بجد أحس بظلم وأنا في بلدي

[عبدالرحمن اليحيان]

بسم الله الرحمن الرحيم

السلام عليكم ورحمة الله وبركاته ... وبعد
أخواني واخواتي الكرام مدري وش أقولكم صراحه . أول مره بصدق احس بظلم لي من قلب

يعني تخيلوا ماصدقت على الله يصير فيه انتساب بالجامعة ذي وفرحت العام وماحصلي انتساب وخططت على هالسنه , واقوم واقدم عن طريق النت وأطبع أوراقي وكل شي خلاص بوديها عن طريق الـDHL ومابقى الا خطاب موافقة جهة العمل فقط وكنت ضامنه وحاطه بالجيب لأني أقول لنفسي مستحيل احد يوقف بوجهك في طموحك وسبيل دراستك الا واحد مريض نفسي .
المهم واكتب المعروض واوديه لرئيس القسم وافادني بالموافقة وأخذ الخطاب مجراه الين وصل الى المدير العام على الاداره وقابلني بالرفض القاطع بحجة ان التخصص اللي انا ابيه علم اجتماع او علم نفس وماراح أستفيد منه ، ولا يتوافق معك في تخصصك بالعمل الحالي .
يابن الناس عدل بدل الرجال صادق بكلامه ولا بس يمزح !!!
قال هذا اللي عندي . حسيت ان الدنيا صكت بوجهي .
يعني لازم يجي احد ينغص على عيشتي حتى الدراسية بعد
المهم واتعوذ من الشيطان الرجيم واستغفر الله وقلت زين وش المطلوب يااستاذ عشان يتوافق مع تخصصي ، جاوبني وفي داخله يبغى يصعب علي الأمور قال اذا تبي انجليزي E ممكن اوافق .
جاني زي الهيستيريا قلت انجليزي عاااد ؟ قال احمد ربك
المهم رديت برد سريع وحازم وبحماس واصرار نعم انا قدها وراح ادخل انجليزي وبتشوف الايام بيننا


بصراحه الحين انا ابي فزعتكم وابي مشورتكم ونصايحكم اللي توجهونها لي تكون سديده لكي يزيد طموحي واخذ الشهاده وارزها بوجهه بعد اربع سنوات عشان يعرف العناد كيف :
1 ـ هل هناك تخصص E انجليزي بالجامعة عن طريق الانتساب وهل له شروط .
2 ـ هل تتوقعون واحد مثلي اللغه شوي داج فيها بس مقدمات بسيطه يمكن يعدي الاختبارات .ووش اصعب شي في التخصص هذا
3 ـ راح اكثف دوراتي وادخل معاهد ومدرسين خصوصيين عشان اطور قدراتي تتوقعون بتفيدني بشي ولا ماراح يحتاج .
4 ـ بصراحه اعلنت الحرب عليه وبفكر بالأربع سنوات القادمه اكرسها لدراسة الانجليزي مو عشاني وبس الا عشان اعاند هالمسؤل واعلمه منهو انا بشهادتي وعلمي .

ملاحظه :
ياليت من الاخوان والاخوات مايبخلون علي بالنصايح وخاصة اللي الان يدرسون تخصص E ضروري لاتخلوني ينقتل حلمي واصراري ، بجد ابي فزعتكم


ولكم تحياتي

[algala116]

اخوي عبد الرحمن
من جد شي يقهر وبعدين هم مالهم دخل بالتخصص ومايقدرون يمنعونك من الدراسة
انا مثلك موظفة وقدمت واخذت موافقة بدون مااذكر التخصص ولا احد سالني عنة والحمد للة مشت الامور وتخصصت علم اجتماع رغم ان طبيعة عملي ادارة.. لكن حاول مع مديرك مرة ثانية لعل وعسى يوافق ولو ماصار شي ترى الانجليزي تخصص مطلوب والاخوان في قسم اللة الانجليزية ماراح يقصروا معك انشاللة وترى اعرف ناس كثير دخلو هالتخصص والان تخرجوا بتقدير كويس ويقولون الدراسة تافهة في هاالقسم وانت شد حيلك واخذ مدرس شاطر وتابع معة الى نهاية الدراسة وانشاللة طالما عندك حماس راح تمشي انشاللة سواء في الانجليزي او غيرة واللة يوفقك..

[عبدالرحمن اليحيان]

الله يعطيتس الف عافيه والله ماقصرتي صراحه احس بحماس بعد كلامتس

الف شكر والله
وانا وراك وراك يامديري

[@فرفورة الامورة@]

انا مرة قريت هنا في المنتدى انه مو لازم موافقة العمل بس ان شاء الله يلدرم ياكد لك على الموضوع

[عبدالرحمن اليحيان]

ثانكس فرفر
وينك يلدرم

[يلدرم]

والله حسب كلام احد الاخوان المنتسبين ان الجامعة مايهمها موافقه جهه العمل ولكن المشكله وقت الاختبارات

هل يعطيك المدير اجازة؟

كثيير مااحتاجوا للموافقة

[يلدرم]

طبعا السنة الاولى سنة تحضيرية بمعنى انها عامة وبعد سنة كدا تختار الكلية والتخصص

يعنى خليه يوافق المدير بعد كدا خليه يهوي قيدك مشيت في دراستك وفي قوانين من الدولة تحمي حقك في الدراسة

هنا منتدى الغات الاوربية

http://www.skaau.com/vb/forumdisplay.php?f=74


اخوانك يفيدوك عن التخصص وموجود رئيس قسم الغات الاوربية الدكتور محمد الغامدي يتصفح المنتدى بين فترة وفترة ويجاوب على الاستفسارات

[أبي أتعلم]

أخوي حتى أنا قدمت أوراقي انتساب للجامعة وموظف حكومي مثلك

ولحد الآن ما قدمت خطاب لرئيسي في العمل ولا يهمني وقت الاختبارات اجازة رسميه وغصب عليه يوافق

وماعليك من أحد توكل على ربك ومن توكل على الله فهو حسبه الله يوفقك ويوفق الجميع ان شاء الله

[dr_m]

اخوي عبدالرحمن
الموافقه ماهي شي اساسي في القبول هي بس لك علشان الاجازه ما تنخصم من رصيد الاجازات وتكون رسميه

واسمها اجازة اختبارات .هذا بنسيه للموافقه من جهة العمل .

اما بخصوص مديرك فأنه لا يحق له ان يرفض الطلب اي اذا كان لا يوجد احد غيرك يقوم بعمل وهذا شي مستحيل

وبعدين المدير وشلون عرف بتخصصك الي تنوي تدخلوا .؟؟؟

اذا ولوبد يعرف قله كليه الاقتصاد والاداره أو كليه الاداب .وبعدين تخصص علي هواك .مهوا علي هوى غيرك

وبعدين اذا كان تخصص الانجليزي يفيدك في المستقبل وفي عملك هذا خير وبركة ادخل انجليزي . واذا والله ماينفعك أو راسملك خطه معينه لمستقبلك فدخل التخصص الي تبيه .

ونظام العمل والعمال واضح واذا لازم الامر خذه وارفقه مع خطابك الي مديرك .

وبعدين ما اصعب من تعقيد الشركات وخاصه في الاجازات ! والله انهم يوافقون من غير تعقيد.
واذا مرررره مافي امل قل لمديرك ابي اخذها من رصيدي الرسمي من الاجازات .
والله يعينك.

[algala116]

اخوي اذا كنت موظف حكومي لازم تاخذ موافقة علشان تقدر تقدم الشهادة على العمل علشان تستفيد منها بعد التخرج
واعرف ناس اخذوا شهادات بدون موافقة وماستفادوا منا لان جهة العمل ترفضها بحجة عدم اخذ الموافقة قبل الدراسة
فمهم جدا انهم يوافقوا على دراستك..