي سؤآلـ بالتجربة التـــــــــآنيه



متى اوزن واطلع W2 ؟

هل احط NAOH في الكالورميتر مع HCL واغطي بقطنه وأوزن في الميزآآن ..طيب القطنه مآ تأثر في الوزن ؟



اشرحوهـآ لي هالنقطه .. لاني نسيت كيف اطلع وزن W2 ؟


....


فيه شي تــــآني ..

بغيت اعرف بمـــآ أنو الاسئلة موحده لكل الشعب ..

استــآذتنـآ لما كانت تشرح كانت مغيره في شرحها عن الملزمه ..يعني مثلا حقت
H1=H2+H3 تقريبا هيا ثابته في الثلاث التجارب الاولى بس هيآ كل مره كانت تغيرها على حسب المعمل زي كدآ وحاطتها زي كذآ
qsys=qcal+qrxn

بغيت اعرف استــــآذاتكمـ كانو يغيروها زي ماغيرت استاذتنا ..ولا كانو يشرحو زي الملزمه لان اللي بالملزمة اسهل شوفتها ...

عشان الاسئلة بتكون موحده وابغى اذاكر على حسب الملزمه مو الاستآذهــ << خلاص فهمـوآآ





انتظركمـ






نسيمــ

[الفنانة]

شوفي ياستي !

القانون الأساسي
(.qneu = - (qsol. + qcal

وعشان نحسب .qsol لازم نعرف الـ .Wsol

وماحنقدر نجيب وزن المحلول الا إذا طرحنا
وزن المحلول + الكالوريميتر الجاف (W2) - وزن الكالوريميتر الجاف (W1)

و W2 هيا عبارة عن وزن الكالوريميتر اللي يحتوي على 100ml of HCl مع بعض!!

ان شاء الله تكون وصلت الفكرة ^^

[نسيم الوجود]

المشاركة الأصلية كتبت بواسطة الفنانة شوفي ياستي ! القانون الأساسي (.qneu = - (qsol. + qcal وعشان نحسب .qsol لازم نعرف الـ .Wsol وماحنقدر نجيب وزن المحلول الا إذا طرحنا وزن المحلول + الكالوريميتر الجاف (W2) - وزن الكالوريميتر الجاف (W1) و W2 هيا عبارة عن وزن الكالوريميتر اللي يحتوي على 100ml of HCl مع بعض!! ان شاء الله تكون وصلت الفكرة ^^

لاآآآآآآآآآآآآآآآآآآآع مافهمتيني


طيب دحين استاذتكـ ..كانت بتشرح لكم الحســــآآآبات على دآ القانون ..ولا على اللي موجود بالملزمه يعنيزي دآ H1=H2+H3

استاذتي بتشرح على اللي كتبتيه انتي ..بس انا ابغى احفظ القانون اللي بالملزمه مو حق الاستاذه


وبعدين W2 مكتوب بالملزمه انو هيا ( وزن الكالورميتر + وزن المحلول اللي هوا لحمض والقاعده ) تلاقيها بالحسابات تحت

لانو في خطوات التجربه ..الخطوه التانيه غلط ..لانو كتب انو W2 هيا وزن الكلورميتر مع Hcl واستاذتي قالت غلط .........

w2 هيا عباره عن وزن الكالورميتر + وزن الحمض والقاعده (اللي هو المحلول) لازم يكنون كلهم مع بعض

لكن انا ماني عارفه دحين كيف نطلع W2

لانو لما نحط القاعده على الحمض لازم نحطها بسرعه ونغطيها بقطنه ...بس القطنه بتأثر على الوزن ولا لا ..

اكيد فيه طريقه غير دي ..

ممكن يعني وزنـآ القاعده في المجرنق سلندر على الميزآن وجمعناها مع وزن الكالورميتر مع الحمض <<< يـــــــآشيخهــ

[بيو كيميائية ^_^]

القطنة نشيلها هي والترمومتر بعد ماتثبت درجة الحرارة وبعدين نوزن

وأستاذتنا سوت مثل أستاذتكم

[نسيم الوجود]

المشاركة الأصلية كتبت بواسطة بيو كيميائية ^_^ القطنة نشيلها هي والترمومتر بعد ماتثبت درجة الحرارة وبعدين نوزن وأستاذتنا سوت مثل أستاذتكم

آآهــــــــآآآآآ ممكن صح ...

يعني نطلع الـw2 بعد ماتثبت درجه الحرآآرهـ ..يعني هيا اخر خطوهــ نسسويهــــآ ..
بس احنا سوينا حاجه تانيه بس مدري اش هيآآ

والقوانين يعني لازم احفظ قوانين استاذتي لاني خايفه يجيبونها بالاختبار =(




بيو كيميائيه ..ترآآآآآ فجعتيني يوم الاربعـــــــــآء انتي و (قلبي مملكه واميرهـ ) جيتو انتو الثلاثه كلكم هجووووومـ و حشرتوني فكلاس العربي عند الكرسي حقي .. حتى ماقدرت اقوم اسلم عليكـي زي النااس ..مرره انحرجت ..حتى لسســآآآآني انرربط وانتي تكلميني هههههههههههههههه حسيت الكلاس كلو يطالع فيـــــآ ..كأنهمـ يقولون : مين المهمه دي اللي كل شويآالناس بتسلم عليهـــآ ... مررهـ انحرجت ..

[بيو كيميائية ^_^]

المشاركة الأصلية كتبت بواسطة نسيم الوجود آآهــــــــآآآآآ ممكن صح ... يعني نطلع الـw2 بعد ماتثبت درجه الحرآآرهـ ..يعني هيا اخر خطوهــ نسسويهــــآ .. بس احنا سوينا حاجه تانيه بس مدري اش هيآآ لاهي آخر خطوة اللي سويتوها بعدها قمتوا تحسبوا والقوانين يعني لازم احفظ قوانين استاذتي لاني خايفه يجيبونها بالاختبار =( أنا باحفظ مثل ماسوت الأستاذة أنت أي يوم لابك ومين يدرسك؟ بيو كيميائيه ..ترآآآآآ فجعتيني يوم الاربعـــــــــآء انتي و (قلبي مملكه واميرهـ ) جيتو انتو الثلاثه كلكم هجووووومـ و حشرتوني فكلاس العربي عند الكرسي حقي .. حتى ماقدرت اقوم اسلم عليكـي زي النااس ..مرره انحرجت ..حتى لسســآآآآني انرربط وانتي تكلميني هههههههههههههههه حسيت الكلاس كلو يطالع فيـــــآ ..كأنهمـ يقولون : مين المهمه دي اللي كل شويآالناس بتسلم عليهـــآ ... مررهـ انحرجت ..

خخخخخ

ماأنا يوم الثلوث قلت إلى قلبي مملكة أبي أشوفك أنت وأميرة لأني من العام كنت أبي أشوفك

وأنا اقول ايش فيها مرة ماعطتني وجه حتى تفشلت وانصدمت منك قلت فرق

خلاص السبت أشوفك عدل مو مثل الربوع

شوفي كيف خليناكِ مهمة المفروض تفرحين

[نسيم الوجود]

المشاركة الأصلية كتبت بواسطة بيو كيميائية ^_^ خخخخخ ماأنا يوم الثلوث قلت إلى قلبي مملكة أبي أشوفك أنت وأميرة لأني من العام كنت أبي أشوفك وأنا اقول ايش فيها مرة ماعطتني وجه حتى تفشلت وانصدمت منك قلت فرق خلاص السبت أشوفك عدل مو مثل الربوع شوفي كيف خليناكِ مهمة المفروض تفرحين

انا لابي يومـ السبت من11-2 تدرسني امل السديري << مو متأكده من لقبهـآ





لا والله بيو معليييش مو قصدي مااعطيك وجه ..ههههههههههههه لا والله بس فجعتوووني قسمـ بالله ..جيتو الثلاثه وحشرتوني عند الكرسي حتى والله ماقدرت اقوومـ ههههههههه ..انا لما انفجع ينربط لسـآآآآآني واروح في خرآيطهـآآآآآ وافشل نفسي واللي قدآمي ههههههههههههههههه

[بيو كيميائية ^_^]

اها نفس اللي تدرسني

هههههههههههههه

ليش فكرتينا بنضربك خخخخ

حصل خير

الأيام جاية

نعوضها

[الفنانة]

تسلموا ع التوضيح ياعسولات ^^

منجدد ماكنت عارفة ×_×

يلا ربنا يسهل :)

[نونـــــا]

السلام عليكم

صبايا دحين استاذه حقتنا قلتلنا انو التجارب مو مطالبه انك تحفظينها لانو ما حيجي منها شئ وقت العملي راح يكون معاك ورقه تطبقي منها ......
يعني التجارب نحفظها ولا؟؟؟؟
وانتي ايش قالولكم؟؟؟زينا؟؟؟؟