سجلت انتساب للترم الثاني ؟

[تيتا الحلا]

السلام عليكم
ممكن تفيدوني يا اخوتي واخواتي
انا سجلت للترم الثاني انتساب
واليوم دفعت الرسوم
اش الخطوة الي بعدها
هل اذهب للجامعه بكره اراجعهم واسال او كيف؟
ابغى اعرف متى تطلع بطاقتي عشان استلمها
...

والله ما اعرف وش اسوي , ارجو الافاده والله يجزاكم خير مقدما

[برســتـvipـيج]

مبرررررررررروك
اول شي البطاقه تجي عن طريق البريد
رح تعرفي الرقم الجامعي من البطاقه
اذا وصلت البطاقه ادخل على odus
ادخلي عليه ورح تلقي الجدول والخطه حقتكي
والله يوفقك

[فيصل66]

وعليكم السلام اختي

بالنسبة لنا سجلنا اول السنة وانتظرنا وصول البطاقة بdhl وبعدها استخدمنا الرقم للدخول للاوديس وهذا رابطه

http://odus2.kau.edu.sa/students/INDEX.ASP

لكن اختي كيف سجلتي هذا الترم هل عن طريق النت ولا شخصيا عن طريق الجامعة وهل ممكن احد يسجل ولا لا؟؟

[تيتا الحلا]

الله يجزاكم خير
بس انا كنت مسجله للترم الاول لكن ما تم الموضوع لانوا هويتي انتهت وطلبوها مني بعد التجديد وانتهى موعد التقديم ولا ارسلتها وبعدها انشغلت وسافرت ومره فقدت الامل
لكن عرفت من المنتدى ومن صديقاتي انه فيه تسجيل للترم الثاني
رحت الجامعه بنفسي واعطيتهم هويتي وفعلولي رقم الطلب لاني مسجله من الترم الاول وقبلوني
واليوم سددت الرسوم لكن كل ما ادخل هذي الصفحه عشان اراجع واعرف اذا وصل السداد ماتفتح معي يمكن فيه صيانه اوشي http://odus1.kau.edu.sa/app_v3/Entsab/index.asp

عشان كذا اسال كيف بستلم البطاقه لانه ما اعتقد من ال dhl

فالي عنده علم بالموضوع ومتى تطلع البطاقات يخبرني وله مني دعوه بظهر الغيب

[تيتا الحلا]

المشاركة الأصلية كتبت بواسطة فيصل66 وعليكم السلام اختي لكن اختي كيف سجلتي هذا الترم هل عن طريق النت ولا شخصيا عن طريق الجامعة وهل ممكن احد يسجل ولا لا؟؟

والله كان بالمنتدى موضوع بخصوص هذا الموضوع والظاهر انه انحذف
لكن الي اعرفه انه كان في تسجيل للترم الثاني لنهاية شهر صفر
لكن مو عن طريق النت
عن طريق الذهاب للعميد والتقديم عنده

[neenaa]

تيتاااااااااااااا

ياهلا والله وغلا

كيفك..

ومبرووووووووووك القبول

وربنا يفتح لك

[FaHaD Almalki]

مبرووك القبول وعقبال مانبارك لكـ ان شالله بشهادة البكالوريوس

وانا بعد اليوم سددت :$

ويالله ان شالله سباق اخوي علمي ناجح

دمتي بخيــر

[روجي العمر]

مبرووووك للقبول

وانا زيك قدمت وسددت وخلصت كل شي
باقي استلم بطاقتي

بس انا قدمت شخصيا

ولمن افتح صفحتي مكتوب انو بس باقي اخد البطاقه اروح عند مين استلمها
بليزززز
بكرا مو عارفه اروح عند مين عشان استلمها

[تيتا الحلا]

الله يبارك فيكم وعقبال مانستلم البطايق

واختي روجي العمر
لو رحتي الجامعه بلغينا وش يصير معك ع البطاقات
والله يجزاكِ الخير

[روجي العمر]

المشاركة الأصلية كتبت بواسطة تيتا الحلا الله يبارك فيكم وعقبال مانستلم البطايق واختي روجي العمر لو رحتي الجامعه بلغينا وش يصير معك ع البطاقات والله يجزاكِ الخير

من عيووووني