فــهـــمــــونــــي .. الجامعه غلطانه .. ولا انا غلطان ..!!!!!؟؟؟؟ حسبي الله عليهم

[اداري و افتخر]

السلام عليكم و رحمة الله

في البداية بأشرح لكم الموضوع عشان ما نظلم بعض :

انا احد الطلاب المتعثرين في السنة التحضيرية 09

تعثرت في مادتين الانجليزي ..

الفصل الدراسي الاول انتهيت من المستوى الاول

و بداية هذا الفصل اختبرت اختبار للمستوى الثاني ..

و إلى الان العمادة تماطل في التخصص ..

و شكلها بتضيع علينا الترم هذا كمان ...

بس ابغى اعرف من الغلطان في الموضوع :

انا اللي غلطان لاني ما خلصت المادتين من السنة التحضيرية ...؟؟؟

طيب . . على عيني و راسي .. انا غلطان ..

بس اقرأوا المعلومة هذه :
في اي جهة في العالم .. دوام او جامعة ...
لما يتعاقدوا معك .. يوقع الطرفين على وثيقة مكتوب فيها كل الانظمة و الشروط .. بحيث انك اذا اخطأت .. فتكون عندك خلفية مسبقة عن طريقة التصحيح ..
و هذا الشيء مو موجود عندنا في الجامعه ..
و ما اتذكر اني وقعت على "لائحة نظام" مكتوب فيها : ان الطالب اذا رسب في الانجليزي فيأخذها في فصل دراسي لوحدها...!!!
لكن اللي اعرفه إني شفت بعيني عميد القبول والتسجيل يتكلم مع احد الدكاتره حول "قرار ارتجالي" حيصدر قريب ...!!
ثاني شي / ان اي نظام في العالم يعطيك فرصة اذا اخطأت ..
يعني الطالب رسب في مادتين .. فيأخذ الاولى في الترم الاول و الثانية في الترم الثاني << اذا كان فيه نظام مسبق ..
اما اني اخذ المادة الاولى في الترم الاول و الثانية يسوون لي عليها اختبار ....!!!؟؟
و يا عيني على الاختبار كمان ..
يبلغك يوم الخميس انه يوم الاحد الجاي فيه اختبار لك ..
يعني عندك اربعه ايام تذاكر للمستوى الثاني او انك تطنش ...

يا ناس انا ماني قاعد اتبلى او افتري على احد ..
بس هذه اشياء صارت معانا و الى الان و احنا في الدوامة ..
و الله ينجينا منها بس ..

بس اللي ابغى اقوله :
في الترم الثاني من السنة التحضيرية رحت لعمادة القبول و قابلت موظف و كنت اتكلم معه فقال لي بالحرف الواحد:

لا تكون تبغى تسحب ملفك انت كمان .. 60% من السنة التحضيرية سحبوا ملفاتهم ..
<< ولاحظوا انه قال : سحبوا ملفاتهم ..
يعني من الضياع اللي شافوووه ..

موضوعي هذا موجه للعماده:
مو للتخريب .. بس للإصلاح ..

موضوعي هذا موجه لكل طالب سنة تحضيرية:
مو للتحطيم .. بس للتحذير ..

وفي النهاية اقول:
حسبنا الله و نعم الوكيـــــــــل ..


محبكم/
إداري و افتخر

[نواااره]

الله يوفقكم ان شاء الله

وربي جامعه تقهررررررررررر.....

انت انتظرهم وشوف ايش نهايتها معاااااهم

وبالتوفيق لك وللي زيك...

[J O M A N A]

لا حول ولا قوة الا بالله

[وعد الحر]

المفروض تدرس مستوى في الصيف ومستوى في الفصل الاول

[TURKI ALharbi]

لا تعليق
صراحه كلامك كله صح

[اداري و افتخر]

المشاركة الأصلية كتبت بواسطة نواااره الله يوفقكم ان شاء الله وربي جامعه تقهررررررررررر..... انت انتظرهم وشوف ايش نهايتها معاااااهم وبالتوفيق لك وللي زيك...

امين يا رب ..
ما نستغني عن دعواتكم ..

[اداري و افتخر]

المشاركة الأصلية كتبت بواسطة وعد الحر المفروض تدرس مستوى في الصيف ومستوى في الفصل الاول

على عيني و راسي ..
بس انا ابغى اسألك .. متى طلعت هرجة الصيفي ..
قبل بداية الدوام الصيفي بثلاثه اسابيع يمكن اذا مو اسبوعين ..!!
طيب اللي حاجز انه بيسافر و مجهز نفسه قبلها بشهرين ...؟؟
على كل حال : المفروض يتكلمون من بدري ..
و يعطونا خبر انه فيه ترم صيفي ..
ما في شي اسمه : خذني جيتك ....

[وهج المشاعر2009]

انظمة الجامعه كلها غلط في غلط...

لاكن مابيدنا الا نقول (حسبي الله ونعم الوكيل)..

وبالتوفيق

[روان الغامدي]

الله يسهل لك

أنا أختي زي كدا كانت حامله إنقلش , وتحطمت لأنها درستو ترم تاني على بداية السنه دي ودحين بعد مانجحت دخلت قسم مو اللي أدرجتو في الإختيارات!! بحجة إنو كل الأقسام مكتفيه !!

نصيحتي شوف آخرتها لأنو الشهاده الجامعيه مهمه وماتجي بالسّهل

أتمنى بعد كم سنه يلغو السنه التحضيريه -

[اداري و افتخر]

المشاركة الأصلية كتبت بواسطة روان الغامدي الله يسهل لك أنا أختي زي كدا كانت حامله إنقلش , وتحطمت لأنها درستو ترم تاني على بداية السنه دي ودحين بعد مانجحت دخلت قسم مو اللي أدرجتو في الإختيارات!! بحجة إنو كل الأقسام مكتفيه !! نصيحتي شوف آخرتها لأنو الشهاده الجامعيه مهمه وماتجي بالسّهل أتمنى بعد كم سنه يلغو السنه التحضيريه -

ثانكس يا روان ع النصيحه
و ان شاء الله يتعدل النظام او يلغي ...
و الله يصبر اختك و يصبرنا معاها ..