كل مايخص اختبار اساليب الكتابه العلميه//هنا..~

[شكولا]

بسم الله الرحمن الرحيم


صباحكم/مساكم..سعاده ورضى من الرحمن..~
\
/
\
/
طبعا زي مالكل عارف اختبار الاساليب يوم الاربعاء الجاي..
وبما أن الكل حاااايس في هذي الماده..لازم نتعاون عشان نقدر نعديها وننجح..



في البدايه بقول كل اللي اعرفه عن الاختبار..وبعدين أي وحده عندها سؤال أوي شي ناقصها..
أو أي معلومه ممكن تفيدنا تسدحها هنا..عشان الكل يستفيد..


1_ الاختبار اوبن بوك بس الكتاب مررره كبير..فلا تعتمدي انك وقت الاختبار رح تلاقي الاجابه والشي المطلوب..مستحيييل تلاقي الشي اللي تبغيه في كتاب 600 صفحه..

طيب اش الحل يعني..؟؟

فيه اوراق في خوارزم العلوم اسمها "Handbook of Technical Writing"
موجود فيها أرقام الصفحات الداخله معانا في الاختبار الدوري..
كل اللي عليكم تأشروها في الكتاب وتقروها وتفهموها تمااااام..


2_ السلايدز اللي ترسلها الدكتوره بعد كل محاضره هذي نطبعها ونقراها ونفهمهانفس الشي لانه فيه اسئله تجي منها..واللي ماتقراها من بدري بتتوهق وقت الاختبار..واذا فيه وحده مافيها تطبعها تقدر تجيب اللاب توب حقها..


3_ الواجبات اللي سلمناها كل وحدهيكون معاها نسخه منها..لاته فيه بعض الاسئله تكون متعلقه بالواجبات..فتكون اجابة كل بنت تختلف حسب واجبها وموضوع بحثها..


4_ فيه نموذج امتحان موجود في المرفقات..


5_ لاتنسوا الدكشنري..مصطلحات الماده غريبه نوعا ما والدكتوره ماترجم ولا كلمه وقت الاختبار..


6_ بما اننا ناخذ لاب ومافيه اختبار لاب..
فالاشياء اللي اخذناها في اللابات بتدخل ضمن الاختبار النظري..
والسلايدز الموجود عندي للاب "Google Guide" ماأدري اذا كان فيه غيرها أو لأ..؟؟



وبس هذا كل اللي عندي الى الان..
اذا جتني معلومه جديده بخبركم فيها..




والله يوفق الجميع..
لاتنسوني من دعواتكم..

أختكم/شكولا..

[فانيلااا]

موضوعك جا في وقته تسلمي بس شايفه مشاهدات بدون ردود وينكم يابنات


شكولا

[شكولا]

بنااااااااااااات..

بكره فيه مراجعة أساليب..من الساعه 2 الى 3..

المراجعه مرررره مهمه..حاولوا تحضروها..

[زهرة البنفسج]

طيب بالنسبة لمحاضرة اليوم المراجعة إش قالت فيها ............ياليت تعطونا summerizing حق محاضرة اليوم ماقدرت أحضرها..............وشكراً
دمتم بود........

[BeeroOo]

عندي معلومه ... انتي قلتي مافيه اختبار لاب..الصحيح انو فيه بس حيكون في البور بوينت!!!!!
والله سمر قالت لنا اليوم؟؟؟؟؟
تقووول.....
انو حيكون النت عندك وبرنامج البور بوينت عندك وحتقول بدي منك تعملي بوضوع عن الشي الفلاني وبتسمي بالله وابتبحثي عنو وابتعملي لو عرض متل اللي بتعلمنا هوا وماتغلبيش حالك لانو بتنأصك بتنأصك.........!!!!!...
لا وتقول يمكن بجيب لكو جمله واعملي لها بارافريزنق <<مع نفسهم>>> ووومراعاة لمشاعركم ونفسياتكم مارح اكمل اش قالت خخخخخخخ

[LA 5LEET]

بعد كِل هذي الخبصصّة و الـ الـ الـ :!

كلآم البنآإت كثر بالنسبة للإكزآإمْ ><"

تقريبًا كم سؤآل راح يجي بالإكزآمْ ؟

و الأشيـآإء اللي موجودة في الكتآإب معانـا .. هي نفسسهآ موجودة في السلآيداتْ

بس ان السلآيداتْ .. معطيتنآ امثله اكثر و كذآ ,, ولآ في شي مهوب بالكتآب محطوط بالسلآيداتْ

[شكولا]

المشاركة الأصلية كتبت بواسطة beerooo عندي معلومه ... انتي قلتي مافيه اختبار لاب..الصحيح انو فيه بس حيكون في البور بوينت!!!!! والله سمر قالت لنا اليوم؟؟؟؟؟ تقووول..... انو حيكون النت عندك وبرنامج البور بوينت عندك وحتقول بدي منك تعملي بوضوع عن الشي الفلاني وبتسمي بالله وابتبحثي عنو وابتعملي لو عرض متل اللي بتعلمنا هوا وماتغلبيش حالك لانو بتنأصك بتنأصك.........!!!!!... لا وتقول يمكن بجيب لكو جمله واعملي لها بارافريزنق <<مع نفسهم>>> ووومراعاة لمشاعركم ونفسياتكم مارح اكمل اش قالت خخخخخخخ

يب يب..اليوم سمعت شي زي كذا..

بس لانه اللاب عندي كان يوم الربوع وعشان المطر محد داوم..فمعلوماتي لسى ماتحدثت..

وتوي اليوم سويتلها آب ديت..

يسلمو ياحلوه..ع المعلومه..بس أتوقع ان امتحان اللاب حيكون سهل نوعا ما..

[زهرة البنفسج]

بعني الحين الأوراق حق google معانا في الاختبار حق يوم الربوع ولالا.
لو سمحتو وحدة تكتب لي أسماء عروض البوربوينت كلها اللي معانا في الاختبارلآني عندي كثير ملفات و ملخبطة.....لوسمحتو بسرعة ساعدوني

[شكولا]

^^

اوراق قوقل داخله معانا..

[زهرة البنفسج]

مشكورة شكولا على الإجابة
وبالنسبة لمحاضرة بكرا المراجعة
في أي قاعة حتكون