تفضلو شرح الباب الرابع من الاحصاء

[MNMO0ONA]

اهلا بكل خطه ب
بما انو اليوم انا زاكرت احصاء الباب الرابع
حابه اقدملكم شرح بسيط للباب
واتمنى الجميع يستفيد
يلا راح نبدا بسم الله الرحمن الرحيم
في ص 116 عندنا تعريف الارتباط : تعين طبيعه العلاقه بين متغيرين او عدمها
معامل الارتباط : مؤشر هذه العلاقه
الارتباط البسيط : الارتباط بين ظاهرتين
اول خطوه في تعين طبيعه العلاقه هي رسم البيانات
خطوات دراسه الارتباط :
1- دراسه شكل الانتشار وهي من
اليسار السفلي الى اليمين العلوي -->ارتباط طردي موجب وهو علاقه بين متغيرين بحيث اذا تغير احد المتغيرين فان الاخر يتبعه في نفس الاتجاه
اليسار العلوي الى اليمين السفلي-->ارتباط سال عكسي وهو علاقه بين متغيرين بحيث اذا تغير احدهما فان الاخر يتبعه في الاتجاه المضاد
الارتباط الصفري او المقترب من الصفر --> نقول ان المتغيرين غير مرتبطين
ص118 موضح بالرسم
تاني خطوه نشوف هل توجد علاقه
تالت خطوه نحدد نوع العلاقه اما طرديه او عكسيه ونحدد قوتهما تامه ضعيفه متوسطه
ص120 الجدول محدد متى تكون العلاقه تامه ضعيفه متوسطه
* اذا كان شكل الانتشار خط مستفيم تكون العلاقه تامه
*معامل الارتباط يقيس قوه ونوع الارتباط وتتراوح قيمته بين +1 و-1
يعني لو جا اختيارات معامل الارتباط = 4 او 3 او نص حيكون الجواب نص لانو معامل الارتباط ياخد القيم اللي بين +1 و-1
وازا كان معامل الارتباط ناتج موجب حنقول العلاقه طرديه اما لو كان سالب حنقول علاقه عكسيه
وازا كان معامل الارتباط +1 نقول ان الارتباط طردي تام وازا كان معامل الارتباط -1 نقول ان الارتباط عكسي تام وازا الارتباط يساوي الصفر نقول لا تجد علاقه بين المتغيرين X و Y
دحين نبدا في اول معامل
وهوا معامل بيرسون : هوا من اكتر معاملات الارتباط استخداما وخاصه في العلوم الانسانيه والاجتماعيه
ويستخدم ازا كانت بيانات المتغيرين كميه اما فتره او نسبه يعني تكون اعداد
ويرمز له بالرمز rp
والقانون عندنا ص 120
تيب راح اشرحلكم المثال اللي في صفحه 121 عشان نفهم اكتر
يبغاني ادرس العلاقه بين حجم الانتاج وحجم صادرات النفط الخام
حجم الانتاج هوا المتغير X وحجم الصادرات هوا المتغير Y لو نلاحظ انو المتغيرين كلها اعداد لذلك راح نستخدم معامل بيرسون انتبهو ممكن يقولك في السؤال احسبي باستخدام المعامل المناسب مو زي الكتاب يحدد لك نوع المعامل
فخلاص نحنا عارفين بما انو المتغيرين كلها اعداد فعلى طول راح استخدم معامل بيرسون
فعملنا جدول وحطينا فيه X و Y و(XY) عباره عن ضرب الاكس في الواي
وجبنا اكس تربيع و واي تربيع
تيب ليش جبنا دا كلو لانو دا مطلوب في القانون وبعدين عادي تعويض مباشر في قانون معامل بيرسون
الناتج طلعلنا 0,65 حنقول انو العلاقه طرديه لانو الناتج طلع بالموجب ومتوسطه لانو من 0.69 الى 0.50 يكون ارتباط متوسط
* في معامل بيرسون شكل الانتشار يميل الى تجاه خط مستقيم
*
تاني معامل وهوا معامل
بوينت باسيريال : يستخدم لقياس العلاقه بين متغيرين واحد كمي والتاني اسمي ذي مستوين يعني فرعين كالاجابه بنعم او لا . نعم المستوى الاول ولا المستوى الثااني
ويرمز له بالرمزrpb
بعدين القانون ص 123
حابه انبهكم على شي في القانون
-X هوا مكتوب انو المتوسط المتوسط هوا نفسو الوسط الحسابي
تيب حنشرح المثال اللي في ص124
يبغا قيمه معامل الارتباط بي الاجابه على السؤال وعدم الاجابه عالسؤل
ليش استخدمنا معامل بوينت باسيريال لانو عندي في السؤال متغيرين الاول كمي والتاني اسمي بمستوين وهيا نعم او لا
طيب اول حاجه راح نجيب ال n وهيا خمسه من فين جبنا الخمسه لانو في السؤال مكتوب خمسه طلاب فهيا دي n
بعدين بما انو عندي مستوبن فراح اجيب n1 و n2
n1: اللي جاوبو بنعم ورمزنالهم بواحد حنشوف بالجدول مين اللي جاوب بنعم في المتغير y هما 18 14 19
ادا n1 عددها 3
n2: اللي جاوبو بلا ورمزنالهم بالصفر حنشوف في الجدول راح نلاقيهم 11 7
اذا n2 عددهم 2
خلاص دحين جبنا ال n
بقي الوسط الحسابي للمستوى الاول والوسط الحسابي للمستوى التاني
تيب الوسط الحسابي هوا مجموع القيم على عددها حنشوف في المستوى الاول عندي تلاته قيهم 18 14 19
راح اجمعهم واقسمهم على تلاته
والوسط الحسابي للمستوى التاني عندي قيمتين 11 و 7 راح اجمعم واقسمهم على عددهم اللي هوا 2
وبعد كدا اجيب الانحراف المعياري للاعداد 19 14 18 11 7
واعوض في القانون
وحيكون ارتباط طردي لانو موجب وقوي كيف عرفت انو قوي من الجدول ص 120
*
تالت معامل وهوا
معامل سبيرمان لارتباط الرتب : يستخدم ادا المتغيرين ترتيبي او اسمي
ويرمز له بالرمز rs
حاشرحلكم المثال في ص 125
يبغاني ادرس العلاقه بين تقدير الطلاب في ماده الاحصاء وماده الرياضيات وطبعا التقدير معروف انو مقياس تترتيبي
لذلك راح استخدم معامل سبيرمان
اول شي راح احط الاكس والواي وبعدين ارتب الاكس اما ترتيب تصاعدي او تنازليا وبعدين اجيب ال d وهي عباره عن طرح رتب الاكس من من راتب الواي ودايمن مجموعها صفر
وبعدين اجيب ال dتربيع واعوض في القانون تعويض مباشر واشوف نوع العلاقه وقوتها
*
رابع معامل هوا
معامل الاقتران فاي : يستخدم للعلاقه بين متغيرين اسمين كل منهما ثنائي التقسيم
زي مسلا يكون المتغير الاول الجنس ذكر او انثى والمتغير الثاني يكون مصاب او غير مصاب
وبعدين القانون ص 128
*لاتلخبطو بينو وبين معامل بوينت باسيريال معامل بوينت متغير واحد يكون ذي مستوين اما معامل الاقتران كلا المتغيرين ذي مستوين
طيب نشوف المثال في ص 128 و ص129
يبغاني اوجد معامل الاقتران بين النوع ذكر او انثى والاصابه بمرض مصاب وغير مصاب
بما انو عندي متغيرين كل واحد ذي مستوين على طول حاستخدم معامل الاقتران فاي
نشوف الجدول ص 128
اداني المصاب من الذكور 12 ورمزنالهم بالمرمز a والغير مصابين رمزنالهم بالمرمز b
والمصاب من الاناث اربعه ورمزنالهم بال c والغير مصابات سته ورمزنالهم بالرمز d
راح تقولو على اي اساس اديتي كل واحد رمز معين
حقولكم شوفو ص 128 الجدول اللي فوق القانون رتبنا الرموز على اساسو
وبعد كدا عوضنا تعويض مباشر في القانون
*
بعد كدا نجي عند تحليل الانحدار الخطي البسيط ص130
الانحدار الخطي البسيط هوا التنبوء او التوقع : هوا تقدير القيمه المستقبليه لمتغير واحد
بعدين عشان اوجد تحليل الانحدار لازم اعمل خطوتين اساسيه
1- تعين خط الانحدار وهيا معادله رياضيه
2- استخدام هذه المعادله في التنبؤ
ص131 تحليل الانحدار نفهم التعريف حقو
بعدين نعرف انو واي متغير تابع واكس متغير مستقل
بعدين كيف اعرف معامل الانحدار طردي او عكسي نعرفو من اشاره ال b في اول قانون ص 131 ادا كانت اشارتها موجبه فهي طرديه ادا سالبه فهي عكسي
راح اشرحلكم المثال ص 132
فيه علاقه في الاستهلاك المحلي بالانتاج يبغا مني اجيب معادله الانحدار الخطي البسيط وتوقع قيمه الاستهلاك
اول حاجه اعمل جدول احط فيه قيم اكس وقيم واي واجيب الاكس ضرب الواي واجيب الاكس تربيع
وبعد كدا اعوض في قانون b واطلع الناتج واعوض في قانون a واطلع الناتج
ودول القانونين موجودين في ص 131
بعد كدا حاكتب المعادله y=a+bx
الa ناتجها كان ب 3.26 وال b كان ب 0.36
حاعوض في المعادله والاكس راح يكون ب 16000000
[B]فراح اضرب الb في ال x والناتج اللي يطلع اجمعو مع a[/a]
*
الانحدار في السلسله الزمنيه
نعرف انو المتغير المستقل اكس يعني الزمن وراح ندي قيم من 0 1 2 3 .......الخ
ومن خلال اشاره معامل الانحدار الللي هوا ال b راح نحدد ادا الاتجاه العام زياده او نقصان
موجب زياده سالب نقصان
راح نشرح المثال ص 133
اداني بيانات ويبغاني احدد الاتجاه العام
راح نعمل جدول نحط فيه السنه ونجيب الاكس ونعطيها قيم من صفر ال 9 ليش تسعه
حطينا تسعه على حسب عدد السنوات اللي عندي وبعدين اجيب الواي والاكس في الواي والاكس تربيع
واعوض في قانون ال a وال b
وبعد كدا راح اعوض في المعادله حقت الواي
تيب المعادله هيا y=a+bx
من فين حنجيب الاكس شوفو في السؤال قالي توقع عدد الحقول المكتشفه عام 2002
تيب نحنا اخرسنه كانت 2000 وكان الاكس تبعها بتسعه حنقول بما انو 2000 تسعه اذا 2010 ب 10 و2002 ب 11
ادا الاكس =11
فراح اضرب ال 11 بقيمه ال bوالناتج اللي يطلع اجمعو ال a


وفي الاخير اتمنى يكون شرح سهل ومبسط
واتمنى للجميع التوفيق

[Marvellous]

اللهـ يعافيك منّــوو ...
وفي ميزان حسناتك يارب ..
وبإذن الله يستفدوا من موضوعك كــــــل اللي يدرسوا خطة (ب) ... لأنه جهدك بصراحة مرررة كبير ,, وشرح سهل وبسيط ,, وألوان وحركتات يعني ^_^

وشي يفرررحني وبقوووة إني أكون أول واحد يرد عليك ^_^


بالتوفيق للجميع إن شاء الله ,,, سي يوو

[ana-vip]

يسلمو ياقمر

وماشاء الله عليكِ <<<لاا نطقك عين

[كبريآء أنثى]

الله يسعدكـ يَ قلبي ويفررررج همكـ

ويحفظكـ ويخلي لك أحبآآبك<<وشو كمآنآ

عن جد ماتتخيلي قد ايه فرحآآآنه،، والله فرجتي هم عن قلبي كبييييييييييييييير

والله كل مآرآح أحل سؤآل في هالبآب ح أدعيلك من الآعمآآآآآق


إلــهــي يكتب لك الخير يآأإآأإرب^^"

[SO0OMY]

مشكورة الله يسعدك يااااااااااااااااااااااااارب على المجهود الرئع



ويوقفك ويجعله في ميزان حسناتك يااااااااااااااااااااااااااااااارب

[katloni]

موضوع متعوب عليه بصراحة ..

كلمات الشكر لن توفيك حقك ..

اتمنى منك شرح الباب السادس اذا ما عليك آمر ..

خصوصا ً نقطة ( ذو الحدين ) :(

[عازفه الناي]

الله يجزاك الجنةو يستر عليك ويوفقك ويسهل أموووووووووووووووووووورك كلها يارب ويحميك ويسعدك بالدنيا والآخررة يـــــــــــــــــــــــــــــــــــــــــــــــــ ــــــــــــــــــارب
مودتي^^

[meme*]

الله يسعدك إن شاء الله

شررررررررررح كامل مشالله


وحتى مسويه حركااااات في الموضوع^^


والله افدتيني كثيرررر


مشكورهـ مرره ثانيه

[موتي ولا دمعه امي]

مشكوووووووووووووووووووره
ما قصرتي والله يوفقك ويحقق امانيك

[ĂŅĢėĿįČĂ]

شكراً يا عسل ^^ّ
واللهي مرررهـ مرررهـ استفدت من شرحكـ.. : )
جزاكِ الله خير ><"