الوجه العبوس ^_*

[أحلى دنيا]

مرررررراحب


في سؤال داير في بالي

في الصيف سافرت مع اسرتي لأمريكا ولاحظت انه الشعب الامريكي فيهم شي عجيب
يخليك لمن تشوفهم غصبا عنك تبتسم !!

ايش هوااا ؟؟؟.............................................






انهم يبتسموا لأي مخلوق يشوفوه !!!!!!!!!!!!!!!!!!!!!!!!!!!!!!


هههههههههه يعني انا كانت فكرتي زي معظم العرب عن امريكا بلاد كفار وحرب وبوش الزفت <<< أووبس


بس لمن رحت لقيت انه شعب freindly ومطيح الميانة زي ما يقووولوا مرررررة


دحين يطلعلي مية واحد يقول انتي تحبي بلاد الفجرة والفسوووق وهمما عمايلهم سوودا ووو...


بس انا باقول على الابتساامة.. ليش هما الناس عبوووسبن هنا؟؟؟
ياخي افرد وجهك شوية ..فكهاااااا

من جد لمن أقوم في الصبح وأخلافي وااااااصلة معايا لحدها اشوف كل اللي تجي يقابلوني يبتسمولي
يعني انا كمان من باب الأدب اردلهم الابتسامة حتى لو كنت معصبة

وعشان الشعب كله يبتسم في الصباح تلاقي الناس هادين في بداية الدوام أو على الاقل يتظاهروا بالهدوء

ماتلافي أحد يقول هناك " انا كنت سهران امس الليل ويادوب قمت وجي الدوام .. لاااا أحد يهرجني "!!! ايش داااا ؟؟؟

وبس هادا كل الموضوع

طيب سؤال على الماشي

انت اذا شقت واحد ماشي في الشارع وجات عينك في عينه قام الادمي ابتسملك .. ايش يكون موقفك ؟؟؟


سبب كتابتي للموضوع اننا نحاول شوية نغير النظرة العبوسة والتشميقة من صباح ربي .. <<< فاكرين مجد اللي في( أنا وأخي") أخت حسان صاحب سامي هههههههه

انا باشوف وجوه زي مجد معبسة طول اليوم مو بس الصبح ههههههههههههههههه

وشكرا يا حلوين على القراءة .. دي كانت مجرد فضفضة

[motr]
أحلى دنيا[/motr]