شوفو مشكلتي وادوني رايكم والله تعبت من الجامعه ومن تعاملهم معايا

[احيائية ام القرى]

السلام عليكم

يناس انا مشكلتي مشكله من بداية الترم وان امتشحططه من مبنى لمبنى من الشؤون للعماده من العماده للشؤون من الدكتوره الفلانيه للدكتوره الفلانيه
ولغاية دحين ما استفد ولا شي والله تعبت وتعبت اهلي معايا
سرت ارجع البيت وحالتي مرره زفت والي كمل الناقص الاختبارات

انا الترم دا حلوت من جامعة ام القرى عشان بس تخصص احياء دقيقه >>ولا كان انطقيت في جامعتي ولا جيت هنا واتمرمط بما اني ساكنه في مكه

المهم قبل لا اسحب ملفي جيت الجامعه مرتين ورحت العماده قلت لها انا حاحول لهنا وهادي كشف درجاتي حتتعادل كل المواد قالو ايوا حتتعادل كلها ماعدا اختلاف عدد الساعات قلت معليش نمشيها اهم شي تتعادل امتر المواد

جا وقت المعادله عادلو ليا الكميا 110 ب 201 الي هيه كيميا الخطه القديمه
رحت الشؤون قالتي غلطانين العماده ووقعتلي ع الورقه انه اسمها 110 وانا ابغا اتاكد رحت عندر وحده تانيع في الشؤوون فتحت ملفي قالتلي شوفي تتعادل كيمياتكم بكيميتنا >>> انا اطمنت بدا الكلام
رحت العماده عشان اعدل المعلومه الغلط
طبعا لازم هناك يفتحو ملفي فتحو لقو انه مكتوب تعادل كيميا عامه بماده اختياريه ؟؟؟؟ كيف تجي دي
وانا من اول اناحل نفسي ع ايش ويقولو راح تتعادل
صح حتى الكيميا العضوي ما اتعادل ليا برضو قالو ماده اختياريه ؟؟؟؟

انا قلت طيب معليش
بس اتفاجئ اني لازم ارجع ادرس كيميا عامه 110 وكيميا عضويه مره تانيه
طيب انا ياناس قسمي احياء مو كيميا
يعني المواد الاختياريه الي راح يعادلوها ليا من مواد تخصصي من مواد الاحياء
كيف تجي ماده كيميا حتتعادل يمادة احياء
ويبغوني ادرس كيميا تاني
؟؟؟؟؟؟؟؟؟؟؟؟؟؟؟؟؟؟

رحت عند رئيسة قسم الاحياء قالتلي كيف تجي دي وارسلتني ع دكتوره

صح معلومه انا من بداية الترم وانا استنى دكتوره في قسم الاحياء حق معادلة المواد وعمري ماشفت وجها غير اول يوم لمن حولت وكنت في حوسة الجداول ونقل اوراقي ومن بعدها ولا ادري عنها

اليوم بالصدفه مريت جنب مكتبها لقيته مفتوح قلت لها ع القصه قالتلي يابنتي روحي الشؤون وجيبي ورقة معاملتك
قلت طيب وطلعت >>> طبعا تعامل الشؤوون مررررررره زفت غير انها تتافف عليا
انا جايتها باحترام ولا رديت عليها وهيه جالسه تتاففلي ولا ترد عليا برد عدل وتقلي محد قالك انقلي دي ضريبة النقل >>> اش الكلام دا حسيت اني اخد منهم صدقه

المهم لمن طلعت مالقيتها وحده الله يعطيها العافيه صورتلي كشف معادلة الدرجات من الاودس
رحت عند دكتورة الاحياء شفتها تصك مكتبها وخارجه
رحت عندها قاعده اكلمها تقلي تعالي بكره >>> انا
قلتها متى بكره اجيكي تقلي تعالي من الساعه 9 لغاية 12 انا موجوده >>> تضحك عليا انا من بداية الترم وانا عند باب مكتبها وما الاقيها او بالاصح تصك مكتبها وهيه جوه لانه قالت دا الكلام لبنات غيري وبرضو جلسو يستنو ولا حياة لمن تنادي
قلتها طيب و التخصص ؟ قالتلي كله بكرا >>> لاني طلعت عند الشؤون قالتلي انتي حالتك خاصه روحي عند الدكتوره

اانا خلال دا الاسبوع لازم اختار التخصص لانهه ممكن يحطوني اي شي او يخلوني من غير تخصص >> وقتها اش اسوي اندب حظي والطم واتاخر كمان ترم اكتر من ما اانا متاخره

قلت خليني اروح قسم الكيميا اتفاهم معاهم
رحت عند رئيسة القسم تبغا مفردات المنهج كلمت ابويه والله الله يعطي العافيه جبلي المفردات ونزلي جده واداني هيه
وريتها اياها قالتلي كيميتكم 1 = كميتنا 2 ماعدا شبتر واحد درستو = كيميتنا 1
قلتها طيب هيه ماده عامه وانا مو تخصص يعني لا تدققو عليا دققو ع بنات تخصص الكيميا
مارضيت مررره ما ادري هيه شغلت عناد ولا تبغا تبين نفسها
يعني انا درست كيميا خلاص مشوها ليا

سمعت من العماده والله اعلم انه قبل 3 سنين او 4 كانو يعادلو الكيميا
بس بما انه انا جيت ع سنه اتغيرت فيها الخطط فاتنكبت
سارت العماده تعادل ع الخطه القديمه والشؤوون ع الخطه الجديد
وكل مين معند ولا هم راضيين يتفقو ولا رضيو يغيرو اي شي حتى رمز مقرر الكيميا ما غيرو ليا الي هوه 201

والله خلااااااااااااااااااص انا مررره تعبت ما ادري اش اسوي في عمري
الاقيها من قسم الكيميا الي مو راضي يعادلي ولا من قسم الاحياء الي مو راضي يخصصني


افكر اسوي اوراقي من قسم الاولاد ع الاقل يكون في تفاهم من زي الحريم الي كل وحده شايفه نفسها ع ايش ما ادري وتتاففلي وتسمعني كلام غبي وانا سااكته لهم
بس ممكن انا ادخل لقسم الاولاد ولا ممنوع؟؟؟؟؟؟ >>> سمعت من صاحبتي انه عادي صح؟؟؟
ولو خليت بابا صعبه خاصه انه ماراح يعرف يفهمه اش انا الي ابغا بالزبط لانه انا صاحبة الشان ودي اوراقي

افيدوني ياناس لاني اكتئت سرت ارجع البيت كل يوم ابكي من رجلي الي تعورني ومن تعاملهم معايا ومن المواد الي درستها وحتتعادل بمواد تخصص ويبغوني ادرس الكيميتين مره تانيه

[Meez0o0]

لاتعليق الله يعينك

[nour al3mr]

وعليكم السلام ورحمة الله وبركاته ..
ياقلبي ..ربي يعينك ويصبرك ع المعاناه اللي عايشاها ..
والله الشغله اشوي معقده <<طبعا اللي معقدها المسؤلات والاداريات المحترمات اللي معينينهم في الجامعه ولا بدقايق يقدروا يخلصوها ..لكنهم اختصاصيين بهذله في ذي الجامعه الموقره _طبعا مو كلهم الا من رحم ربي _ والله ياسكر برايي لاتخلي بني ادم الا وتدخليه في موضوعك سواء من قسم الرجال أو من قسم الحريم..
أسالي المسؤول وكيل عماده القبول والتسجيل عند الأولاد هناك يمكن يقدروا يعملوا شيء أو اقلها تستفسري منه عن هذي المواد هل تتعادل بالمواد الاساسيه ولا كمواد اختياريه..
ونصيحتي لك غاليتي:
لا تيأسي أبدا و اصبري و ربي ما بيخيب ظنك طول ما انتي محسنه الظن فيه وواثقه فيه تمام الثقه..
لان الموضوع كله بامر من الله ..والله مابيدهم يعملوا شيء ولا بكيفهم...
ربي يعينك ويوفقك ويسدد خطاك ..
وبإذن الرحمن ترجعي تكتبي هنا وتبشرينا انك اتقبلتي ونورتي الجامعه ...
ربي يحفظك ويرعاك ..واعذريني ع الاطالة..

[معبب]

اهليييييييييين احيائيه ام القرى
واخيييييرا لقيت وحده نفس حوستي مع التحويل
اقول احمدي ربك بس مادتين بتعيديها انا سنه كامله بعيدها!!
انا درست بسعود سنتين وحولت ع عبد العزيز وعادلولي 11 ساعه من 64 تخيلي!!
ومثلك الكيم ماتعادلي ولا مواد الانجليزي ولا مواد الاحصاء ولا العربي :(
ومواد التخصص الي عاجبتهم عادلوها والباقي لا!! بس الحمد الله ع كل حال
المهم لاتشيلين هم وش يدريك يمكن اذا درستيها مره ثانيه يرتفع معدلك

دعواتي لــــك

[احيائية ام القرى]

المشاركة الأصلية كتبت بواسطة Meez0o0 لاتعليق الله يعينك

امييين

[احيائية ام القرى]

المشاركة الأصلية كتبت بواسطة nour al3mr وعليكم السلام ورحمة الله وبركاته .. ياقلبي ..ربي يعينك ويصبرك ع المعاناه اللي عايشاها .. والله الشغله اشوي معقده <<طبعا اللي معقدها المسؤلات والاداريات المحترمات اللي معينينهم في الجامعه ولا بدقايق يقدروا يخلصوها ..لكنهم اختصاصيين بهذله في ذي الجامعه الموقره _طبعا مو كلهم الا من رحم ربي _ والله ياسكر برايي لاتخلي بني ادم الا وتدخليه في موضوعك سواء من قسم الرجال أو من قسم الحريم.. أسالي المسؤول وكيل عماده القبول والتسجيل عند الأولاد هناك يمكن يقدروا يعملوا شيء أو اقلها تستفسري منه عن هذي المواد هل تتعادل بالمواد الاساسيه ولا كمواد اختياريه.. ايوا رايحه لهم ان شاءالله انا خلاص تفاهمي مع الرجال مو مع الحريم تعبت منهم صوتي انبح بس اقدر انا ادخل قسم الرجال ولا ممنوع؟؟؟ لانه ناويه بكره اروح ان شاءالله ونصيحتي لك غاليتي: لا تيأسي أبدا و اصبري و ربي ما بيخيب ظنك طول ما انتي محسنه الظن فيه وواثقه فيه تمام الثقه.. لان الموضوع كله بامر من الله ..والله مابيدهم يعملوا شيء ولا بكيفهم... صح كلامك كله بامر ربنا ويااارب سهلها من عندك ربي يعينك ويوفقك ويسدد خطاك .. امييين وبإذن الرحمن ترجعي تكتبي هنا وتبشرينا انك اتقبلتي ونورتي الجامعه ... ان شاء الله ربي يحفظك ويرعاك ..واعذريني ع الاطالة..

الله يعطيكي العافيه والله يوفقك دنيا واخره

[احيائية ام القرى]

المشاركة الأصلية كتبت بواسطة معبب اهليييييييييين احيائيه ام القرى واخيييييرا لقيت وحده نفس حوستي مع التحويل ههههههههه والله التحويل دا نكبه اقول احمدي ربك بس مادتين بتعيديها انا سنه كامله بعيدها!! مين قاله انه بس ما دتين ما خفي كان اعظم في كذا ماده ما اتعادلت عشان اختلاف الساعات الي هيه عربي وسيره وكيميا حيوي وفيروسات واحصاء حيوي والانجليزي انا درست بسعود سنتين وحولت ع عبد العزيز وعادلولي 11 ساعه من 64 تخيلي!! اف اف لا لا لازم تروحي لهم اش العبط دا يابنت لا تسكتي عن حقك ومثلك الكيم ماتعادلي ولا مواد الانجليزي ولا مواد الاحصاء ولا العربي :( ومواد التخصص الي عاجبتهم عادلوها والباقي لا!! بس الحمد الله ع كل حال المهم لاتشيلين هم وش يدريك يمكن اذا درستيها مره ثانيه يرتفع معدلك اتوقع حينزل لانه درجاتي الحمد لله مرررره حللوه بس انا اكره الكيميا اخاف ادرسها تاني واروح فيها دعواتي لــــك

يسلموو والله يعطيكي العافيه

[معبب]

هلا والله بأحيائية ام القرى
واااو يعني مو بس الكيم لحاله !!
وترى المعدل رح يبدئ من الصفر بعد التحويل
يعني انسي المعدل الي جبتيه والدرجات الحلوه!!
وبسألك اللحين انتي نزلك جدول؟

[ميس محامية]

اقلك يااختى ترى والله عندى مشكلة كانت قريبة من دى والله من اول الترم وانا احاول وكل وحدة ترمينى على الثانية لما يئست ياحبيبتى تعاملك الوحدة كانو من جيب ابوها بتديكى ويعقدو الامور وكذابين كمان لكن والله لو عندك احد تكلمية في قسم الرجال حتلاقى تجاوب وحل لمشكلتك لدرجة انك ما تصدقي انى مشكلتك خلصت وحتحسى بالتعقيد اللى في القسم البنات

[احيائية ام القرى]

المشاركة الأصلية كتبت بواسطة معبب هلا والله بأحيائية ام القرى واااو يعني مو بس الكيم لحاله !! وترى المعدل رح يبدئ من الصفر بعد التحويل يعني انسي المعدل الي جبتيه والدرجات الحلوه!! وبسألك اللحين انتي نزلك جدول؟

انا الي اعرفه انه المعدل يبدا من 0
بس فين تروح درجاتي
يعني بالله في الوثيقه اش يكتبو ع المواد ؟؟؟ مجهولة الدرجه

كيف انتي نزلك جدولك؟؟ قصدك السمستر التاني لسا اصلا ما ادري راسي من رجلي ولا ادري انا فين الله حاطني وفين تخصصي

اما لو قصدك السمستر دا اكيد من بداة الترم وانحذف جدولي ورجعته تاني