اللي داخلين نظم معلومات أو محاسبة ساعدوني بلييييييييييز

[ambitious student]

سلااااااااااام للكل
ياجماعة انا مرررررررررررررررره محتارة خلاص والله تعبت من كثر التفكير ماني عارفة ايش اسوي
انا داخلة إدارة أعمال ولسه ماحددت مساري وكان في بالي من زمان نظم معلومات بس دحين مررررة احترت افكر احول محاسبة لاني اخذت منها المستوى الاول ومره كان حلو وسهل وعاجبتني بس كمان سمعت انو النظم حلو وشغله ع الكمبيوتر يعني برضوه مره حلو

لو حولت دحين ماراح يضيع علي شي لانو تقريبا نفس المواد بس لو تأخرت أكتر بتزيد علي سنين وانا ما ابغى افحط في الجامعة

ياريت اللي داخلين دي التخصصات يعطوني معلومات عنها
وكمان من ناحية المستقبل ايش احسن ؟؟
ونظم معلومات كم المعدل اللي طالبينه ماني عارفة ايش الصح وحدة تقول 4.70 وبعضهم يقولوا 4.50 خلاص بتجنن اللي عنده معلومة اكيد يقولي ؟؟
ودراستهم كيف قالوا لي النظم مره صعبة وكتير حولوا منها ؟؟

سوري ثقلت عليكم بس محتاجة ردكم ضروري

[حأقعد عالكاشير]

انا زيك دخلت ادارة اعمال عشان النظم
وحولت على طول للمحاسبة لاني مااحب الكمبيوتر وكمان التخصص اغلبو ومعظمو حفظ
وكل كتاب يقول للتاني انا اتخن منك

وانا الكلام دا مايمشي معايا

حولت محاسبة قسم راااائع
ممتع ومعلوماتو جديد وفهم واساتذتو طيبين ويحتاج مذاكرة اول بأول ومافي غياب ولا تضيعي

انا مبسوطه فيه مررة الحمد لله
اما المعدلات والله مااعرف بالزبط اش المطلوب

انصحك تحولي محاسبة احسن وترى هما في النهاية تخصصين لهم نفس القوة

وبالتوفيق ياعسل

[ambitious student]

تسلميلي خيتتو ع ردك واهتمامك

واتمنى اسمع اراء الباقيين

الله يكتب لي الخير

[soft]

المحاسبه دراستها صعبه ولا سهله .. وهل تعتمد في دراستها على الكمبيوتر

وبعد التخرج ان شاء الله في المستقبل ايش تكون الوظايف زي ايش يعني لانو انا ما عندي فكره عن المحاسبه بس افكر احول لها

ياليت الى تعرف يجاوبني

[ambitious student]

المحاسبة دراستها سهلة مو صعبة وكمان ممتعة بس يبغالها فهم كويس ولازم ماتغيبي ولا محاضرة

بس يقولوا انو مافيها وظايف كتير خاصة للحريم وشغلها مررررررره محدود