أستفسار عن بعض القوانين المتبعة في الجامعة(اعادة التأكد من المجموع النهائي للمادة)

[GiNgEr]

السلام عليكم ورحمة الله وبركاته

اريد أن استفسر هل يستطيع الطالب المطالبة باعادة فتح وتصحيح اوراقة في مادة واحدة في جميع الدوريات والنهائي ..؟؟ ومن سيراجع الورق تحديدا دكتورة المادة أو غيرها ..؟؟ ( في حالة دكتور المادة مترصد للطالب نفسه )


سؤال اخر : هل يحق لدكتور المادة عند اعادة الدور الثاني بعد النهائي للطالب أن يخصم من المجموع النهائي ويحسبة بنسبة 40 في المية تحديدا يعني يأخذ من الطالب 60 في المية من الدرجة النهائية في هذا الاختبار ..؟؟

أتمنى ممن لديه الدارية الكافية والقوانين الصحية المؤكدة أن يفيدنا ..

وشكرا

[GiNgEr]

محد عنده أي معلومة ولا نص معلومة ..؟؟

[!!توصي شيء!!]

للأسف أنا ما عندي معلومة ..

بس اذكر في مادة مالية رحت لها ،،

طلعت لي توزيع الدرجات كامل ،،

يعني في النهائي كم أخذت وفي الواجبات وفي الدوريات ،،
.
.
.
.

[GiNgEr]

لا أنا أبغى أعيد فتح الأوراق اللي صححتها .. لأانها غلطانة في التصحيح وااااضح انها غلطانه زي عين الشمس .. ولما كلمتها عصبت عليا وما اعطتني وقت .. تخيلي معايا توصي .. سحر مهران تعصب .. عمرها ما صارت .. بس انا كلمتها لما جيت قلتلها دوري ثاني .. ابغى اشوف الورقة عصبت وجلست تتكلم وتبربر وتشطح في المواضيع .. انا فتحت فمي .. في الاخير قالت اصلا اللي متأخرين ياخذون من الدرجة فقط 40 في المية وقالت انا قلت هالشي ... وهيا عمرها ما قالت .. رجعت قلتلها ما عليه ابغى اشوف اخطائي .. قالت مش فاضية .. قلتلها ما ابغى ذحين ابغى موعد ما اعطتني موعد .. اذا سألتها على درجة النهائي تغير الموضوع تقول ايوا اعمال السنه كذا وكذا والواجبات اقلها النهائي ترجع تغير الموضوع ..

يا شيخة ما ابغى منها شي .. أبغى أشوف درجاتي بس ..

[!!توصي شيء!!]

روحي لوكيلة الكلية ،،

وحده من صحباتي راحت لها على مشكلة كانت عندها ،،

اشرحي لها كل شيء ،،

تراها مررره طيبه ،،

ربي يوفقك يارب ،،
.
.
.

[فااارس]

اعتقد تدفعي 3000 ريال الى عمادة القبول و التسجيل
و يحضروا لجنة و تفتح الورق و تعيد تصحيحه
اذا طلع الحق معاكي يرجعولك فلوسك و يعطوكي الدرجة الجديدة
لكن اذا غلطانة ياخذوا عليك ال3000

و الله اعلم

[برنس جدة]

شوفي يا اختي ........
يعتمد الكلام على دكتور أو دكتورة المادة ,,,,يعني اذا كان الدكتور ميبس راسه أو شي ما حتاخذي أي شي للأسف
بعكس جميع الجامعات العالمية.,,,,,,,,,
أنا ولد عمي يحكيني (هوا يدرس باستراليا) يقول اللي شاكك في درجته يروح العمادة ويسوي
reassesment form ^^ان شا الله سكون الاسبلنغ صح^^^^ وتصحح من دكتور ثاني
بس للأسف في جامعتنا ما في هذا الكلام وأتمنى انو يسووه
لأنو بصراحة الواحد يطلع من الإختبار ومتأكد من حله وينصدم لما يشوف النتيجة


form

[GiNgEr]

المشاركة الأصلية كتبت بواسطة !!توصي شيء!! روحي لوكيلة الكلية ،، وحده من صحباتي راحت لها على مشكلة كانت عندها ،، اشرحي لها كل شيء ،، تراها مررره طيبه ،، ربي يوفقك يارب ،، . . .

بروح بكرة وان شاء الله خير .. يا شيخة روحي الله يفرجها عليكي ويفتحها بوجهك قولي امين

تسلمين والله .. وحسبي الله ونعم الوكيل فيها .. حسبي الله ونعم الوكيل فيها .. الله حسيبها

[GiNgEr]

المشاركة الأصلية كتبت بواسطة فااارس اعتقد تدفعي 3000 ريال الى عمادة القبول و التسجيل و يحضروا لجنة و تفتح الورق و تعيد تصحيحه اذا طلع الحق معاكي يرجعولك فلوسك و يعطوكي الدرجة الجديدة لكن اذا غلطانة ياخذوا عليك ال3000 و الله اعلم

انا انتظام .. جزاك الله خير يارب .. مشكور على الافادة :)

[GiNgEr]

المشاركة الأصلية كتبت بواسطة برنس جدة شوفي يا اختي ........ يعتمد الكلام على دكتور أو دكتورة المادة ,,,,يعني اذا كان الدكتور ميبس راسه أو شي ما حتاخذي أي شي للأسف بعكس جميع الجامعات العالمية.,,,,,,,,, أنا ولد عمي يحكيني (هوا يدرس باستراليا) يقول اللي شاكك في درجته يروح العمادة ويسوي reassesment form ^^ان شا الله سكون الاسبلنغ صح^^^^ وتصحح من دكتور ثاني بس للأسف في جامعتنا ما في هذا الكلام وأتمنى انو يسووه لأنو بصراحة الواحد يطلع من الإختبار ومتأكد من حله وينصدم لما يشوف النتيجة form

الله يكافيها مستقعدتلي عشان موقف .. الحرمة تبغاني عبدة تحت رجلها .. الله يفرجها بس

خلك من استراليا والا حتى اليمن .. أبتسم عزيزي انت في بلاد الحرمين .. أنت في أطهر بلاد الأرض .. انت في السعودية .. انت في بلاد تحمل موازين لا تضاهي موازين الارض قاطبة .. حسبي الله ونعم الوكيل فيها .. بأسوي اللي عليا .. وان كان ظلمتني حقي مرح يضيع بنعيش ساعات بس في الدنيا .. والاخرة كل واحد يشوف علمه .. وبتشوف عملها بعينها ..