عن معامل البيوكمستري

[NoNa al7ellwa]

يااا بنوتااات ابغى اسأل عن المعامل .. ايش المعامل الخفيفة الي تخلص بسرعة و ايش المعامل الغلسه الي ما نخرج منها غير بعد 3 ساعات

عشان اعرف ازبط جدولي ايش المعامل الي اخذها الصباح و ايش الي اخذو الظهر
حاخلي الخفيفة في الظهر عشان اخلص و اروح البيت على طول بدل ما اخلص بدري و اتلطع في الجامعة


شوفو انا الي درستو معمل الايض كان حلو احيانا طويل و احيانا قصير بس شغلو خفيف حسابات و تيوبات و خلاص

معمل الانزايم كان غثااااا ما يخلص

و بالنسبة لمواد الاحياء .. معمل الاحياء 1 و احياء 2 كانو شوية ثقيلين رسم و كدا
معمل الخلية و المايكرو مرره حلو و يخلص بسرعة

معمل كيمياء 1 غالبا يخلص بسرعة

معمل كيمياء حيوي كانو كلو الوان و حركات بس ما يخلص بسرعة

معمل كيمياء 202 ما كان يخلص بسرعة

امممم

حابه اسأل عن معمل تغذية و تحليلية و عضوية و غير عضوية و فيزيائية و طاقة

و جزاكم الله خير

[Dr-Bro0r]

العضوي ياخذ من ساعة ونص .... لساعتين .. ...
والطاقة والغير عضوي اتوقع ياعسل انها بدون معامل :)
والباقي ان شالله البنات يفيدوكي لاني ماخذتها

[R-Kh]

الطاقة الحيوية والكيمياء حيوية غير عضوية
مالها معامل
..
:)

[NoNa al7ellwa]

ايوا صح نسيت انو ما فيها معامل

و شكرا لافادتكم :)

و الي تعرف اي شيء غير المواد الي كتبتها برضو تقول ممكن اي احد يستفيد

[calbooza]

التغذية معاملها سهلة وحلوة بسرعه تخلصيها يمكن بس معمل او 2 اخذنا فيها ساعتين الباقي تقريبا ساعه او ساعه ونص..

[اريج العمر]

والله انا مايفرق عندي اصلا
لانو تحسي المعامل هي اللي مخربطه الجدول وتقلبه فوقاني تحتاني

[Miss Hiruma]

انا سمعت ان معامل التحليليه سهله بس طويله ياخذزن الثلاث ساعات وزياده

التغذيه حلوه ساعه او ساعه ونص بالكثير

اما الباقي مدري عنه ><

بالتوفيق(^ــ^)d

[M!Ss AmoOoLa]

طيب معمل مايكرو كيف؟سمعت انو صعب وغثيث

والكيمياء 202؟ زي لاب كيمياء 281

[Dr-Bro0r]

معمل كيميا 202 كله مسائل وحسابات

[R-Kh]

المشاركة الأصلية كتبت بواسطة m!ss amooola طيب معمل مايكرو كيف؟سمعت انو صعب وغثيث والكيمياء 202؟ زي لاب كيمياء 281

المايكرو معملين جلسنا فيها 3 ساعات وزيادة كمان
لانها كانت معامل صبغ ، مو لانها طويلة بس لانو الادوات قليلة وعددنا كبير
بقية المعامل سهله وحلوة
//
الكيمياء 202
كلو حسابات
بس ينفهم ويمشي حالو
..
:)