تعاااااااااااااااااااااااالوااااااااااااااااااا ياشباب الرياض

[فتاة العقيدة]

السلام عليكم ورحمته الله وبركاته
اخباركم صبايا كيفكم وكيف جوكم بالاختبارت صح برد و جميد بس ياللله لك الحمد ربي يحله
عندي لكم فكره اننا حنا يابنات الرياض نجتمع بمكان واحد يعني نكون سوا
طبعا هذولا الي بيجون الى جده علشان نتواصل فاهمين علي
ويكون لنا تجمع يعني الي فاهم للجامعه يفهم الي مايعرف بالقوانين >>>>>>>خخخ تري مره على 3جامعات يعني فاهمه الطريقه
ويكون بيننا تبادل وحورات للاختبار
الي موافق خلونا نتراسل خاص علشان نتواصل عن طريق الايميلات والهواتف اوكي
ربي يوفقكم بدنيا والاخيره ويخليكم لعين ترجيكم
وانتم ياعيال سوا زينا عادي خوذو فكرتنا

[مسوي طموح<<من جنبها]

ممكن ارز خشتي وياكم

امزح بس فتاة انتي بتروحين لجده ولا بتختبرين بالرياض << انا عني طيارتي يوم الخميس بالليل

والفكره مو بطاله بس بصراحه جت متأخره الحين يالله يمديك تحفظ

اعجبتني فكره تبادل الحوارات والأفكار حسيت اني ببرنامج تركي الدخيل إضائات

انا فتحت الرياضيات ضحكت على نفسي ورب الكعبه اول درس وش خط الأعداد ماني داري وش الطبخه يعني الله يستر بالأختبار <<<كوده يقعد جنبي دافور

الله يوفقنا وياك

[فتاة العقيدة]

حياك ربي وش دعوى رز خشتك انت واحد منا
بجده يالغالي وشلي بالرياض هههههههههه نفسي اجل الوعد الطياره خخخخخخخخخخ خربته >>>> امزح عليك يازين العقل بس اهجدي يابنت
لا الجد جد اني ابختبر بجده
انت مضيعك انك انتساب انا لا تعليم عن بعد فاهم كيف
بعدين هالرياضيات درسته ب3جامعات حوم كبدي كل جامعه اهج منه بسبته
تصدق انه احسن جامعه هذي لاني اول مافتحت الكتاب علطو فهمت تحس انه متعوب عليه
بس انت ركز شوي وراح تفهم لاتشغل فكرك
تصدق عاد تركي الدخيل ماعمري شفت له برامج اول ماشوف فيسه بالتي في اقلب القناة يجيب الغلقه
يالله يارب تجلس بجنب هالضعيف المسكين الي هاجتن به وحيد دافور يعلمه العلم ولا يبخل عليه ويصبر عليه مثل صبر ايوب وتفتح عليه رزقك يارب
امين وياك على فكره وانت مسافر ادع ربك اطلبه ترى باب الدعوه مستجابه للمسافر
احس صرت عجوز بس ادعي

[مسوي طموح<<من جنبها]

وشلون يعني الحين التعليم عن بعد غير الأنتساب ؟

وبعدين ابي شرح ياليت احد يحط فيديو شرح رياضيات اذا ماعليكم امر لأني رحت ودورت بس مالقيت

[][_ غــــــيــــــر _ ][]

يمنع منعا باتاً وضع أرقام الجوالات والهواتف و وسائل الاتصال المختلفة ( كالبريد الإلكتروني أو المراسلة الفورية أو المواقع الشخصية الخ ) في المنتديات و يستثنى من ذلك الأرقام العامة التي تخدم الطالب كرقم مكتبة أو فندق الخ .
يمنع منعاً باتاً استخدام المنتدى للإعلان عن خدمات تجاريه أو منتديات منافسة أو مجموعات بريدية دون إخطار إدارة المنتدى في قسم الاقتراحات والشكاوي .

النظام العام لمنتديات طلاب وطالبات جامعة الملك عبدالعزيز