ثلاث سنين وأنا أخطط [[ قوييييييييه ]]

[أمير القلوب]

تاليف القانون العتيبي
راقت لي كثيرا
والمعذرة كلماتها قويه وتبكي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
ثلاث سنين انا اخطط لهذا اليوم يـا بـو سعـود
تيسّـر حالـي و جاهـز اوفّـي وعـدي بوقتـه



و فجأه جتني تتعـذر .. تقـول تأخَـرَت لوعـود
و انا مستغرب و اسمع كأنـي وعدهـا خنتـه !!



حسبت انها تمازحني و تتصنـع جفـا و صـدود
ضحكت بوجهها من قلب.. مع انْها بايخه النكتـه



و قالت ارضى بالواقع .. قلبـي ماهـو المعهـود
تغير كل شي صوبك .. نصيبي ما اظـن انتـه !!



كنت ف يوم محبوبـي و لكـن مـا اظـن نعـود
وصل من قبل ما توصل .. و انا ذاك الصبر عفته



و لكن تكفى صدقنـي و يشهـد ربـي المعبـود
ترى ما خنتـك بغفلـه .. ولا كلمتـه و شفتـه



صراحه اهلي قالوا لي بأنه ولـد اصـل و جـود
و جتني امه بالصوره .. و بكلمات المـدح اختـه



سكت و قلت هي فرصه مدام الجود في الموجـود
و قالوا كل من حولـي علامـات الرضـا سكتـه



و انا فكرت دام امـه و اختـه مـا عليهـم زود
اكيـد انـي براضيهـم اذا وافقـت و اختـرتـه




و اراضي اهلي و اخواني مدام ان الفرح مقصود
عطيت الناس انا كلمـه ومعاهـم وقتـي حددتـه



و لا اقدر اغيرها .. ترى عنـد العـرب منقـود
اوافق و اعتذر باجر و اقـول الـراي غيرتـه !



تبي تشرح لي المنقود .. تصدق عاد يا بو سعود؟
تبيني اقتنع و ارضى بحال ٍ عمـري مـا عشتـه



انا ماني بقايلها .. عسـى يفـرش ثراهـا ورود
بعد ما حطمـت قلبـي و طعـم المـوت جربتـه



عسى بفستانها اشواك .. و في ثوبه عقارب سود
و نار ٍ تحرق الكوشـه و تحـرق بيتهـم حتـى



و موت بليلـة الدخلـه يبـرد حرتـي يـا كـود
ولا احس انهـا بحضنـه يلامـس خـد لامستـه



علي اهون اذا ماتوا ولا بنفـس السريـر رقـود
ترى صعـب ٍ علـي اتخيـل اللـي مـا تخيلتـه



عسى قاع الثرى يقسى و يتحول صخـر جلمـود
و حفار القبـر يرفـض يسـوي فـوق مقدرتـه



ترى دفنة عديم الذات تلـوع حتـى كبـد الـدود
و من خان العهود و مات تعافـه حتـى مقبرتـه



عسى ربي يجازيهم بحبـل ٍ مـن مسـد ممـدود
يعلقهـم مـن اطرافـه و فوقـه نـار ٍ و تحتـه




انا ماني حقود و شين ولاني مـن نسـل نمـرود
ومن حط نفسه بوضعي بيقـول اللـي انـا قلتـه



مدام الفعل لـه ردة فعـل والله ابشـري بـردود
بدعـي دامنـي حـي ٍ و بغـرس للدعـا نبتـه



و بسقيها نزيف القلب و دمع ٍ ما رحـم لخـدود
و تكبر و الثمر ثاري من اللي خاننـي و صنتـه



انا نذرٍ علي اكتـب و افجـر هالقصيـد رعـود
و اسمّع كل بشـر صوتـي عجبتـه ولا زعلتـه



و اردد للي يسمعني .. اذا حبيت ( حط حـدود )
انا حبيت دون حـدود و شـوف اللـي تكبدتـه



ثلاث سنين انا ابني و جت ( صوره ) بكل بـرود
خذت مني شقى عمري و حلم ٍ ( قلت ) حققته !!!



ثلاث سنين انا اخطط لهذا اليوم يـا بـو سعـود

اتمنى انها تعجبكم بس عاد
تحملوني قويه مره
أميـــر ,’

[ابو رابح]

على كثر ما اسمع القصيده هاذي الا اني ما امل منها

الله يعطيك العافيه على النقل الرائع

[feeling angle]

حلوة ,,,
تسلم

[ستأتي أيامي]

رااااااااااااااااااائعة جدا
أناس يبحثون عن الحب بشق الأنفس ..
يريدون السعاده ..
يريدون العفاف ..
وآخرون يبحثون عن الروتين..
المقرف ..
الممل ..
غريب أمرهم والله ..
عوض الله كاتبها خيرا >> >>>>لي تحفظ لدعواته القوية
وأسعد الله ناقلها في كل حين ..

[دنيا الولهـ]

و بسقيها نزيف القلب و دمع ٍ ما رحـم لخـدود
و تكبر و الثمر ثاري من اللي خاننـي و صنتـه



انا نذرٍ علي اكتـب و افجـر هالقصيـد رعـود
و اسمّع كل بشـر صوتـي عجبتـه ولا زعلتـه



يعطيك العافيه امير


كلمات قويه فعلآ


يسلمــــــو

دمت و دام ابداعك

تقبلي مروري

دندون *_^

[أمير القلوب]

المشاركة الأصلية كتبت بواسطة ابو رابح على كثر ما اسمع القصيده هاذي الا اني ما امل منها الله يعطيك العافيه على النقل الرائع

هلابكـ ابو رابــح ..
أسعدني تواجدكـ ..
قصيده في منتهى الروعة .. تحس أنها طالعة من قلب ..

لاعدمنا تواجدكـ أخوي بيننا ,,,

[أمير القلوب]

المشاركة الأصلية كتبت بواسطة feeling angle حلوة ,,, تسلم

مروركـ الأحـــلى ..
ربي يسلمكـ من كل شر ,,

دمت بكل السعاااااااادهـ ,’

[أمير القلوب]

المشاركة الأصلية كتبت بواسطة ستأتي أيامي رااااااااااااااااااائعة جدا أناس يبحثون عن الحب بشق الأنفس .. يريدون السعاده .. يريدون العفاف .. وآخرون يبحثون عن الروتين.. المقرف .. الممل .. غريب أمرهم والله .. عوض الله كاتبها خيرا >> >>>>لي تحفظ لدعواته القوية وأسعد الله ناقلها في كل حين ..

أهلا بمن جاء إلينا .. منورهـ خيتو ..
الله يسعدكـ .. ويسعد كل من يعز عليكـ ..
لاتلومينـه على الدعوات .. والله أحسها طالعة من قلب .. مسكين أمرهـ .. عوضه الله خيرا ..

دمت بكل السعااااااااااادهـ ,’

[أمير القلوب]

المشاركة الأصلية كتبت بواسطة دنيا الولهـ و بسقيها نزيف القلب و دمع ٍ ما رحـم لخـدود و تكبر و الثمر ثاري من اللي خاننـي و صنتـه انا نذرٍ علي اكتـب و افجـر هالقصيـد رعـود و اسمّع كل بشـر صوتـي عجبتـه ولا زعلتـه يعطيك العافيه امير كلمات قويه فعلآ يسلمــــــو دمت و دام ابداعك تقبلي مروري دندون *_^

أهلا بكـ خيتو دندووووووونهـ
منورهـ متصفحي بتواجدكـ العطر

لاتحرمينا إطلالتكـ ..
دمت بكل السعاااااااااااااااااااااادهـ ,’
أميــــر ^_*

[شرووق]

حلوه الابيات ...
لكن الدعاوي قويه مره ...
علينا الرضى بالنصيب والمقسوم ...