نصايحكم يا بنات الاقتصااد ^_^

[5o5a]

اهليـــن

كيفكم يا حلوين ؟؟

انا طالبه اقصاد نقود و مؤسسات ماليه

تقريبا على وشك تخرج

بس لسه ما اخدت ولا مادة اختياريه

ايش رايكم ايش احسن مواد و مين الاستادات الجيدين؟؟؟؟

و مشكووورين مقدماا

[Jeddah Glamor]

نصحوني بمادة نظام سياسي سعودي مع أمل عرب ..

وصراحه أنا أحب السياسة .. فاعتقد الماده حلوه ..

[دعاء م ف]

حتى انا سمعت انو المادة حلوة (مع امل عرب )
في مادة تطبيقات اقتصادية معاصرة مع عبلة بخاري لا تاخديها المادة سيئة بس الدكتورة عبلة مرة متساهلة فيها بس برضو المادة مو حلوة
انا نفس مسارك وإن شاء الله الترم الجي ابغا اخد استثمار مع نسمة حشمت يقولو مرة حلوة

[احلاهم واتحداهم]

لااااااااااااااااااااااااااااا انصحكم ماتنزلون نظام سياسي

انا تورطت فيه قالو سهله ونزلتهااا الماده منهج سهله

بس الدكتوره مافي منهج معين ملخبطه يعني زي الدوري جابت لنا شي ماشرحته صح انها قالت تاخذ درجه من االاسئله الثانيه
غير كذا اختبارتها مو سهله يعني مرره دقيقه
والتكاليف كثيره ومتعبه ومو اي احد ياخذ الدرجه يعني تحاسب على الكلمه
كان تكليفتها
لو كنتي مسؤله كيف تنشئين الوطنيه ؟ عليه 6 درجات 3 على الموضوع نفسه و3 مناقشه
التكليف الثاني جيبي موضوع ناقشوه مجلس الشورى ومين كان موافق ومين معارض وليه موافقين وليه معارضين
ورايك بعدين القرار النهائي

بجد الماده متعبه جد اختياري افضل شي تكون سهله ووماتاخذ وقت

بالتوفيق

[Miss.ECON]

انا زيك تخصصي نقود ومؤسسات مالية وتخرجي الترم دا ..

الترم اللي فات اخدت المواد الاختيارية ..

اخدت استثمار مع دكتورة سحر مهران
المادة مررررة حلوة معاها وسهلة ونكتب معاها ونحل تمارين والاختبار كان مرة سهل
اخدت فيها 98

واخدت ادارة عمليات مع استاذة خديجة ضباب
المادة برضو سهلة ومافيها شي كانك تدرسي ادارة اعمال على شوية تحليل كمي واصلن اغلب الكتاب محذوف واسئلتها سهلة والاختبار النهائي يكون تجميع لاسئلة الاختبارات الدورية يعني الاسئلة تتكرر
اخدت فيها 90

وزماااان ايام الخطة القديمة اخدت ادارة عامة كانت من الخطة ودحين حسبولي هيا على انها اختيارية

ممكن لو حابة خدي بحوث عمليات مع امل تركستناني اظن
صاحبتي اخدتها معاها وانا من كتر ماكانت المادة عاكبتني كنت اوقات احضر معاها
الاستاذة رهيييبة واخلاقها مرة حلوة

اتمنى اكون افدتك ...

[5o5a]

انا فكرت في مادة استثمار بس لوحاخدها حاخدها مع سحر يقولو مرررة جيده في دي المادة كمان انا اخد معاها ماليه شركات دحين
كل درجاتي معاها فل ماارك احسن استادة درست معاها والله ,,

بعدين خلينا نبعد عن مواد الاقتصاد شويه بلاشي تطبيقات معاصرة

انا كمان صاحبتي دحين تاخد نظام سياسي مع امل و نفس كلام احلاهم قالتلي و ما نصحتني بيهاا لان الدكتروة دي كانت كويسه زي ما تقولو بس الترم دا افترت في البنات

يا miss econ انا اخدت مبادئ اداره عامة من الخطة القديمه ,, انتي قصدك عليها ؟؟
يعني يحسبولي هيا اختيااري خلاص ؟؟


ايش رايكم في مواد المحاسبه ,, محاسبه حكوميه ؟؟
انا كم وحده نصحتني بيها ,,

[soso139]

بنات أنا حأدخل عرض فالموضوع
ماشاء الله عليكم كلكم على تخرج أنا باقي مستوى ثالث
أبغى منكم نصايح و إرشادات و توجيهات
زي الطفل لمن تعلميه أ ب
أبغى أعرف كل شيء عن التخصص و المسارات و الأستاذات و المواد
و مجالات العمل و هل الأفضل لي إنه أحول إدارة أعمال؟
و نفسي أعرف ليه نسبة البنات فهذا التخصص قليل
اشرحولي وضحولي مرررررررررررة محتاسة
و إلي ودها تكسب فيني خير مرتب تراسلني عالخاص
أو حتى عالمنتدى مايضر برضه نفيد بنات ثانين
حاسة بنات التخصص دا مررررة لزوزين

[5o5a]

اول شئ بالتوفيق يا سوسو

وعقبال ما توصلي زينا و تتخرجي كمان

التخصص دا في 3 مسارات اكيد انتي تعرفيها بس ترا المسارات كلها ما تختلف عن بعض كل الاختلاف بس في 5 مواد عند التخرج ولا باقي المواد نفسها ,,

انا نصيحتي لكي ادا انتي تمشي في الفهم كويس يعني مو بس حفيظه و تحبي الحساب كملي في الاقتصاد
ولو انتي حفيظه وما تحبي مواد الفهم حولي ادارة اعمال لانو تقريبا كلو حفظ عكسنا

و نسبة البنات في الاقتصاد مرة قليل عشانو يعتمد ع الفهم اكتر فمعظم البنات يشوفوه صعب لانهم يحبو يحفظو و خلاص

انتي شوفي قرري لو مستعدة تكملي فيه ترا قسم حلوو و ان شاء الله تحبيه و تمشي فيه

بالنسبة للاستاذات قولي المادة و انا اقولك احسن استاذة فيها
والاستاذات اغلبهم جيدين ما عدا كم وحده

ان شاء الله اكون افدتك بشئ و اي شئ تاني انا تحت الخدمه

ولو تبي تراسليني ع الخاص او تاخدي ايميلي انا كمان ما عندي مانع

بالتوفيق يا عسل

[soso139]

تسلمي على ردك الله يوفقك
ان شاء الله بس أنتهي امتحاناتي
و أستشيرك فالجدول
بإذن الله