افضل معهد لدراسة اللغة الانجلزية بجدة

[ليان]

السلام عليكم


الموضوع باين من عنواانه ايش افضل معهد يدرس اللغة الانجلزية وتخرجي زي البلبل منه


وش رايكم بالمجلس الثقافي البريطاني ؟؟؟؟؟

بليز ابغى الرد بسرعة

[صاحب]

بلبل انسى مااعتقد..
هم يمشون ع مناهج معينه والزبده انتِ بتطلعين ع كلمات معينه وتحفظينهااا..
ولو انكِ تفتحين القاموس وتحاولين تحفظين مثلا 5 كلمات جديده يومياَ لمدة شهر..
افضل من الدراسه بمعهد لانني مجرب هالكلام..

وبالنسبه لافضل المعاهد اعتقد اولاَ نيورايزن ثم دايرك انجليش وانا درست بالافاق ومانصحك فيه..

[برنس جدة]

أفضل وأسرع طريقة لدراسة اللغة الإنجليزية هي الدراسة بالخارج
أنا أتكلم عن تجربة شخصية ::
أنا دخلت 4 دوات انجليزي في مراكز مختلفة
وعن نفسي .... ما استفدت الا الشي القليل
لأنو بصراحة المراكز اللي عندنا أومعضمها تهتم بالمادة (الفلووس) وبيني وبينكم مافي ذمة بالتدريس
والسنة الماضية سافرت استراليا لمدة شهرين ..... ممتازة وعن ألف دورة
والله يوفق الجميع ......,,,,

[mS.rOsY]

نيو هو رايزن سيييييييييييييييييييييييييء


بيرررررلتززززززز معرووووووووووووووووووووف

وانا ناويه اروحو ان شالله

والمجلس الثقافي صحبتو راحتو قبل سنتين تقول حلو


وموفقه

[ليان]

شكرا منجد ماقصرتو واللي فيه خير يقدمه ربي واللي عنده معلومة كمان لايبخل علينا

[روووني]

احسن معهد هو بيرليتز جدا جدا

ونيوهو رايزون سيء جدا

[أعز إنسانه]

بيرليتز

سمعت عن المعهد جلوو 00 وناويه ادخل فيه على شهر 8 ان شااء الله كتقويه ليااا بس ان شااء الله اكوون موجوده بجده بوقتهاا 000

وتانيا00 اذا فكرت اغير قسمي الانقلش 00 حبطل اخذ الدوره لان الانفع انو الواحد يطور من حالو 00 مش من الدرااسه حتدرسي من هنا وحتطلعي من هنا لو مااشتغلتي على حاالك 0 00 خذيها قاعده



تقبلي مروري

[تيمور]

السلام عليكم

شوفي انا حديكي نصيحة لوجه الله سواءاً اخدتي بيها او لا هيا الصح والكلام المزبوط
نيوهورايزن الي هو دايركت انقلش مايسوى نص ريال ولا تفكري تعدي من جمنبه
وإذا سألتي عن احسن المعاهد الي تدي دورات انجليزي على مستوى المملكه
فأنا اقولك المعهد البريطاني الي هو تابع للسفارة البريطانيه (أحسن الأسوء) وحطي خطين تحت الي بين قوسين احسن الموجود داه بالاضافة الى انه غالي .. داه بخصوص الاحسن .

اما في وجه العموم فترى ولا معهد يسر الخاطر ولادورة ممكن تستفيدي منها الفايده الي تتمنيها
والسفر ايش يعني سفر حتسافري كم شهر برضه ماراح تستفيدي لو تبغي تسافري ع الاقل لازم تقعدي برى 6 شهور كحد ادنى .

النصيحة وخلاصة الكلام زي ما قال الاخ الي فوق
خودي القاموس وحددي كل يوم عدد من الكلمات تحفظي نطقها وكتابتها
وراح تدعيلي

وخلي فلوسك على قلبك صدقيني لو تخشي دورة حتخرجي منها وتقولي والله كان معاك حق ياتيمور

[ليان]

مرسي كتير على النصائح فعلا اللغة لن ترسخ الا بالممارسة الله يجزيكم الجنة

[نسووومة]

البرتش كانسل حلو واختي دخلت فيه ومرت اخويا وصلت للمستويات الأخيرة فيه ماشاءالله

واحلى شي انو مافي ولاكلمة عربي طول ماانتي في المعهد

بس صراحة تبي تكتسبي لغة صح انك تروحي لمجتمع مايتكلم الا بيها وحتلاقي نفسك سرتي لبلب

والتاني بريتلز اسمع انه حلو بس مااعرف احد راح فيه ..

وترى انا كمان ابغى زيك ادخل مكان وماني عارفة فين شكلو حدخل البرتش كانسل ..

وبالتوفيق يارب ..