حـملة وقف مهزلة الدروس الخصوصيهـ>>>كفايهـ استغلال

[moon jeddah22]

بسم الله الرحمن الرحيم

السلام عليكم ورحمة الله وبركاتهـ
طبعا الموضوع باين من عنوانه لين متى واحنا نايمين ع انفسنا؟!لين متى واحنا مسلمين امرنا لأستغلال الاجانب؟!لو كلنا اتحدنا معا بعض وحطينا سعر معين للماده وصرنا يد وحدهـ ووقفنا قدامهم اكيد كل واحد يلاحظ ان كل سنه الاسعار بزياده والمدرس اول ما يبدأ ينتشر ويحس ان الطلاب محتاجينو يبدأ عاد يستغل الطالب ويحط السعر اللي يبغاه ولوفكرنا ايش الاسباب اللي خلت الاجانب يتحكمو فينا ويستغلونا اسوأ استغلال هنعرف ان السبب الأول والوحيد هوا انا وانت لو اتحدنا كلنا على سعر واحد ما هنخليهم يتحايلو وينصبو علينا لازم يانــــــاس نحط حد للموضوع ذا نبغى من خلال الموضوع ذا او اي موضوع ثاني اي احد يبغى يدرس مادهـ معينه ينزلها ويسأل عن المدرس والسعر اللي يستحقو والمدرس اللي ما يوافق عالسعر ذا نقاطعو كلنا والله العالم اني نزلت الموضوع ذا مو عشاني والله عشان مقهور من الاستغلال اللي حاصل عندنا وان شاءالله الاقي تجاوب معايا وربي يوفقكم ان شاءالله ...

[مهبول في عالم مسطول]

و الله صادق بكل كلمة قلتها

لكن ما باليد حيله



الدكاتره تعقيد وش تبينا نسوي




بس عندي سوال اذا سمحت خارج عن الموضوع



س: اللي يرسب في ماده وياخذها الترم الصيفي يمديه يخش الطب والا لا؟

[Oxsgen]

من جد كلامك صحيح ’’

اعوذ بالله مسوين تجاارة ,,

خاصة المصـ ........

استغفر الله ,,

[أبو عابد 2009]

بما اني خبرة في الاساتذة الخصوصي من سنة سادس ابتدائي

ومر علي جميع الأشكال والألوان منهم .

أشوف السعر العادل لهم من 2500 الى 3000 ريال في الفصل الدراسي
هؤلاء الجيدين ،، أما السيئين فتحصلهم أقل من كذا ،،

وفي الممتازين هذولا ياخذوا من 3500 الى 4000 .

وفي واحد زي أشرف بركات ياخذ 5000 ريال في السمستر !!!

[Life as Game]

اي والله من جد صادق في كل كلمة قلتها..
وخصوصا المصارية الله لا يبارك في فلوسهم ...
ينهبونا عيني عينك ..
يعني ترم كامل الف ريال؟؟ ليش؟؟ حنخترع صاروخ؟؟
عني الحمد لله الترم اللي راح ما اخدت ولامدرس ..
بس في تانية تانوي اخدت للفيزياء بـ 1200 ريال والله اني انقهرت يعني المادة بالعربي وكمان سهلة بالنسبة له
ويطب القيمة كلها دي؟؟

بس وش نسوي لهم؟؟ <<بما اني مقهور انا اقترح نمسكهم واحد واحد ونظربهم ضرب الله لا يوريك..
ونحدد لهم السعر اللي نبغا مو اللي يبغوا هم..

بس المشكلة في البنات دول هم اكتر من ياخد مدرسين خصوصيين ..
يعني لو قاطعناهم في ناس مجبورين ياخدوهم..لان لو ما اخدوا حيخبصوا في المواد
والله قهر.

[Life as Game]

المشاركة الأصلية كتبت بواسطة أبو عابد 2009 بما اني خبرة في الاساتذة الخصوصي من سنة سادس ابتدائي ومر علي جميع الأشكال والألوان منهم . أشوف السعر العادل لهم من 2500 الى 3000 ريال في الفصل الدراسي هؤلاء الجيدين ،، أما السيئين فتحصلهم أقل من كذا ،، وفي الممتازين هذولا ياخذوا من 3500 الى 4000 . وفي واحد زي أشرف بركات ياخذ 5000 ريال في السمستر !!!

ههه صاحي انت ؟؟
اصلا اشرف للترم ياخد الف ريال ..شكلك تبغاهم يرفعوا الاسعار زيادة
وين عايش انت..

اقول سوي ديليت لردك قبل يقروه ويستغلونا من جد
والله مافي حياتي سمعت مدرس خصوصي بـ 5000<<ايش يدرس دا ؟؟ والله ماني لاقي حاجة اقترحها؟

[new student1]

وفي واحد زي أشرف بركات ياخذ 5000 ريال في السمستر !!!

استاذ اشرف ياخذ 1000 ريال فقط للسمستر ( بالنسبة للمادة الواحدة )

[أبو عابد 2009]

المشاركة الأصلية كتبت بواسطة life as game ههه صاحي انت ؟؟ اصلا اشرف للترم ياخد الف ريال ..شكلك تبغاهم يرفعوا الاسعار زيادة وين عايش انت..

خخخخخ عايش في عزوز



كلامك سليم اذ اكان مجموعة من الطلاب وانت تروح بنفسك ببيته ،،
لكن لو يجيلك أشرف للبيت يأخذ 5000 ريال
شخصيا لدي صديق يآخذ معه .

[فديت جامعة عزوز]

والله أخوي مع احترامي للجميع بس برأي اللي يروح لمدرس خصوصي أعتبره مابي أقول غبي

بس بقول طالب فاشل .
لأنو ربي خلق للإنسان مخ.

والكتاب اللي بيندفع عليه مبلغ وقدره يكون فيه كل المعلوات اللي نحتاجها للفهم

فا ليش تضيعوا وقتكم وفلوسكم على شي مايستاهل !!!!

[Super amazing]

1000 وين يا بوووي

اللي كنت اخذ عندها السمستر الاول
فيزياء 3500
رياضيات 3000


بس والله مالي غنا عنهم (بعد الله) هالخصوصيين...