بنات اللي كانو علمي في الثانوي وذحين اداري

[L0rDy]

السلام عليكم يابنات
كيفكم ايش اخباركم وايش اخبار الاداري معاكم
ادخلي في الموضوع
انا ذحين علمي سنه تحضيرية ودرجاتي مادخلني التخصص اللي ابغاه
فابغى احول عندكم فهل حسيتوا انوا في صعوبة من العلمي في الثانوي لي لاداري في الجامعة وخاصة مهارات التفكير ايش هذه خوفتوني منها
وهل تنصحوني اني احول عندكم ولا لا؟
وايش احسن تخصص عندكم
ومعليش على الاسئله الكثير بس محتاره احول ولا لا
افيدوني الله يسعدكم

[...shahad]

شوفي انا كنت ثانوي علمي ودخلت اداري لاني ابغى اتخصص اداره اعمال
انا خطه ب الاحصاء حلو والمواد الثانيه الاتصال والتفكير يبغالها حفظ كلام دش واحفظيه ويجي نفسه
والانجليزي نفسه الي عند العلمي والاداري
واستخيري قبل لاتحولي :)

[welee]

شوووفي ورب الكعبهـ انو مواد الاداري حقت بزورهـ

ولا يهمكـ في كلام الناس

ما يذاكرو ويقولو صعب صعب

وربي مهارات الاتصال لو تديه اخوكي الصغير يفهمو وحتى مهارات التفكير

وربي سسسسسسسسهله يمين بالله

وانا انسان وربي ما افتح الكتاب الا قبل الاختبار بيومين واقراه بس قرايه

ما عدا الاحصاء اخلي امي تفهمني

والحمد لله اقل درجه في الاحصاء 20 الي هي الاختبار الثاني والاول جبت 24

والتفكير الاول 29 والثاني 30

والاتصال الاول 27 والتاني 30

والله ما اكدب عليكي بكلمه

لا تسمعي لكلام ( الي ما عمر امهم فكو كتاب ويتفلسفو )

والله يوفقك ويكتب بما فيه الخير

[battota]

من جد حتى انا احس الاحصااء سهل والاتصال والانجلش ...............بس التفكييير نوووووووو ما ينفهم ولا ينحفظ

انا كنت علمي بالثانوي بس دخلت اداري عشان انا ابغه تخصص اداري
:):)

[battota]

بس نصيحه مني خليكي في العلمي ..لانو دراستها بالانجللش...راح تستفيدي مرررررررررره
حتى لو ما جبتي معدل يدخلك (طب)مو شرط ادخلي حاااسب او itتقنيه معلومات او اي تخصص حلو في العلمي لانو الدراسه بالانجلش

...الاداري حلو وسهل مررره بس انو بالعربي لو كان بالانجلش كاان احلى ....الا اذا اخدتي دورات انجلش وطورتي لغتك زي ماراح اسوي انا ان شاء الله

وان شاء الله اكوون افدتك:)

[sara a7md]

انا عملي وحولت مسار اداري عشان ابغى اتخصص اعلام وترى مافي صعوبة ولاشيء ذاكري واتوكلي على الله وخلاص

[welee]

^
طالما انتي في السعوديه والله لغتك ما راح تتحسن الا شي بسيط مره ما ينذكر

لانو اووكي بتدرسي انجليزي ساعتين او تلاته

وبااقي اليوم كلو بالعربي

امااا لو سافرتي برا

راح تنجبري تتكلمي انجليزي

لانو اكلك وشربك وكل حاجه تتعتمد على لغتك

وووبس ..

[L0rDy]

الله يسعدكم يارب ردودكم تبرد القلب
بس ماقولتولي ايش التخصصات اللي نفسكم فيها ؟؟
وايش الاسباب اللي خلتكم تختاروا هذا التخصص اذا عندكم
زي مثلا ادارة اعمال افكر ادخله بس مجال الشغل اختلاط وخاصة انو اكون في مكتب لوحدي. ولا انا فكرتي غلط؟
واذا احد كمان عندوا راي فلا يبخل انتظر ردودكم على احر من الجمر
لانه وقت التحويل قريب

[طاالبه كيووت]

المشاركة الأصلية كتبت بواسطة l0rdy لانه وقت التحويل قريب

معليه أختي بسألك كيف راح تحولي؟؟

ومين قالك انو في تحويل.؟

ياليت تخبريني بأي شي تعرفينه عن التحويل ..

[shooshaa]

انا العااام كونت تحضيري علمي وسحب زي دي الايام

عشان درجاتي ماتتخلني التخصص الى ابغاه <<< نفس السبب

وربي انووو احسن قرااااااااااااااااااار اخذتوو في حياتي

الاداري تاااااااااااااافه يعني تقدري تجيبي درجات حلوه فيه بالراحه

وتتدخلي التخصص الى تبغيه

غييير الراحه النفسيه في الجاااامعه تحسي انك عايشه مووو قرف العلمي

كول ماافتكر العام والدراسه من جد يجيني الهم

نصيحه مني لاتضيعي مستقبلك وبعدين تتخلي فيزياء ولا كيمياء تعب وتعب واخرتها مودرسه(( ابله))

تعالي الاداري اقسااااموو مرا كتير وحلوه

من جد ماراح تندمي .. وهادي نصيحة مجرب