ربي يوفقكم ساعدوني

[marmar]

السلام عليكم
انا ابغا انزل هادي المواد بس ابغا مساعدتكم وتقولولي اذا ينفع اانزل المواد هادي مع بعض ولا راح تكون صعبة وماينفع انزلها مع بعض ومين احسن استاذات في هادي المواد ربي يسعدكم
المواد:-
قانون تجاري bl211
اقتصاد جزئي econ 101
تحليل كمي econ 204
سلوك انساني bus 102
مالية شركات bus 340
مبادئ تسويق bus 211

[شواطئ البحر]

وعليكم السلام ورحمه الله
افتحي موقعك في الاودس وعندك تبويب الخطة الدراسيه افتحيه
ومرري الماوس على مادة وشوفي متطلبه أذا درستيه تقدري تنزليه واذ ما درستي المتطلب السابق محدتقدري تنزليه

بس أللي أتضحللي من أرقام المواد انه في مستويا ت الاخيره

المواد أللي رقمه ب100 تدرس في مستوى أول والثاني
المواد أللي رقمه ب200 تدرس في مستوى الثالث و الرابع
المواد أللي رقمه ب300 تدرس في مستوى الخامس والسادس
المواد أللي رقمه ب400 تدرس في مستوى السابع والثامن

ونصيحة مني امشي ع خطة

[بنت ابويا]

شوفي ياعسل ادا كان في الخطة كدا خديها زي ماهي
واظن انو انا اخدت نفس دي المواد في ترم واحد
وعلى فكرة المواد دي حلوة بس قانون وتسويق هرجها كثير بس حلو
وسلوك حلوة ومو مرة كثيرة
اما الباقي تقريبا حسابات كلها بس سهلة
الله يسهلك ياعسل

[طارق المحمد]

اختي نصيحة لا تحطي قانون تجاري مررررررررررررره صعب...

وبالتوفيق للجميع...

[one girl]

اسمعي ياقلبي

خذي قانون تجاري مع سوزان اسئلتها مررررررره حلوة وسهلة وتساعدك كثييير بس هي شوية شديدة مع البنات اللي يقلو ادبهم بس والله مررره عسل وتزود في الدرجات يعني حتى لمن تنقصي شوي تزودك من عندها ونسيت كمان شرحها مرررره روعة ولاتشيلي هم من ناحية صعوبة المادة مادامك مع سوزان

التحليل كمي خذيه مع منال الحربي شرحها مو قد كدا بس تفهمي اذا كنتي مركزه واسئلتها اتفه منها مافي و نفس اللي في الكتاب تنسخه بس تغير لك الارقام وتسوي تحسين ومرررره طيوبة

سلوك انساني مع سمر عناني مرررررررره روعة لاتفوتيها

مالية شركات خذيها مع سحر او نسمة مررره اخلاق وذوق ول تقدري تاخذيها مع سحر تراها احسن من نسمة

نجي للاقتصاد العلة ( اكرهه مررررره ) اخذته مع لمياء شرحها كويس وما تخرجي الا وانتي فاهمة بس ماتساعد في الدرجات
واختي اخذته مع كوثر شغراب مررررره طيبة وهادية بس شرحها مو مرة تمام لكن تفهمي معاها واسئلتها مو صعبة ولا سهلة

واذا تبي الصراحة كل استاذات الاقتصاد معقدين بس يقولوا احسن وحدة تعطي اقتصاد لمياء ششة

[marmar]

شكرا ليكم ياعسولااااااات ربي يوفقكم