طالب ثانوي يبي فزعتكم ~

[King111]

الله يرضى عليكم يا شباب أنا طالب ثالث ثنوي من أحلامي إني أدخل هندسة نووية بس ما في أحد يعرف في ذا القسم وش أخباره وش حاله زين ولا شين الدكاتره صعب ولا سهل الله يرض عليكم أبي فزغتكم كل ما يختص بهذا القسم وكيف الدراسه فيه ووشلونه

[نجران]

شف أبا أعطيكـ خطــتي يوم كنــت في الثانوية مثلكـ .
أولا ً : حلمـــت بالتصــميم وقلت يابو الشباب مالك إلا المدنيــة ، وقريت عنها ومن أول يوم في ثالث ثانوي وحبي يزداد للمدنية .
ثانيا ً : احد مدرسيني اتحدث انا وياه وأنا في أيام اختبارات الفصل الثاني النهائية يقولي ليه ماتغير طموحك خلك على الصحة أي شي في الصحة الوظايف شاغرة أصريت على طموحي ..
ثالثا ُ : لا زلت ثابت ومصر على رايي اخوياي كلهم يبغون طب ، ويقولون الهندسة مرض حق موسوسين أنت موسوس الصحة الآن هي المركز الأول في التوظيف . ولا زلت ثابت عند رايي .
رابعا ً : دخلت الجامعة ونفس ماواجهته من ضغوط خارجية أما أهلي ماكانوا يوجهون اي ضغوط أبدا سوا احد اخواني الي كان يبغاني طب أو معاه في كلية الحاسبات .
خامسا ً : نجحت وجبت معدل ودخلت الهندسة رغم عن انف اي واحد ، ولا زلت ثابت عند طموحي
سادسا ً : شباب يقولون لي من كلية الهندسة اقسام اخرى غير طموحي المدنية يقولون المدنية امتلت . والي ويقولي المدنية ادارتها تعبانة و عصبية وغير متفاهمة مع الطالب ، والي يقول المدنية تعبانة دراستها في الجامعة والآخر يقول المدنية سهلة جدا يعني بمعنى ماتسمى هندسة المفروض تنظم للمسار الانساني والنظري ، ولا زلت مصر على رايي وباقي حاجة واحدة واقفه امام طموحي ألا وهي مشيئة الله سبحانه وتعالى . إذا شاء الله تخصصت بعد الترم الجاي هذا مدنية وإن لم يشاء فراضي بحكمه وتخصصت تخصص آخر ولا يهم ايش التخصص ..

خلاصة القول ومعليش طولنا عليك الي ابغى افهمك مهما كانت العيوب في المكان أو الزمان الي تطمح له طموحك ورغبتك الجياشة هي الي بتزيل كل العيوب وبتحول العيوب إلا محاسن وتتخرج أفضل الدرجات وتبدع في قسمك ولا يهمك أحد دام الدراسة هو الشيء الوحيد الذي تتخذ القرار فيه ........... وشكرا ً طولنا عليك

[moied]

اخونا كاتب الموضوع.. الي نسمعه ان وظايفها قليلة يعني نادر تلاقي اعلان في نت ولا جريدة يبغون مهندس نووي اما الصعوبة والسهولة ان شاء الله يجي احد درسها ويفتينا ويوضح لك وظايفها واقسامها .... اما بخصوص اخونا نجران وبعض الكلام الي سمعته عن المدنية ابغا ارد عليه عشان تدخل القسم باقتناع اكثر (يقولون المدنية امتلت ) صح كثيرين بس الي معدلهم فوق الاربعة ينعدون ع الاصابع (والي ويقولي المدنية ادارتها تعبانة و عصبية وغير متفاهمة مع الطالب) انا ماقد راجعتهم في شي كل شغلك من النت تنزل موادك وتغلقها ( والي يقول المدنية تعبانة دراستها في الجامعة) والله دراستها ممتازة بس الطلاب مفلتين ولا دكاترة قسمنا شغالين برة وماسكين اكبر مشاريع جدة ومكة يعني مرة ممتازين والسيئين ينعدون ع الاصابع زيها زي باقي الاقسام ( والآخر يقول المدنية سهلة جدا يعني بمعنى ماتسمى هندسة المفروض تنظم للمسار الانساني والنظري)هيا مي سهلة مفهومة شي ينشرح تشوفه قدام عينك مافيها ذيك الفلسفة اما المواد النظرية ماتزيد عن ثلاثة موااد

[عبادي 0]

اخوي نصيحة مني فكر في غييييييييييير الهندسة النووية

مو تحطيم لا والله بس تخصص غير مرغوب

[زي الشباب]

انا كان طمووحي الحاسبات والشبكات
فسبحان الله تخصصت مدنيه :)

فيه تخصصات بالجامعه حلوه وهي الكهربائيه والصناعيه والانتاج .. والمدنيه كذالك

[Muaath]

لازال الوقـت مبكــر للتفـكير في التخـصص المنـاسب

تقــريبــاً إذا دخلــت الجـامعـة وبالتحـديـد الهنــدسة

بتــدرس مــواد تخــليك تقــرر التخــصص اللــي انت تبغــاه

كمثــال: أنا دخلــت هنـدسة إنتـاج برغبتــي .. خـاصـة بعـد دراستي لمـادتي الــرسم الهنـدسي والـورش

بالتــوفيق