مررررررره محطمه من الاقتصاد

[طـموحي سـر عـزيمتى]

السلام عليكم ورحمة الله وبركاته


يا بنات انا اليوم بجد محطه من الاقتصاد الجزئي تخيلوووو للحين مو عارفه راسي من رجلي

الماده صعبه علي وش رئيكم اغيب بكره ما اروح الاختبار ولا وش السوات وربي مو عارفه شي


وغيرررر كذا اخاف ادخل الاختبار ما اجاوب وبعدها ينزل المعدل وبعدها انزل من الاعفاء

وبعدها انطرد من الجامعه وربي حوسه :( :( :(

[أمير القلوب]

تفائلي خير
والله يوفقكـ
وترى ما فيها هذيك الصعوبه كلها شوية حفظ منك
وتمشي الأمور
والدعوه عرض وطلب وسوق ورديئة وكماليه...
شدي حيلك ومعاك وقت

صلي ركعتين بنية التوفيق والله سبحانه
ما يخيب أحد
دمت في حفظ الرحمن ،،،

[albader]

ركزي على الاسئله الي باخر الكتاب .. ولا اقول لاتذاكر الا منها وبالتوفيق لك .؟

[آرفلون]

لا لا لا تحطمين نفسكـ كذآ > <

الا تقدرين
ليش ماتقدرين يعني دام الكل قدر !!
انتي بس سمي بالله واجلسي اقريهآ وحده وحده
حتى الكتاب شارحها بطريقه حلوه
بعدين اذا ماحضرتي راح تحسب لك dn
يعني راح تنزل المعدل بقوووه
:::
حاولي هالحين
انا كنت زيك اقول صعبه وخايفه ومو فاهمه شيء
ولما جلست برواق وقرآتها والله فهمتها بسهوووله
واصله للعرض هالحين وكلوو زي الفل ~

حتى القوانين حقت العرض زي الطلب مع اختلافات بسيطه بس :)
اكتبيها في ورقه علشان تفرقين بينها وبين العرض وراح تسهل عليكي ~
جربي واللي ماتفهمينه تعالي اسآلي عنه

اللهي يوفقك اختي

[طـموحي سـر عـزيمتى]

يارب يوفقكم بس كل ما امسك الكتاب احسه صعب ولا اعرف وش امسك واذا جيت للاسئله احسها صعبه

والمشكله ما حضرة الدوره وغير كذا ما ادري وش الي معنا ووش المحذوف ساعدوني الي حضرتوووو الدورة

ابي على الاقل اركززززززززز في شي مهم :(

[طـموحي سـر عـزيمتى]

الله يوفقك يارب ارفلون وربي كلامك يشجع الواحد الحين بمسكه وان شاء الله بحاول فيه على الاقل ادخل وانا فاهمه لو شي بسيط برغم مافي وقت بس بحاول

[آرفلون]

ولوو يا عسل ~

وهذا انا اذاكر معاكي
وفاتحه صفحتك كمان ^^

لو صعب عليكي شيء تعالي اسآلي } ان شاء الله ما اقصر معاكي

ع فكره انا بعد ماحضرت
لآ وازيدكـ انا في الطايف رايحه راده خخخ

المهم بالنسبه للمحذوف البنات قالوا لي
صفحه 43 من التحليل الهندسي نهايته في صفحه 45 << يعني العلاقه بين مرونه الطلب السعريه والايراد معانا انتبهي
وفيه صفحه 61 التحليل الهندسي لمرونه العرض محذوف كمان
بس العوامل المؤثره في مرونه العرض اللي تحت معانا

بالنسبه للرسومات لاتحوسين فيها كثير
اقري الكلام الشرح تبعها وطبقي على الرسمه وراح تنفهم بسهوله
كل السالفه انك تفرقين بينها بس *_^

بالنسبه للطلب والعرض
على فكره } العرض عكس الطلب .. والقوانين متشابهه تقريبآ بس عكس بعض

يعني علاقه (الطلب او الكميه المطلوبه ) بالثمن مثلا >> عكسيه .. يصير (العرض او الكميه المعروضه ) علاقته في الثمن طرديه
والباقي كله بنفس الطريقه
والطلب سالب والعرض موجب :)

الاسئله اللي ورى كل ماخلصتي باب حلي اسألته وكذا تحسين انك فهمتي كل شيء

[طـموحي سـر عـزيمتى]

اختي ارفلون انا للحين مافهمت محتوى الماده يعني بس افهم وبقولك وغيررر كذا الصفحات الاولى مو فاهمه وش الطلوب منها

[آرفلون]

الصفحات الاولى افهمي وش هي الموارد المتاحه

ومعنى كل واحد اقريها بفهم مرررررررره تافهه وكلام عادي من حياتنا اليوميه

والمشكله الاقتصاديه ان المواد اللي في البدايه قليله بالنسبه لان الناس احتياجاتها كثير ومهما اشبعت رغبه تصير تبي تشبع رغبات ثانيه

اقريها بس بتركيز كلام معروف بدون ماده اصلا

بعد كذا يجيب مجتمع افتراضي يعني ارقام من راسه << علشان يشرح نفس الكلام .. يبي يقرب المعنى يعني
بعد كذا يبين لك تكلفه الفرصه البديله انك تضحي بشيء او سلعه مقابل انك تاخذي سلعه اهم منها

[خجلانه]

آفلون عسل وربي (: