أحتاااااااج مسااااااعدتك ياطالبات جامعتي plz فيدوووني (إدارة عامة)

[vava_voom]

plzzzzzzz ياطالبات الإدارة و الإقتصاد تفيدوني عن
أستاذة / هيفاء محمد حسن محمد يوسف عبدالفتاح
لأن PAD 101 مو نازلة لها شعبة إلا واحدة و معاها
عن أسلوبها في التدريس و الإختبارات - و هل تعطي بونس ولا لأ - و العلامات النهائية اللي من 100 تحت يدها حلوة ولا ؟
و عن الصيفي هل بيسهلوا و يحذفوا في المواد لأنه زي ما تعرفوا إنو الوقت جدا ضيق و ماأظن يكفي فيه تختيم المواد ؟
وتسلموووووووووووولي إن شاء الله
جزاكم الله ألف خير أتمنى ألاقي أكثر من جواااب ممكن يفيدني

[H@nEEn]

بسم الله الرحمن الرحيم

انا عن نفسي كنت ادرس اخلاقيات مع د.زينب السحيمي ولما سارت مديرة الكليه خلوني اخدها مع هيفاء

وكانت محاضرتين بس اخدتها معاها,,

اااامم

هيا تشرح كويس وهادئه في المحاضره بس انتو لا تسوولها جلبه ومرررررررة طيبه

بس في الاختبار اتفاجأنا انو جابت فقرتين من ضمن الشرح ومو موجوده في الملخص الي هيا ادتنا هواا

فيعني خليكي منتبهه في الشرح معاها ولا هيا مررة طيبه ترى


بالتووفيق يا عسوولة

[vava_voom]

أشكرك ياأخت H@nEEn لأنك بجد أعطيتيني معلومات مفيدة
بس إذا ممكن تقولي لي كم أعطتك إنتي و زميلاتك من 100 لأني بصراحة خايفة ينزل معدلي
و أنا مو مشجعني أخد صيفي إلا عشان أرفع حضرة المعدل
آاااسفة جدا عالسؤال المحرج بس إيش أسوي جدا متحيرة و خايفة من دي المادة
و إذا ماحبيتي تردي على السؤال برضو أكون شاااكرة ليكي على تفاعلك معايا
و تسلميلي يا عسل الله يوفقك

[H@nEEn]

لا يا عيني مررررررة عاتي يا قلبوو ولوو

في الأخلاقيات انا اخدت 93

بس ترى يعني قلتلك انا طول التيرم مع زينب

لكن هيفا اخدت معاها محاضرتين بس والاختبار دوري 2


اامم والماده مررررة سهله كلها صدق وامانه ومدري ايه يعني كلام مرة سهل

[loletaaaaa]

هيفا اخدت معاها حاسب
مره يااااااانااااااااااااااااااس
من افضل دكتورات الجامعه انسانه مره خلوقه وممتازه واسئلتها حلوه جدا
مره كوني هائه زي ماقالولك
وحتحترمكم
مره مره نفسي اخد معاها تاني مره اي ماده
لانو انسانه راقيه فالتعامل هاديه حبوبه
تديكي حقك كامل مره

[vava_voom]

بسم الله الرحمن الرحيم
الله يجزااااااااكم ألف خير ياأخواتي H@nEEn & loletaaaa
والله إنكم من جد ريحتوا نفسيتي اللي كانت مضطربة وخايفة
إن شاء الله ربي يوفقكم و يسهل أموووركم كلها
بس عارفين الأخت زينة جدا عارضتكم و كان هادا ردها :

"سمعت انها شديدة ، و طالما كدا انسي موضوع بونس و كلام من دا ، و على ما أعتقد انو أسئلتها مو سهلة ، أتأكد لك و ارجع أرد لك ان شاءالله ، بس نصيحتي خدي شي تاني و خلي المادة دي الترم الجاي مع أ.عنود السبعان ، أنا أخدت معاها و ارتحت عندها الحمدلله ،،، " " أسئلتها مقالية ، ما تحذف شي ، تجيب شي من الأسئلة خارج الكتاب ، أسئلتها صعبة ، شرح مو قد كدا ,,, يعني مافي ولا ميزة :) "

و أنا أحترمت ردودكم كلها لكن حأستخير و أخذ برأي الأغلبية
و عموما الله يختار اللي في الخير للجميع
و مشكورين تسلمولي

[H@nEEn]

ااامم احنا يا عيني فافا جربنا هيفاء

لكن البنوتة التانيه سمعت بس\\




يارب يخترلك الي فيه الخير

[loletaaaaa]

يب يب انا جربتها
اقولك وربي احسن انسانه درست معاها فحياتي الجامعيه يويلي ايش زوق ايش هدوء
تحسيها تستاهل كلمه دكتوره
اهم شي انتي استخيري وسوي الي يريحك:)

[vava_voom]

قال تعالى :
" و إذا عزمت فتوكل على الله "

مشكووووووورين أخواتي H@nEEn & loletaaaa
والله أنا عارفة تعبتكم معايا بس خلاص راح أخد بكلامكم و أتوكل على الله و هو ولي التوفيق
الله يعطيكم العافية و إن شاء الله أقدر أفيدكم فيوم من الأيام

والله يعين الجميع على الصيفي