مين افضل الفرع ولا الشطر (الجامعه) !؟

[سفيرة الأمل]

السلام عليكم ورحمة الله وبركاته
كيفكن بنات ؟ عساكن بخير ؟ ومبروك لكل من نجح والله يعوض على كل من حمل مواد ,
بالمختصر المفيد انا ساكنه بالقرب من الجامعه وأدرس بالفرع وحابة انقل للجامعه وسألت وبحثت واخذت معلومات اكيدة انو بإمكاني النقل من الفرع الى الجامعه < ايضاح بأن السكن قريب من الجامعه بواسطة ( صك البيت ) ,
وانا بجد محتاااااااااااااارة ايهما افضل اظل في الفرع ولا انقل الجامعه بالترم الثاني ؟
آآآآآرائكم وبصراااااااااااااحة

[SO0OMH]

والله شوفي ياقلبو هي الدراسه وحده يعني من الناحيه الدراسيه ما تفرق
انا في الفرع والله اشوف انو الفرع تمام عاادي يمشي الحال وع قولهم هي دراسه والسلام
بس في بنات يقولوا انو الجامعه احسن
انتي كمان اسمعي أراء البقيه واختاري
تقبلي مروري يا عسل

[د.شيمو]

اقولك خليك بالفرع افضلك بدل البهدلة لانو في الجامعة المحاضرات من مبنى لمبنى وغير كدة تعب يعني اعتقد الفرع اريحلك

[سفيرة الأمل]

المشاركة الأصلية كتبت بواسطة so0omh والله شوفي ياقلبو هي الدراسه وحده يعني من الناحيه الدراسيه ما تفرق انا في الفرع والله اشوف انو الفرع تمام عاادي يمشي الحال وع قولهم هي دراسه والسلام بس في بنات يقولوا انو الجامعه احسن انتي كمان اسمعي أراء البقيه واختاري تقبلي مروري يا عسل

ايوا حببيتي هو الفرع مرة عادي
بس ماعندنا دكتورات ومرة قليل اذا كان فيه دكتورة الأغلبية معيدات
بس الجامعه دكتورات كثير وتدريسهم حلو ,
وشكرا لأبداء رآيكـ

[سفيرة الأمل]

المشاركة الأصلية كتبت بواسطة د.شيمو اقولك خليكط بالفرع افضلك بدل البهدلة لانو في الجامعة المحاضرات من مبنى لمبنى وغير كدة تعب يعني اعتقد الفرع اريحلك

د.شيمو حبيبتي أنتِ بالفرع ولا الجامعه ,؟
وشكرا على رأيكـِ

[M!ss 5o05a]

والله انا ما ادري عن الفرع كيف :)

عشان كدا مابقدر اديكي رأيي بس انتي استخيري وعآدي لو حآبه تنقلي الجامعه

بالعكس يمكن تكون احسن من نآحية اقرب لبيتكم

ومن ناحيه الدكتورات ..وابداً مافيهآ

مشآكل من ناحيه انك تتنقلي بين المباني بالعكس سرنآ ناخدهآ تمشيه هع هع

الله يوفقك ويفتح عليكي

[سفيرة الأمل]

المشاركة الأصلية كتبت بواسطة roo7ee والله انا ما ادري عن الفرع كيف :) عشان كدا مابقدر اديكي رأيي بس انتي استخيري وعآدي لو حآبه تنقلي الجامعه بالعكس يمكن تكون احسن من نآحية اقرب لبيتكم ومن ناحيه الدكتورات ..وابداً مافيهآ مشآكل من ناحيه انك تتنقلي بين المباني بالعكس سرنآ ناخدهآ تمشيه هع هع الله يوفقك ويفتح عليكي

مشكورة حبيبتي ملتقصرين , اي والله لأنو مرة مشوااار 30 دقيقة وزحمة الشوارع فأنا معاك من هذي الناحية
يلا حابة اسمع آراء أكثر من كذا ,

[m0o0na]

هواا الفرع احسن من ناحية المبنى لانو مبنى واحد مافي غيره اما من ناحية الدكاتره فكلامكم صح اغلبواا معيدات ونادراآآ دكتوره واذا مرره استاذه ..
والجامعه عيبها انو من مبنى لمبنى يعني تضربي مشاوير تحت الشمس ..يعني احنا في الفرع يدوبك نلحق عالمحاضرات وهيا ف نفس المبنى ..
لكن في النهايه رايك واختيارك..
واتمنى الباقين يقدروا يفيدوكي...
تقبلي مروري ياعسل..

[د.شيمو]

انا من الجامعة (الشطر) الصراحة الجامعة متعبة وممكن يرح عليكي شوية من المحاضرة بسبب البعد بين المباني ومو دايمايمديكي تركبي القولف كار اضافة لذلك البنات مو متعاونين في الاشياء الي تخص الدراسة يعني مو الكل البعض

[crazy chance]

والله لو عالتعاون كثير متعاونين بس انتي وحظك مع اي شعبة وانا اشوف اذا الدراسة نفسها وفي النهاية حيتم فرزكم في التسكين بنسبكم الموزونة مالو داعي تنقلي والله بتشتتي نفسك خليكي مكانك وكلها نص ترم وتحولي