إدارة أعمال ــ المواد الأختيارية السهلة ..؟؟

[وافي إحساس]

السلام عليكم ورحمة الله وبركاته ،

أخواني طلاب الإنتساب .. أرجو من لديه خبرة في المواد الأختيارية السهلة في مذاكرتها .. لأقوم بأختيارها الترم القادم .. لأنه بصراحة بيكون عندي جدول صعب شوي وفيه ثلاث مواد قلق .. وكنت حاب آخذ المواد الباقية .. تكون سهلة وبسيطة ما تعيقني في مذاكرة المواد الصعبة وبيكون جدول على النحو التالي :

محاسبة 102
أستثمار
إدارة أعمال بالإنجليزي
السلوك الإنساني في المنظمات
إدارة العمليات
مادة أختيارية 1

وكنت حاب أختار مادة تكون سهلة .. أفيدوني الله يجزاكم خير ..

أنا في إنتظار ردودكم .. وتقبلوا من خالص التحيه

أخوكم .. فيصل ــ الرياض

[طالب mis]

السلام عليكم ورحمة الله وبركاته
أخوي نصحيتي لك المواد الي منزلها دسمة يعني استثمار ومحاسبة وادارة عمليات كلها حسسسسسساب في حسااااااب انت أهم شي عارف قدراتك لان يبقالها جهد كبيرررررررررر .
بالنسبة لمادة اختيارية في ادارة محلية في قسم الادارة العامة
.تقبل مروري وموفق باذن الله.

[وافي إحساس]

أخوي طالب mis .. أشكرك على الإفادة ..

أنا بصراحة يوم أكتب الموضوع .. وأنا ماسك كتاب المحاسبة 2 .. ناوي أبدأ مذاكرته من اليوم .. وقلت ممكن أخلصه خلال شهر وأبدأ استثمار وان شاء الله اخلص مثل وبعدها تسهل الأمور .. إدارة أعمال بالإنجليزي .. بحاول أحفظ الكلمات من الآن .. صحيح ما فيه مفردات لحد الآن لكن بأعتمد على المفردات الترم الماضي وعلى ما اعتقد راح تكون مشابهه لمفردات الترم الجاي على الأقل 75% .. وإن شاء الله أقدر عليها .. طيب بالنسبة لإدارة العمليات سمعت أنها سهلة ممكن ومادة نظرية .. هل هالكلام صحيح .. يعني طريقة الأسئلة نظري .. ممكن أحذف محاسبة 2 واضيف بداله مادة نظرية بحته .. ويكون عندي أستثمار وإدارة عمليات وإدارة أعمال باللغة الإنجليزية .. مع العلم بأن عندي لسا ما خلصته مبادئ الأقتصاد الكلي 102 وناوي أأجله للأترام الجاية .. وش رايك

[!!توصي شيء!!]

أخي الكريم ،،

إدارة عمليات مادة نظرية ،،

وبها جزء بسيط عملي ،،

طبعاً أنا إنتظام ،،

وكان فيه أشياء كثير محذوفة عندنا ،،
.
.
.
أختك
!!توصي شيء!!

[طالب mis]

أخوي نصيحتي لك تحدف محاسبة 102 لانه ماتفتح لك مواد ثانية اما االاستثمار فيفتح لك مواد ثانية وتأخد ادارة اعمال بالانجليزي وبالنسبة لادارة عمليات تحتوي على جزء نظري كبير وجزء حسابي .
وبالنسبة لاقتصاد كلي مادة حلوة فيها نظري وفيها حساب بس حفظ قوانين وتطبيق

موفق انشالله يارب

[بدر طلع]

إدارة اعمال بالإنجليزي ....علاوة على المفردة للترم الماضي >>>الدكتور ناصر كدسة حذف لنا مشكوراً في الدورة الفصل الثالث الخاص بالتنظيم ........للإفادة لأنه فصل دسم وقهر يذاكره الواحد ولما يحضر الدورة يلقاه محذوف ...فاقترح إنك ماتقرى هالفصل إلا بعد الدورة...
بالنسبة للمواد الأختيارية السهلة فأنا وضعت موضوع بهذا الخصوص على نفس المنتدى ...يمكن تفيدك بعض الردود ؟؟

[وافي إحساس]

مشكورين ..

أخت ( توصي شي ) وأخواني ( طالب mis ــ بدر طالع ) على التوضيح .. ..

معنى ذلك .. بيصير .. جدولي

إدارة أعمال إنجليزي
سلوك انساني
إدارة محليه
اقتصاد كلي
استثمار
إدارة عمليات


وش رايكم وببدأ إن شاء الله من اليوم

[خالد القحطاني]

اخوي وافي صراحة جدولك بيكون حريقة هههههههه
مهما لو تذاكر من بداية الترم بيكون برضو صعب عليك

ادارة محلية مادة حبوبة وحليوه وعليك بملخص هاني عرب
سلوك انساني برضو نظري
لا تجمع بين استثمار ومحاسبة أبدا

[Big Mido]

توصي شي ,, ترا بنات الانتساب غير اولاد الانتساب
اجل كيف بنات الانتظام ,, اكيد مختلف عن اولاد الانتساب

الماده يوم تفتحي كتابها اغلبها نظري ,, بس للاسف يوم تدخلي اختبارها ( اولاد انتساب ) تلقيها اغلبها عملي

كذا موقف بغي يصير لي من هذه النقطه بالضبط ولكن الحمدلله اتفاديت الموقف , وقدرت اتدارك الوضع بآخر لحظه

[!!توصي شيء!!]

السموحه اجل ،،

ما كنت اعرف ،،

بالتوفيق للجميع يارب ،،
.
.
.