ابي افكاركم يا بنات بسوي حفلة

[احساس طفلة]

مرحبا صبايا
اش اخباركم
انا في غااية الحيرة من امري ؟؟؟
الاسبوع الجاي عيد ميلاد زوجي وانا لسا عروسة متزوجة من 4 اشهر ولحالي في مدينة جدة
وابي اسويله حفلة بس ماني عارفة ايش اسوي وماني قادرة اجيب الكيكة ومن اي محل ؟
لاني ما اعرف في مدينة جدة وماعندي احد يوديني غير زوجي ومستحيل اخليه هو اللي يجيبلي الكيكة
( حلوة يجيب كيكته خخخخ)
اللي تعرف ارقام محلات حلويات او عندها اي فكرة تساعدني ياحلوين
ومين تعرف مطاعم كشخة وحلوة ؟؟؟ تقولي عليها
اعرفكم ماراح تقصروا بانتظار ردودكم والله يسعدكم
دلوني على محلات حلويات توصل طلبيات وتكون قريبة من بيتي انا في حي السليمانية

[ألف باء تاء]

أول شيء العمر كله يارب, والله يوفقكم وتعيشوا سوا على طول

شوفي, المحل إللي في بالك حق حلويات وخذي رقمه من الإستعلامات

وكلميهم, الأغلب عنده توصيل طلبات, خليهم يوصلوا لك الكيكه

نظفي البيت وعطريه وبخريه, وزينيه, وحطي بلونات كثير تحلي المكان


الله يعينك على نفخ البلونات هههههههههه


الأشياء هذي تنباع في الأماكن البسيطه محلات بو ريالين إللي أقصده البلونات وأدوات التزيين,,

مطاعم أنا بصراحه جيت مره وحده جده, قبل 4 سنوات ورحت مطاعم كثير بس ماني ذاكره أسمائهم كلهم...

:)

[الشوق الجارح]

حظك حلو صاحبتي اتزوجت قريب وسويت لها دفتر فيه بعض الأفكار وما تغلي عليك يالغلا ..

والله يوفقك ..
احجزي بفندق أو منتجع بحري (شاليه) بعطلة نهاية الأسبوع وفاجئيه

الإحساس بالدفء شعور جميل..
فبينما يكون زوجك يستحم استغلي هذه الدقائق وضعي الفوطة الخاصة به في المنشفة الكهربائية ثم فاجئيه عند خروجه من الحمام بهذه الفوطة.. التي ستحقق دفء الأجسام وبالتالي دفء المشاعر بينكما.

ضعي مكعبات ثلج.. على شكل قلب في كأس العصير الذي يشربه.
بواسطة حبة الفراولة..
شقي حبة الفراولة من الأسفل ثم ضعيها في صحن من صوص الشوكولاته وضعي رسالة في هذا الشق.

ـ جمع الكنز..
اصنعي كروت على شكل قلب أو قبلة.. في كل قلب تطلبي من زوجك طلب كأن يذهب إلى غرفة معينة أو يذكر صفة تعجبه فيك أو حتى قبلة في مكان معين.
وعلى زوجك أن يجمع الكنز عن طريق آخر بطاقة يحصل عليها وهكذا.. آخر بطاقة مكتوب عليها (مبروك حصولك على الكنز).

ـ فكرة بالشموع:
استغلي يوم تأخر زوجك بالليل واحضري شموع صغيرة شكلها دائري.. وشكلي على الأرض كلمة أحبك وولعيهم قبل أن يدخل زوجك وأطفئ الأنوار.

تحيني أي فرصة لغياب زوجك عن المنزل.. وفاجئيه بفكرة
مبتكرة تترك في نفسه أثر وذكرى جميلة لا تنسى..
أحضري طاولة مستديرة.. ضعي عليها بعض الشموع وأشعليها وضعي أباجورة أو إضاءة خافتة.. اختاري أكثر الغرف ظلاماً في المنزل.
زيني الطاولة بالإكسسوارات (تحف – برواز به كلام جميل – قائم لإسناد ظرف يحتوي على رسالة منك موجهة لزوجك – أطباق وشوك ومناديل بالإضافة إلى الكيك الذي قد جهزته بنفسك أو طلبتها دون علم الزوج).
جهزي شريط كاسيت (به أناشيد هادئة – محاضرة عن الحب – أو حتى مجرد آهات مؤثرة).
اغتسلي وتجهزي ثم أعملي تسريحة جميلة.. وألبسي فستان سهرة.. مجوهراتك الثمينة.. واحرصي على ماكياجك الكامل ولا تنسي أن تتعطري.
جهزي لزوجك المشلح (البشت).. وأطفئي سائر أضواء البيت.
عندما يأتي احملي إحدى الشموع بيدك.. وافتحي له الباب بنفسك.
ألبسيه البشت ثم أمسكي يده إلى حيث الطاولة.. شغلي الشريط واستمتعا معاً.
وسترين كم ستترك هذه الحركة في نفسه من آثار
اذا عزمته ع المطعم اتصلي عليهم واتفقي معاهم انك راح تسوي الحفله ..
بس احسها في البيت في رومانسي احسن ..>>>>شوفي الي يريحك ..

وعن المحلات بصراحه ماعندي فكرهـ

[د-فوفه]

اعزميه بمطعم(( ودعه ))ع البحر جدااااا ريلاكس

او احجزي بالهليتون او اي فندق راقي

وجهزيلوو كل شي بدون ماايدري

[S...R]

شوفي احسن مكان للكيك

الذووواااق او سعد الدين واااة عندو تشيز كيك

بالتوت فضيع

خذي رقمهم من السنترال

[طمـــــ في شموخ ـــــوح]

اممممممم ....عيد ميلاد؟؟؟
مايصير مو احنا مسلمين والمسلمين ماعندهم إلا عيدين في السنة
عيد الأضحى والفطر..
وإذا على الحفلة ممكن تعمليله حفله بمناسبة انك سعيدة أنه هو زوجك وانك محضوضة فيه وفي اي وقت
بس حبيت أنبهك انه مايجوز في ديننا نعمل عيد ميلاد
والله يوفقك ويسعدك وتعيشي حياة سعيدة هنيه معاه خاليه من المنغصات والمحرمات
محبتك

[ترانيم الحزن]

الف مبروك والله يهنيكم يارب
بس حبيبتي حراااام اعياد الميلاد وانتو عارفين هذا الشي فابتعدي عن الحرام ياقلبو

[R-Kh]

منش باكري ، يوصل الطلبية ويعملك التارت بالشكل اللي تبغيه
و أطايب كمان بس ماا عرف لو يوصل
..
المطاعم:
ببلز
البامبو
الملتقى
..
:)

[احساس طفلة]

شكرا ياحلوين افكاركم عجبتني
اعرف انه حرام عشان كذا انا مابحتفل في نفس اليوم بحتفل في اليوم الثاني

[احساس طفلة]

الشوق الجارح شكرا حبييتي الله يسعدك يارب ويوفقك في حياتك ياعمري
طيب في محلات ورد توصل بوكيهات الورد ؟؟؟؟؟؟؟؟؟؟؟؟؟اعطيني اسمائها اذا تعرفون حبايبي