ساعدوني مادة ((تاريخ فنون الحضارات))..أ. اميمه صدقه عاشور

[غادة@]

السلام عليكم ورحمة الله وبركاته...


كيفكم حبيباتي..

انا إدارة واقتصاد,,
اخدت مادة من اقتصاد منزلي ((تاريخ فنون الحضارات ))..مع أ.أميمة صدقة عاشور

يلي يعرف عن المادة شي أو عن استادة المادة الله يوفقها تعلمني
لاني اخدتها ماده حره وبدي اعرف شي عن المادة...


وربي يوفقكم جميييييييييعا....

[E.M.A.B]

مالقيتي تاخذي غير هذي الماده الله يعينك

[غادة@]

ياساتر

لييييش ؟؟
المادة صعبه يعني ؟
والله ماأضفتها إلا إنها المادة الوحيده يلي ناسبت وقتي

وأنا قلت دامها من اقتصاد منزلي أكيد بتكون سهله

تيب الماده هي صعبه ؟؟وإلا كتيره؟؟
الله يخليكم وضحولي أكتر قبل ماأتورط وأستمر في الماده..عشان احذفها


الله يوفقكم

[rnd]

و عليكم السلام و رحمة الله و بركاته ..

انا الماده نفسها ما اعرفها ..

لكن اعرف الاستاذه درستني قبل كذا ..

انا كنت محوله ، ومن قبل لا احول و صحباتي يحذروني اني ما اخذ مع هذه الاستاذه ..

ولكن للاسف اخذت معها ، أسلوبها في التعامل مو مرة ..

و الشغل ما يعجبها على طول ..

و اسئلتها مو مرة كانت سهله ..

يعني أنصحك ما تاخذي معاها .، وترى مواد الاقتصاد المنزلي مهي سهله زي ماهو معروف ..

والله ان بعضها نفسك تبكي وانتي تاخذيها ..

في ماده اسمها تلاوة اسمع كثير انها سهله من الاداب ..

الله يوفقك و يعينك يارب ..

[fato0o0om]

اهلين يا عسل
انا تخصصي فنون وماخده الماده دي بس هي اساسيه عندي
واظن انها شعبه وحده فيمكن اكون معاكي
ولا تخافي ان شاءالله ناخد درجات حلوه

[ساكنه في بيتنا]

و عليكم السلام و رحمه الله و بركاته


قبل ما اقول اييييييييي شي

نصيحه مني لو تحذفي الماده افضل لك افضل لك افضل لك .. اهو 3 مرات عدتها ..


الترم اللي فات كنت تخرج و اخدتها حره لأنها هي الوحيده اللي ماشيه مع جدولي مع انو صحباتي قالولي كيف تعامل الاستاذه بس ابدااااااااااااااااااااا ما اتوقعت انها زي كدا .. يعني فيه ناس تعاملها نو وي بس لما تكوني في حالك خلاص الموضوع يمشي

بس دي



الماده بذاتها حلوه صراحه استمتعت فيها مع انها كلها نظريه و تاريخ و دنيا و انا ما احب التاريخ بس كانت حلوه لما كانت أ. أميمه هيا اللي تشرح

بس بعدين المنهج يتقسم على البنات و هم اللي يعملوا العروض و تعالي شوفي الملل ..

و على فكره ما يعجبها اي عرض ولا اي معلومات تجيبيها و الله يكون في عونك وقت العرض تحسي كأنك بتخبري ..

و ترا اسئتها ما تدري كيف سارت اسئله !!! يعني ما تتوقعي ابدا انو يكون سؤال لا و عللي كمان !!!!! ..

ممممممم اه كمان اختباراتها النصفيه و الدوريه في نص ساعه لو تفحطي قدامها ما تعطيكي ثانيه زياده ..

وترا مهي سهله ,,

اقلك شي شنييييييييييع جدا

قبل الاختبار النهائي بأسبوع قالتلنا انو محد ناجح في الماده الا بنتين ولا 3 و الباقي تراك ( تراك ) دي يعني رسوب بلغتها .. << تخيلي الاحساس و انتي على تخرج ..

و اعطتنا بونس من 20 عشان نترفع في الدرجات .. عمرك شفتي بونس من 20 .. < ال 20 درجه بحالها اختبار تاني ..



تبغي مواد سهله من عندنا و بإذن الله تاخدي درجات

عندك اصول تربيه و صحه نفسيه و اداره مدرسيه و نظام التعليم .. << كتير بنات اجتمعوا على دي الأربعه ..


ربنا يوفقك و يكتبلك الخير يااارب . بس لاااازم تحذفيها ..

ترا اختاري حقها يكون مع ذكر السبب !!!!! ..

[ساكنه في بيتنا]

المشاركة الأصلية كتبت بواسطة fato0o0om اهلين يا عسل انا تخصصي فنون وماخده الماده دي بس هي اساسيه عندي واظن انها شعبه وحده فيمكن اكون معاكي ولا تخافي ان شاءالله ناخد درجات حلوه

مرررررره سوري على الكلام اللي قلتله فوووق و اكيد جابلك اكتئاب شنييييع ..

كل ملزمه تاخديها اقرئيها 100000 مره قبل الاختبار


موضوع انك تقرئيها قبل الاختبار ولا قبلها بيوم ابداااااا ما ينفع

المداه كلها على بعضها زي المعلومات العامه يعني قد ما تقدري عيدي و زيدي في القراءه ,,

و كان الله في عونك .. ادعي ربنا كتييييييييييييييييييييييييير و يااااااارب تنجحي بدرجه حلوه كمان ..

[ريامي]

انا اخذتها دا السمستر بس انا اجباري لانو تخصصي

انتي ليش تاخذيها والله البنات يشتكو من دي الماده كل يوم لدرجه جاني رعب من الماده واستاذتها بسرعه احذفيها بدون تردد
والله يعيني ويصبرني ويصبر كل بنت على دي الماده

[lady-fano-bird]

ماراح أضيف شي تاني .. على كلام ساكنة في بيتهم ..
أنصحك تحذفيها .. قبل ما يفوت الآوان ..
see ya

[Lovely smasm]

لوووووووووووووووووووول
مادة حرة ,,, وتاريخ فنون خخخخخ ومع استازة اميمة عاشور
لووول ما اقوووول الا الله يعينك للأنك حتجيبي العيد خخخخ >_<
حيبي شوفي مادامك نزلتيها عندك وتوكلتي فـ خلاص طاح الفاس في الراس خخ ومافي رجعة
بس لا أخوفك ..
شوفي هي مادة جدا دسمة وكلامها كتير ويفقع مخك وتراه حفظ ودش متير بس انتي لو شاطرة بس افهمي واقرأي بتمعن مو اي كلام زي البنات ..طيب
وانتبهي تغلطي معاها بأي شكل من الأشكال في الأسلوب والمعاملة لأنها صدقيني راح تحترمك ازا نتي محترمة عندها وترى منجد اعتقد هي ازا حبت بنت بتعطيها درجات
وتراها مو زي البنات مايقولوا انها مررررة شريرة .. بصراحة مااعرف بس انا حبيت المادة رغم انها طلعتلي عيني بس منجد حلوة تعرفي عن كل الحضارات في العالم وايش كانوا بيعيشوا وبياكلوا وبيلبسوا ويبنوا عماراتهم وفنونهم وكلالالالالام مرررة كتير مالو نهاية بس ..
كل ده الكلام على البنات وشرحهم بالبرزنتيشن يعني لازم بحثك يكووون عال العال ولازم تروحي المكتبة المركزية كل ماتفضي عشان تتثقفي لنها ماشاء الله وحدة مثقفة وحتسألك مررة كتير كأنك في تحقيق خخ هو يخوف بس زي ماقلتلك انتي لازم تشرحي مزبوط وتبيني لها نك فاهمة ومنجد مح تشوفي الرعب
ورغم أسئلتها تجيب العيد وكتيرة بس مرررة تراعي وكل سؤال نص درجة حتى انها اعطتنا 20 درجة بونس وكمان زادتنا 5 درجات عشان تدنا ورتاح بس منجد حبيتها رغم انها تخوووف خخخ والله يعينك