بيوكيميائية جديدة طالبة فزعتــــكم

[ليان العمودي]

مرحبا للجميع
انا هذا السمستر اتخصصت ومني عارفة اش انزل من مواد ولا انزل نفس الخطة
بجد طالبة رأيكم لانه ماعندي اي وحدة اعرفها في نفس التخصص حاسة نفسي حايسة وياليت كمان تقولولي على افضل الاستاذات بالنسبة لمواد مستوى ثالث واللي نازلين هذا السمستر .. انا شفت موضوعكم حق الاستاذات بس مرة احترت

وبجد مستنيتكم اش رايكم اش آخذ هذا الترم
وهذه هي الخطة انا مني عارفة حلوة ولا لا

الخطة هي
كيمياء عامة202
احياء عامة 202
امن وسلامة مختبرات
معمل كيمياء281
معممل احياء 281
لغة عربية 101
كيمياء حيوية عامة 201


مشكورة مقدما

[الشيخه كرزه]

انا بقولك عالأستاذات اللي أخذت معاهم
في كيميا 202 أخذت مع دكتوره صفاء جداً ممتازه بس للآسف كان آخر سمستر لها فاتتك كانت لقُطه
واحياء مع سهيله وبعدين سناء ترك ..كلهم عسوليين وشرحهم وتعاملهم حلو بس سناء تراعي أكثر
وكيميا حيوي مع أمينة مدحت ...بجد احسن دكتوره مرت عليا شرح وأخلاق وكلو بس أسئلتها يبغالها تركيز
وبعض البنات ما ياخذوا معاها عشان خطها ماهو واضح وصغير ..
معمل كيميا 281 تافه وتدخلي معاكي الملزمه في الاختبار
ومعمل الأحياء دسم شويه أخذتو مع هنادي وولدها عبيد اللي أقلقنا كل شويه يدق ..
والمعمل كلو ضحك بضحك وحكاوي وقصص يعني مانخرج من المعمل
الا بعد 3 ساعات وعليها بسبب سوالفها بس للأمانه شرحها مره حلو
أمن وسلامة مختبر لسه للآن ماأخذتو وعربي والله ماافتكر اسم الاستاذه

امممم أشوف جدولك كويس بس يبغالك تزيدي ثقافة .. اذا تقدري طبعاً
وبالتوفيق ان شالله..^_^..

[بيو كيميائية ^_^]

كيمياء أخذتها مع إيمان

أحياء مع سهيلة لاتفوتك

كيمياء 281 مع عفت ودعاء مرة طيوبين ويساعدونا في الإختبار

أحياء 281 مع هند وأسماء وأماني هند طيبة وأماني بعد أسماء قمة الشر

أمن وسلامة مع أميمة أعوذ بالله لاتاخذي معها أبداًً

عربي حسناء مرة كويسة

كيمياء حيوي أمينة مدحت مرة شيء

[R-Kh]

كيمياء عامة202 ، د.ايمان زكريا
احياء عامة 202 ، د.سهيلة قاري
امن وسلامة مختبرات ، دي اول سنة د.مونزا تعطيها بس مااعرف كيف
معمل كيمياء281 ، أ.هبه نجار
معممل احياء 281 ، اشردي من أ.عائشة خلاف ، واي احد غيرها كويس
لغة عربية 101 ، أ.رحمة المحديني ، واشردي من أ.سارة بادحدح
كيمياء حيوية عامة 201 ، كلهك كويسين بس افضلهم د.امينة كدحت و د.اعتماد حويت
..
:)

[ليان العمودي]

اللــــــــــــــــــــه يعطيكم العافية
ماتقصرو حاخذ نصايحكم بس عموما الجدول تمام لاني كنت خايفة