بلوك من أقرب الناس اليك

[مشاعر]

بسم الله الرحمن الرحيم

سؤال للنقاش: ماهو شعورك عندما تكتشف أن اقرب شخص ترتاح للكلام

معه عبر ألانترنت عمل لك حظر (((بلوك)))؟؟؟؟

تربطنا علاقات أخوة , صداقة , تعارف مع أناس نتعرف بهم عبر شبكة ألانترنت

وتصل احيانا درجة علاقتنا بهم الى حد أكبر من علاقتنا بأهلنا.....

نقضي معهم ساعات وساعات دون ملل , نشكو اليهم همنا ونشاركهم فرحنا

نستمع اليهم, نقراء حروف كلماتهم , ونحتفظ بها في عقولنا ونتذكروها أحيانا

ونبتسم ونقول: " سبحان ألله, رب أخ لم تلدة أمك"

ولكن وحين تصل علاقتنا بأحد ألاشخاص لهذة الدرجة القوية

ونكتشف فجاة أن من نعتبره أخأ و صديقأ وقريبأ مقربأ يعمل لك حظر

ماذا تعمل؟؟؟؟

• هل تقول له الوادع؟؟

• هلهل تعذره وتقول لنفسك يمكن لديه مبرر مقنع؟؟

• هل تعاتبه وتستفسر منه أم تتركه دون كلمه عتاب؟؟

• هل تبحث عن شخص أخر أفضل منه؟؟؟

• هل تلوم نفسك لثقتك به؟؟

اسئلة كثيرة تبادرت ألى ذهني, لاني لاحظت هذة المسالة.

اذا لا اريد التحدث مع شخص ما أذن اعمل له حظر!!!!!

لماذا لانكون صادقين ونقول لاصدقاءنا , لا استطيع التحدث اليك ألان او أني مشغول

اوحتى لا اريد التحدث اليك؟؟

لماذا نخاف قول الحقيقة؟؟؟ لماذا نختبئ مثل النعام؟؟

[نسووومة]

• هل تعاتبه وتستفسر منه أم تتركه دون كلمه عتاب؟؟

استفسر منه الأول بعدين اعاتبه ..

اذا لا اريد التحدث مع شخص ما أذن اعمل له حظر!!!!! لماذا لانكون صادقين ونقول لاصدقاءنا , لا استطيع التحدث اليك ألان او أني مشغول اوحتى لا اريد التحدث اليك؟؟ لماذا نخاف قول الحقيقة؟؟؟ لماذا نختبئ مثل النعام؟؟

انا اقولك ليش ..؟ رغم أنني صريحة جداااا بس ما أقدر أجرح أحد !!

نفسياً كده ماأرتاح ... معليش لو هذا الشي يضايقني أنا أقدر أتصرف أي تصرف آخر بس مستحيل أجرح اللي قدامي ..

وفعلا هذا شي يجرح للناس اللي يحسو .. أما فيه وحدة أفتكر كنت اقولها يابنتي خلاص أنا لازم اقوم مرة حموت من النعس .. وهذه تقول لا لا لا تنامي أنا طفشانة الله يخليكي كلميني .. كلمتها شويه قلت حرام ... خلاص سرت ماني قادرة قلتلها عن ازنك من جد خلاص سطلت وقفلت لازم اقوم ,. وهذه لاااااااااااااا لاااااا لاتقومي الله يخليكي والله حبكي ووو

صراحة أنا اتضايقت ومن بعدها عملت لها بلوك :s

مكرها أخاك لابطل

يعني مو لدي الدرجة ... فيه ناس صراحة يا إما ماعندهم احساس .. يا اما ماعندهم زوق ...

فهدول الناس ما بيدك الا انك تعملي لهم بلوك ... وأنا عن نفسي اذا كنت مشغولة أقول لحظة او شوية واكلمك او بقوم أعتذر يعني ... ماعندي مشكلة في الاعتذار ولا اني اعمل لأحد بلوك عشان مشغولة وماابغى اكلمه ... بس اللي طريقته بالكلام زي ما البنت اللي قلتلكم عليها .. هادا شي لا يحتمل .. فأريح راسي من البداية وأحلى بلوك :)


شكرا لك ياقمر عالموضوع وآسفة عالاطاله

[الحنونة 1]

انا الحمد لله ماقد صارلي هالشي بس حاسة باللي قاعدة تقوليه ...
شي صعب ولا يمكن وصفه وخصوصا مثل ماقلتي لو اعتبرناهم صديقاتنا ومثل اخواتنا ...

لو كنت في مثل هالحالة أكيد حأتساءل بيني وبين نفسي يمكن صار شي مني زعلها يمكن حقعد فترة مو مستوعبة بس لازم ع الاقل ارسلها رسالة ان ماكانت عتاب ع الاقل أسف وتسامحني ان غلطت لانه لو ماقدر اشوفها يمكن تموت او انا اموت لا قدر الله ..فربي حيحاسبني انا ايش سويت وليش ماعتذرت ...

• هل تقول له الوادع؟؟ • هل تعذره وتقول لنفسك يمكن لديه مبرر مقنع؟؟ • هل تعاتبه وتستفسر منه أم تتركه دون كلمه عتاب؟؟ • هل تبحث عن شخص أخر أفضل منه؟؟؟ • هل تلوم نفسك لثقتك به؟؟

ان كانت صديقة قريبة مني يعني اتعرفت عليها من كلية او مدرسة او جيرة ..الوم نفسي ..بس ايش اقول هذي هي الحياة مو كل من ضحكلك يكن لك شعور صافي ..!

لكن ان كنت تعرفت عليها من منتدى او كانت صحبة صحبتي المهم ماقد شفتها الوم نفسي لكن في نفس الوقت احمد ربي انها مو عارفة عني غير اسمي الاول وايش تخصصي ... وفي نفس الوقت ماراح انسى اللحظات الحلوة الي جمعتنا ..

ابحث عن شخص غيرها ! صعب في هالدنيا تلاقي احد وفي ابدا ومو بسرعة انا اثق في احد ..الحياة علمتني الكثير...
وبسبب تجاربي مع كثير صحبات من كافة الشرائح ...لازم اعملهم اختبارات من غير مايحسوا عشان اعرف فين احط الثقة ..

متى اعمل بلوك ..؟

اذا شفت انه الي قدامي ماصار مستأمن ..تعدت الحدود بشكل خاطئ وبلا اي ادب ..بس برضو مو بطريقة تجرحها احاول اتدرج معاها في الموضوع ..الى مااخبرها الي في نفسي واعتذرلها عن قراري الي خلاص من جد لازم اتخذه وبس..

آسفة ع الاطالة .. بس الموضوع يستحق الرد :)

[][_ غــــــيــــــر _ ][]

لا يروح بالك لبعيد

البرامج اللي تدعي كشف الحظر والبلوك ماهي ثقة دائماً

اضافة الى انه ممكن يكون مسوي الحظر بدون قصد يعني شخص اخر سوا الحظر

او بنفسه ولكن بالغلط او تكون نفسيته مو رايقه للسواليف يكون المود مضروب

او يكون مايبغى شخص اخر بجانبه يطلع على محادثته معاك اشياء كثيرة واسباب اكثر


... الزبدة التمس لاخيك العذر فلعل له عذرُ وأنت تلوم ...

[مشاعر]

المشاركة الأصلية كتبت بواسطة نسووومة وفعلا هذا شي يجرح للناس اللي يحسو ..

والله من جد يجرح بس وأنا ما أحب أعملو لأحد

واللع يعينك على الالناس الغريبين دول


مشاعر

[مشاعر]

المشاركة الأصلية كتبت بواسطة الحنونة 1 وبسبب تجاربي مع كثير صحبات من كافة الشرائح ...لازم اعملهم اختبارات من غير مايحسوا عشان اعرف فين احط الثقة .. :)

الله لا يوقعني تحت يدك

تحياتي يا قلبي

مشاعر

[مشاعر]

المشاركة الأصلية كتبت بواسطة ][_ غــــــيــــــر _ ][ لا يروح بالك لبعيد البرامج اللي تدعي كشف الحظر والبلوك ماهي ثقة دائماً اضافة الى انه ممكن يكون مسوي الحظر بدون قصد يعني شخص اخر سوا الحظر او بنفسه ولكن بالغلط او تكون نفسيته مو رايقه للسواليف يكون المود مضروب او يكون مايبغى شخص اخر بجانبه يطلع على محادثته معاك اشياء كثيرة واسباب اكثر ... الزبدة التمس لاخيك العذر فلعل له عذرُ وأنت تلوم ...

شكرا أخوي على الرد بس أنا بأتكلم عن الحالة الي يكون صاحبك عامل لك بلوك بقصد وانت اكتشفته ايش حتكون ردت فعلك ؟؟؟؟

تحياتي


مشاعر

[الحب الملكي]

هذي الساعه
يصير صدق الي قال
من باعك بيعه لو كان غالي
ومن عافنا عفناه

طبعا التطبيق صعب
بس على الاقل المعامله ب المثل

انا عن نفسي ما اقدر اطبق القاعدتين السابقتين

والله شي يحرق الدم - - - بس الصراحه حلوه
والعتاب دواء للقلوب -- -- وحاول تلمس العذر


كلام كتير -- وصعب التفسير -- وقرارك بسرعه خطير

والله شاعر

ههههه

اخوكم
الحب الملكي

[مشاعر]

أهلين بيك يالحب الملكي
وشكرا على مرورك


مشاعر

[ورقة ... !]

والله بالنسبة لي ما صرت آبلـك اي احد ( آبلك . فعل من بلوك )

لآنــه اعرف قد ايش الواحد بيصعب عليه

اقرب مثال .. أولاد عمي الصغار ..

غلطة عمري يوم علمتهم على الانترنت وشافوا الماسنجر .

صار اللي عمره خمس سنين بيعمل له خمسة ستة ايميلات ويتكلم بيها على الماسنجر .. من باب الفضاوة

نقولهم يا عالم مشغولين . يا بني ادم انقلع من قدامي . يا ابني والله حتنضرب . مافي فائدة

أقلـها . اعمل االحالة مشغول . واخليه يكلم نفسه . او اذا كنت مني رايق . حذفت ابو ايميله من عندي مرة وحدة

--

طبعاً لمن احد بيعمل لي البلوك . والله باحس كآنه واحد طعني من ورى ظهري

باسآل نفسي انا اش سويت له قبل ما يعمل البلوك . ومن دا الكلام

مرات باشوف اني زودتها . ومرات باشوف انه مافي حاجة غلط اللهم اني ما دخلت مزاجه


لكن برضو انا ما باحب اني ازعل على احد عشان بلوك ماسنجر . وباقابله كل يوم بوجهي !


تحيـة ورقيـة ... :)