دبلوم الكلية الأوروبية !!

[Ned]

السلام عليكم ورحمة الله وبركاته .. بدخل في الموضوع بدون مقدمات ..

ما في شك إن المنتسب في اللغات ماراح يستفيد من شهادته بالشكل المطلوب إذا ما كانت لغته جيده ..

بمعنى عندك بكالوريوس أنجليزي .. وما عندك لغة انجليزية جيدة .. بتصير الشهادة مجرد ورقة تثبت

إنك انتسبت للجامعة وخلصت ساعاتها .. لذلك .. بما إن دراستي انتساب .. وما قدرت أنتظم

لتدني المعدل لأسباب ( غير خارجية ) .. وخلصت سنتين .. قررت إني أدرس اللغة خلال فترة انتسابي

في الجامعة إلا أن أتخرج .. ولكن أين ؟؟ سمعت عن دبلوم الكلية الأوروبية للغات مصرحة من وزارة

التعليم العالي .. بل إن أول مستويين في الدبلوم ماخذينه من منهجنا في الجامعة ..

فسؤالي لأهل الخبرة : هل الدبلوم هذا قوي ؟؟ وهل فيه خيارات ثانية قوية ( غير المعاهد التجارية ) ؟؟

أبغى شي دراسته قوية .. وممكن يفيدني بشكل كبير في اللغة ( اللي هو تخصصي )

أنتظر تعليقاتكم .. وأعتذر عن الإطالة ..

[Ned]

up up up

[Ned]

ما في أحد عنده أي خلفية عن الموضوع ؟؟

[رمزالتضحية]

Up Up

[NowOrNever]

راح ادلو بدلويييييي
اولا:-
دبلوم لايقارن بشهاده بكلوريس
اغلب معاهد الدبلوم همها الاكبر الماده .....
اغلب المدرسين في المستويات الاولى من متحدثي اللغه الانجليزيه كلغه ثاتيه

انا من رأي انك تركز في الجامعه وما تشتت افكارك.....روح المكتبات تلاقي كتب راقيه لتعلم اللغه مااتكلم عن كتب اتقن اللغه الانجليزيه في اسبوعين
ادخل مواقع مفيده احفظ وراجع جميع الكلمات اللي مرت عليك.....حاول تكتب افكارك باللغه الانجليزيه وارسلها لمنتديات اجنبيه راح تلاقي اكثر من شخص يصحح لك اغلاطك مجانا

تحياتي لك

[Ned]

Now or Never ..

أول شي الله يعطيك العافية على دلوك اللي أدليته :)

أنا هدفي إني أتخرج من الجامعة وأنا متقن اللغة .. ما أبغى شهادة بكالوريوس لغة .. وأنا مش متقنها ..

يعني أبغى حصيلة لغوية تليق بمتخصص لغة .. ولا ودي اللغة تكون عائق لي في مجال في حياتي بعد تخرجي ..

ومع الأسف فأنا إنسان إذا ما عندي شي أحضره ولازم أحفظه في وقت معين .. أسوف كثير .. وأتكاسل أحيانا ..

يعني غير منضبط تعليميا إذا ما كان في أوقات محدده ومنهج محدد تفرضه الدراسة <<< عله بعيد عنك :)

[البحر الأحمر]

للأمانة وللتاريخ:: بلدنا بلد شهادات:: يعني اللي معاه بكلوريوس لغة انجليزية انتساب انتظام ما يهم المهم تكون ورقة الشهادة معاك::: لو في احد لغته كويسة ومعاه ثانوي مراح يقدروه ابداً بس العكس معاك شهادة ولغتك الله بالخير راح تجد من يهتم فيك ويقول يا سلام ده خريج لغة انجليزية.. المهم في هذي المرحلة هو الحصول على الشهادة من الجامعة وبد كذا يبدأ التعليم الذاتي اللي مافيه اختبارات ولا هم يعطني تطور لغتك بنفسك عن طريق مشاهدة افلام انجليزية عن طريق حفظ كلمات بشكل يومي عن طريق التدريب على حفظ جمل متكاملة واستخدامها بالمحادثات وغيره.. هذا كل ما لدي

[رمزالتضحية]

اتصل عليهم وبالتوفيق

[ليان]

اسفة لتدخلي في الموضوع ولكن حاجتي الماسة ايضا لدبلوم انجلزي بليز ned
خبرنا ايش حيصير معك في هذا الدبلوم
ايش سمعت عنه هل هو قوي لازم تسئل مجرب؟؟؟؟
هو بجامعتنا؟؟؟
هل في قسم للطالبات ممسموح لاخذ هذا الدبلوم؟؟
وكم سعره؟؟

عذرا اخي عن الاطالة

نصيحة اخيرة استخير قبل الذهاب تلقى الجواب الشافي باذن الله

[taloo44]

بسم الله الرحمن الرحيم
المطلوب منك اخي الاتي
الثقه في النفس وقت التلقي والدراسه . ومن دون اخطاء ماراح تتعلم اي شي وغير كذا تقدر تقوي لغتك بدورات في الاجازات وفيه مواقع على الشبكه تعليميه رائعه ومفيده , لا انا ولا غيري افضل منك . والله سبحانه وتعالى خلق السموات والارض في ستة ايام لحكم الله يعلمها ومنها الصبر . اللغه تحتاج مجهود فردي و ممارسه
والله يوفقك .