خطأ اثناء التسجيل محتاجه مساعدتكم

[اخت تميم]

السلام عليكم ورحمة الله وبركاته


ارتكبت خطا أثناء تسجيلي بالجامعة وهو اني كتبت نسبة القدرات مكان نسبة التحصيلي والتحصيلي مكان القدرات

لكن الفرق بالنسبتين بسيط جدا يعني في القدرات 74.7 والتحصيلي 74.6

هل هذا يأثر على التسجيل

وانقبلت في نتائج الفرز واعطوني موعد

بس المشكله اني ماني في جده يعني لازم اسافر عشان اقدم

وذا كان هذا الخطأ يأثر مالازم اروح ويردوني واتعب نفسي

وعندي استفسار ثاني

الشهادة الأصليه ياخذونها ولا ايش لأني سجلت في مكان ثاني وطالبينها كمان

الله يخليكم جابوني ماني عارفه ايش اسوي

في انتظاركم

[*قطــ ع ـة ســ ك ـــر*]

قلبي لازم شهادتك الاصليه وما تفرق الي بعد الفاصله لانو اصلا مو شي انا لمن كتبتها في
الطلب حقي قلي تاكدي من النتيجه يعني يبغاها من غير فاصله بعد ما عملت تاكيد طالب قبلها يعني ما تفرق
فين قبلوكي ومتى؟

[الطموحه]

حبيبتي أطبعي أختبارك حق القياس من الموقع
ولما تروحي أشرحيلهم المشكله وأنشاء الله يفهمو
لأنه مافيه فرق كبير بنسبتك
ماعليكي أنت روحي ومشكلتك بسيطه أنشاء الله
.
.
موفقه

[يلدرم]

طبعا لازم الحضور وتجيبي شهادتك وراح يأخدوها منك

مااظن في مشكله ان شاء الله في لخبطتك

[اخت تميم]

مشكورين جميعا على الرد
ريحتوني الله يريح بالكم بس فيه مشكله ثانيه اني قدمت على جامعة ثانيه بس مو اكيد انها تقبلني بس هي في مدينتي
وطالبين الشهاده الأصليه كمان
وش العمل
والحمد لله قبلوني في السنه التحضيريه المسار العلمي

[الطموحه]

لازم تقرري أيش تبغي من الجامعتين لأنه الكل طالب الشهاده الأصليه

شوفي الأحسن وقرري وموفقه حبيبتي

[طموحي طب]

اول شيء انا كتبتها بدون فاصلات يعني ماتفرق واذا كان الجامعه في مدينتي قويه خليك فيها ممكن اعرف ايش هي الجامعه

واذا كانت متساويه استخيري الله لين ماترتاحي

[اخت تميم]

الجامعة الثانية جامعة طيبة التسجيل فيها معقد وفيها مقابله شخصيه وانا لسه منقبلت فيها وماادري اذا بانقبل فيها والا لا وموعدهم للقبول الفوري يوم25 وموعدي في هذي الجامعة قبله اخاف تروح علي الجامعتين خصوصا ان اهلي مو مقتنعين ابدا اخرج برا المدينه وادرس بس ابحاول اقنعهم اذا مالقيت خيار ثاني

وانا محتاره يمكن اقعد ومااروح جده وما انقبل في المدينه كمان

ومدري ايش الاحسن شوروا علي


الطموحه _ طموحي طب

مشكورين على المرور

[الطموحه]

شوفي يا قلبي

قوليلهم أنه قبولك في جده خلاص مؤكد وخصوصاً أنهم أعطوكي موعد
لكن في الجامعه الثانيه مو أكيد
ولو ضيعيتي عليكي هذي الفرصه ممكن ماتنقبلي في المدينه ويصير لا هنا ولا هناك
الفرصه المؤكده أولى من اللي ما تدري عنها صح ولا لأ ؟؟؟

حاولي وشوفي

[طموحي طب]

انصحك تجي هنا لان خلاص قبلوكي متأكده جامعة طيبه مقابله شخصيه