إلى من ستصل رسالتي؟؟...):

[مخاوية الليل بنومي]

السلام عليكم

لا أعلم من أين أبدء

لكن مجرد خطأ "جامعي"...رووح علي درجاتي في الانجلش

فـ ماذا أفعل؟؟ ):

ايش اقول لكم....شي يقهر صراحة

في الاختبار ما جاني غير 30 سؤااااااااااال

معقولة 30 سؤال بتقولون

ايوه هذا اللي جاني

يعني غيري جا لهم بـ 60 سؤال ومنهم جا 45 ومنهم ومنهم...إلخ

وانا بس 30...ونقصت درجاتي والسبب هذا الخطأ الجامعي

الاساتذة قالوا لنا شيكوا اذا اوراق الاسئلة 13 ورقة....بس ما قالوا شيكوا اذا هذا النموذج هالكثر اوراق

مو معقولة اجيب 11.5 في اختبار الانجلش

كلمت استاذات الانجلش اللي يدرسوني

قالوا مانقدر نسوي شي...حاسين فيك بس مانقدر نسوي شي

مجرد اللي اتمناه يوصل كلامي للجامعة ويشوفون لي حل حتى لو اعيد الاختبار

سكت في البداية قلت يمكن اقدر احل المسئلة عن طريق الاساتذة وكلمتهم اكثر من مرة

شفت مافي فايدة

سمعت انو الدكتور عبد الفتاح يدخل هنا يشوف مشاكل الطلاب وزي كذا

فـ حطيت الموضوع هنا

والحين؟...تضيع درجاتي سنة اولى وانقص..وتأثر ع السنوات تبعتي الدراسية...والسبب خطأ جامعي؟؟

[بنت بنوت]

حتى انا مثلك

11 ونص

انتي ليفل كم؟

[مخاوية الليل بنومي]

المستوى الثاني

[lonia]

السلام عليكم

والله لان قلبي حزن ولا اعلم ماذا اقول

الله يعينك ويرد لك حقك يااختي

لكن انا بوفر عليك وقت انتظارك لدخول دا الدكتور

باني اعطيك ايميلو وراسليه

asmashat@kau.edu.sa

[مخاوية الليل بنومي]

شكرًا لك أختي

تم الإرسال

[برونزية]

ايش استاذه مالها صلااااااااااااح
و ربي كلام فاضي بس يداوموا و ياخدوا راتب وبس
و في النهايه مالهم يد و قلك حاسين كمان

حبيبتي لا تسكتي عليهم ادا انتي متاكده ميه بالميه انه ماجاك غير 30 سؤال روحي للعميده اللي مسؤله عن السنه التحضيريه ...
انا من فرع البنات ....
انا زيك صار لي كدا في الرياضيات ابدا اللي شفتها 25 سؤال و هي 30 سؤال

و في نفس اليوم لما عرفت رحت مكتب العميده و دلوني على وحده مسؤله عن السنه التحضيريه
فكلمتها و كلمت الدكتورة و قالت لي حنشوف لك حل

و لكن و الله اعلم ما ادري ايش اللي صار بس الاستاذه يوم خميس ترجع من بيتها للكليه كله عشان تشيك على ورقتي (( دا الشي اللي ما قدرت ابلعه )) صح رجعت من بيتها و شافوها البنات بس قالت لي انها لقيت الورقه ...

و الله العالم هو الغلط مني و لا منها ..
بس ادا انتي متاكده من كلامك اتكلمي و لا تسكتي لانه انا كانوا يقولولي امكن نعادل لك الدرجه ...

و الله يكتب لك اللي فيه الخير ...

[roy]

ان شاء الله ربنا ما حيضيع تعبك , اصبري وحاولي تعوضينها في الاختبارات الجاية..بالتوفيق

[miss.NeNo]

ويييييييييي وربي مرررا لاتسكتي على حقك

دولا مايبغالهم الا الوحدة الي تقعد تزن على راسهم 24 ساعه

ولا روحي الجامعة واشتكي وعيدي الاختبار ولا انك تنقصي الدرجات دي كلها

اتمناالك التوفيق اختي

وطمنينا اش سار معاكي :)

قلبي عليكي وربي *_*

[M!ss 5o05a]

ايش اللي مايقدروا يسوا شئ والله بجد شئ يقهر


خلاص انتي ارسلتي للمشاط ان شاالله يفيدك..


والله حتى لو عوضتي الاختبارات الجايه ماينفع تروح درجاتك دي في الهواا


الله يكون في عونك :)

[~دنيتي غـآآآلية~]

أكتبي خطاب لعمادة القبول واتسجيل ,, بالتحديد لعبد الفتاح مشاط !!!!