هنا اجابة سؤالكم عن المسار المقبول بالتصميم الداخلي..؟؟

[عزة نفسي_تكفيني]

السلام عليكم ورحمة الله وبركاته

أخباركم جميعا وكيف اختباراتكم ^_^

العضوات اللي بيسألوا عن قسم التصميم الداخلي بكلية التصاميم والفنون وحابين يعرفوا اذا القسم للعلمي او الإداري...

فأنا اليوم رحت لوكيلة الكليه وماشاءالله ماقصرت وجاوبتني على استفساراتي وكان اسلوبها رائع << ماشاءالله ياريت كل الدكتورات مثلها :)

المهم سألتهااا عن قسم التصميم الداخلي متاح لأي مسار

قالت انه متااح للعلمي فقط

وبعد سألتها اذا في اختبار للقبول او لا

قالت للآن ماا قرروا لكن الأغلب حيكون في اختبار

وكمان حبيت أتأكد بالنسبه لقسم التغذية الصحيه اذا خلااااص مثل ماابلغتوونا انه متاح لدفعة 10

قالت اللي وصلنا بداية السنه انه حتكون الخطه جااهزهـ لدفعة 10 واحناا بلغناكم بهالنقطه
لكن غير كذا مااعندنا اي معلومات للآن ما وصلنا أي شي بخصوص التطورات لكن موقع الجامعه مكتوب من ضمن الكليات كلية العلوم الطبيه التطبيقيه للبنات بالرحاب فتتوقع انها مانزلت في الموقع الا انها اعتمدت وأكثر من كذا ماأقدر افيدكم الا اذا وصلنا شي من الجامعه

وبس هذا اللي داار بيننا وبااقي استفساراتي كانت خاصه بدفعتنااا

اتمنى اكوون قدرت افييدكم

بالتوفيق

[بكـآء آلـرٍـوٍح ..!]

وعليكم السلام ورحمة الله وبركاته

الحمدلله بخير .. وانتي ؟

الله يعطيك العافيه ماقصرتي .. مره شكرا

بس ماقلتي لها أنو يكون في مجال للأدبي عشان يدخلو التصميم .. ودي افهم سببهم فيه يعني لا كيماء ولا فيزياء حتى يمنعونا

في الجامعة كانو يقبلو المسارين الادبي والعلمي بس هذي السنتين تقريبا الي منعوا المسار الادبي من دخلوه

يعني فيه امل يرجعون وبذات انه راح يفتحوه جديد في الرحاب .. واذا ما كان بيدها شي نروح لمين نكلمه انا مستعده اروح بس مين ؟

لأني هلكت يوم اروح الجامعة وما القى رئيسة القسم الا تجي متأخر واضطر امشي ما استناهآ

موفقه عزوزة ولا خلى منك يارب وجعله في ميزان حسناتك والتوفيق دربك يارب *_^

[RMK]

السلام عليكم ورحمة الله وبركاته ..

شكرا اختي على مجهودك والله تعبناكي معانا .. بس تلاقيه عند ربك إن شاء الله ..

بس عندي سؤال يقرقع بمخي .. اذا فيه اختبار احنا بات جامعة الملك عبد العزيز .. كيف ندخله .. وكيف يوصلنا علم بمتى موعده ... ..؟؟؟؟


لانو في جامعة الملك عبد العزيز خلاص بدا التسجيل تقريبا ً للاختبار


وجزاك ِ الله الف خير .. على مساعدتك لنا

[عزة نفسي_تكفيني]

المشاركة الأصلية كتبت بواسطة بكـآء آلـرٍـوٍح ..! وعليكم السلام ورحمة الله وبركاته الحمدلله بخير .. وانتي ؟ الله يعطيك العافيه ماقصرتي .. مره شكرا بس ماقلتي لها أنو يكون في مجال للأدبي عشان يدخلو التصميم .. ودي افهم سببهم فيه يعني لا كيماء ولا فيزياء حتى يمنعونا في الجامعة كانو يقبلو المسارين الادبي والعلمي بس هذي السنتين تقريبا الي منعوا المسار الادبي من دخلوه يعني فيه امل يرجعون وبذات انه راح يفتحوه جديد في الرحاب .. واذا ما كان بيدها شي نروح لمين نكلمه انا مستعده اروح بس مين ؟ لأني هلكت يوم اروح الجامعة وما القى رئيسة القسم الا تجي متأخر واضطر امشي ما استناهآ موفقه عزوزة ولا خلى منك يارب وجعله في ميزان حسناتك والتوفيق دربك يارب *_^

بخير الله يسلمكـ

والله هي قالت متاح للعلمي فقط يعني من جوابها مافي مجال

وهي مو مسؤوله عن هالشي يعني ماراح تقدر تفيدكم

واتوقع انه دراستهم متعلقه بالهندسه فعشان كذا مخصص للعلمي

موفقه ياارب تسلمين على الدعوهـ الحلوهـ امين للجميع ياارب ^_^

[عزة نفسي_تكفيني]

المشاركة الأصلية كتبت بواسطة rmk السلام عليكم ورحمة الله وبركاته .. شكرا اختي على مجهودك والله تعبناكي معانا .. بس تلاقيه عند ربك إن شاء الله .. بس عندي سؤال يقرقع بمخي .. اذا فيه اختبار احنا بات جامعة الملك عبد العزيز .. كيف ندخله .. وكيف يوصلنا علم بمتى موعده ... ..؟؟؟؟ لانو في جامعة الملك عبد العزيز خلاص بدا التسجيل تقريبا ً للاختبار وجزاك ِ الله الف خير .. على مساعدتك لنا

وعليكم السلام ورحمة الله وبركاته


هي قالت لو قرروا اختبار حيعلنوا عنه فإن شاءالله لو في حينزلوا الإعلان بموقع الكليه

وانتي ادخلي الاختبار اللي في السليمانيه يمكن لكـ نصيب فيه هناكـ

لا تضيعي عليكـِ أي فرصه جربي هنا وهنا ^_^

وموفقه يااارب

[Mis$ lolo]

تسلمي عزوووزه ماتقصري كالعاااااده

الله يعطيك العافيه

بس حبيت استفسر عن قسم التغذيه الصحيه تتوفعي في امل نكون معاهم ولا لا,,,....؟؟؟؟

لانو قبل كم يوم شفنا ايمان اسماعيل وقالت لنا انو راح عليكم وانو بس ل 10

وانا مو مستوعبه الموضوع

وبنفس الوقت متوقعه اي شي

ومتهيئيه لاتخافين علي

بس مافي اي خبر عن هذا الموضوع ....

[عيال حارتنا]

لالالا مو مصدقه عندنا تصميم داخلي !!!

خيتو بسألك هو قسم جديد بيفتحونه والا مفتوح من اول ؟؟
وفي امكانية احول من كلية العلوم اللى بالفيصليه ؟
واخر سؤال بأي كليه موجود هالتخصص ؟؟ اللى بالرحاب والا السلامه > دايم اسمع البنات يقولون هالاحياء

الله يسسسعدك ويوفقك على مثل هالخبر
وربي وربي ماتدرين قد ايش فرحت يوم قريته

:)

[عزة نفسي_تكفيني]

المشاركة الأصلية كتبت بواسطة mis$ lolo تسلمي عزوووزه ماتقصري كالعاااااده الله يعطيك العافيه بس حبيت استفسر عن قسم التغذيه الصحيه تتوفعي في امل نكون معاهم ولا لا,,,....؟؟؟؟ لانو قبل كم يوم شفنا ايمان اسماعيل وقالت لنا انو راح عليكم وانو بس ل 10 وانا مو مستوعبه الموضوع وبنفس الوقت متوقعه اي شي ومتهيئيه لاتخافين علي بس مافي اي خبر عن هذا الموضوع ....

والله يالغلااا ماعندي اي معلومات كنت اتمنى أفيدكـ سامحيني ^_^

اصلا حتى الكليه ماعندهم كلام مفيد

اتوقعي اي شي من الجامعه

وكلي امركـ لله

موفقه

[عزة نفسي_تكفيني]

المشاركة الأصلية كتبت بواسطة عيال حارتنا لالالا مو مصدقه عندنا تصميم داخلي !!! خيتو بسألك هو قسم جديد بيفتحونه والا مفتوح من اول ؟؟ وفي امكانية احول من كلية العلوم اللى بالفيصليه ؟ واخر سؤال بأي كليه موجود هالتخصص ؟؟ اللى بالرحاب والا السلامه > دايم اسمع البنات يقولون هالاحياء الله يسسسعدك ويوفقك على مثل هالخبر وربي وربي ماتدرين قد ايش فرحت يوم قريته :)

يالغلا التصميم الداخلي موجود بالسليمانيه من اول

لكن السنه الجاايه حيفتح بكلية التصاميم والفنون بالرحاب يعني هو قسم جديد بالرحاب

بالنسبه للتحويل ماأعرف كيف نظامهم واذا يقبلوا تحويل او لا استفسري بالكليه أفضل

بالتوفيق

[عزة نفسي_تكفيني]

اعتذر على التأخير في الإجابه

لي فتره ماأدخل مشغوله كثيير