بعد أسئلة الإحصاء ماقول إلا ياحليلك يأم إمــــــــــــــــــــــــام

[t.h.m2004]

بصراحه بعد أسئلة الإحصاء اليوم ( إنتساب خطه ب ) وما رأى الجميع من صعوبتها ..... وانا طالع من الاختبار راجعت نفسي وعرفت اني غلطت غلطة عمري لكن هل يمكن ان تتصلح

قبل اجي جامعة الملك عبدالعزيز كنت بجامعة الإمام محمد بن سعود مستوى رابع واللي خلاني اترك هالجامعه حاجتين ( كثرة المواد ونظام الاختبارات والدرجات نظام ثانوية عامه ) كنا نختبر المستوى الاول والسنة التحضيرية 12 إلى 14 ماده .... وعشان كذا اخترت جامعة الملك عبدالعزيز بعد ماشفت قلة المواد وكثرة اشاعات المدح عنها .... وبعد اختبار الإحصاء اليوم فعلا ( إشاعات )
وماجاء اليوم بمادة الإحصاء من سلبيات ( قصر الوقت + صعوبة الاسئله ) وكان تخصصنا بالجامعه ( إحصاء ) على الاسئله ( جميع الاسئله تطبيقيه وقوانين ومسائل ) واسم الماده ( احصاء تخصص نظري ) ولم ياتي لنا الا كم سؤال نظري وشكل الدكتور متحسف عليهم بعد ... يعني تعرف ان اللي حط الأسئله التعجيزيه اليوم ماراجع ماندرسه واعتمد على محتوى عقله وتخصصه ومايعلمه هو بـ ( علم الإحصاء ) ونسي كلمة ( إنتساب ) ونسي ( سنه تحضيريه ) لكن ما أريده كيف انسحب من االجامعه الان وارجع لجامعة الإمام وهل جامعة الإمام تستقبلني بعد إنسحابي السابق أو ماالطريقه ..
والسبب عرفت اني بجامعة الملك عبدالعزيز ماراح اوصل مستوى ثاني وابوه الجنه مستوى رابع وياحليلك صدق ياام إمام الرجعه الرجعه ....
وليست هذي دعايه لأحد كلها جامعات سعوديه وكلها بفلوس لكن والله ثم والله ثم والله انه على كثر المواد اللي اختبرتها بجامعة الإمام 14 ماده ماذكر انها وصلت لصعوبة مادة الإحصاء واللي هي اول مره اختبرها فما بالك بالمستويات القادمه هذا ونحن سنه تحضيرية و 4 مواد .
قود باي يادكتور إحصاء

واعرف ان الموضوع راح ينحذف وشكل العضويه بتنحذف لان الحق يزعل