ندآء لبنات السكن الجامعي < إستفسار

[Dr.Shaikhah]

السلآم عليكم ورحمة الله وبركآته


نظراً لأني سألت بالموضوع تبع التقرير عن السكن الجامعي وماحد رد علي , قلت افتح موضوع مستقل يمكن أحد يرد ....



أمممممم ’ سؤالي هو :

بنات السكن اللي من الشرقيه ’ لما يبو يجو للشرقيه بالإجازات مثلا ... مين يتكفل يوديهم للمطار ؟

أو لآزم كلللللللل مره يجي ولي الأمر ينزلهم ! أو الجامعه تتكفل بتوصيلهم مثل ماتوصلهم للجامعه


أتمنى الرد بأسرع وقت ممكن ...

[بيو كيميائية ^_^]

اللي أعرفهم في السكن الجامعي

إذا يعرفون أحد من قرايبهم أو معارفهم هنا في جدة يوكلونهم وهم يطلعونهم

أو يوكلون صديقاتهم اللي في السكن الخارجي

والبعض أهاليهم يجون

[Dr.Shaikhah]

طيب وإذآ مآعندي معآرف بجده

مش معقولة كل إجازة يجي ولي أمري من الشرقية بس عشان يطلعني ويرجع !

يعني كيف اروح للمطار !

وبنات السكن الخارجي أتوقع السيارة اللي توصلهم تبع سكنهم .. يعني ماتوقع انهم يقدرو يمروني !

يآربييييييييييه

[بيو كيميائية ^_^]

أنا من الشرقية وساكنه بسكن خارجي والمواصلات متوفرة لنا

يودونا الجامعة ويودونا المطار والمكاتب والسوق

ومانمر عليكمـ إحنا

البنت تروح تطلعها ويروحوا على طول المطار أو يجون عندنا السكن وتركب معنا الباص وتروح المطار

وأنتِ ليه كل أسبوع تنزلين تراها صعبه جدًا ومتعبة جدًا

أنتِ ناويه تسجلين في جدة صح

إذا تقدرين تسكني في سكن خارجي أسكني عشانك تبين تنزلين كل أسبوع

[Dr.Shaikhah]

طيب انا وحده من معارفي بالسكن الخارجي

اذا ابي اوكلها .. كيف؟ .. شنو الإجراءات ؟ .. ممكن تسألين لي البنات اللي تعرفينهم ؟

يعني لازم تجي للسكن توقع أو شي كذا ؟


طيييييييييييب .. شنو اسم السكن تبعكم .. وكم رسوم الإشتراك للسمستر الواحد ؟


وإذا تعرفين سواقين موثوقين ومضمونين يوصلون للمطار أكون شاكره لك ..< عشان بعد ما اطلع من السكن مع البنت يوصلني السواق ..

[إلهام]

8888888888888888888
يب يب ,,نفس السؤال بيو
الله يسعدك أفيدينا بخصوص السكن الخآرجـــي
يعني كم الرسوم للسمستر الوآحد ,,قريب من الجــآمعة ولالا ..

Elham

[بيو كيميائية ^_^]

المشاركة الأصلية كتبت بواسطة dr.shaikah طيب انا وحده من معارفي بالسكن الخارجي اذا ابي اوكلها .. كيف؟ .. شنو الإجراءات ؟ .. ممكن تسألين لي البنات اللي تعرفينهم ؟ يعني لازم تجي للسكن توقع أو شي كذا ؟ طيييييييييييب .. شنو اسم السكن تبعكم .. وكم رسوم الإشتراك للسمستر الواحد ؟ وإذا تعرفين سواقين موثوقين ومضمونين يوصلون للمطار أكون شاكره لك ..< عشان بعد ما اطلع من السكن مع البنت يوصلني السواق ..

راح أسأل وأتأكد أفضل لأني مو مذكرة عدل شنو الإجرات بس فيه توقيعات

ولازمـ إذا جات تطلعك تروح السكن لك وتراويهم بطاقتها والورقة

اسم سكنا الأميرة والهزيمـ

إذا غرفة بروحك مع المواصلات وكل شيء 7500

وفيه شبكة إنترنت على فكرة

أما معك أحد في الغرفة أقل بس مايفرق السعر على حسب ماسمعت

أنا ماأركب إلا مع تبع السكن بس همـ موفرين سيارات خاصة على ضمان السكن والبنات

يستخدمونهمـ وماقد اشتكوا منهمـ

المشاركة الأصلية كتبت بواسطة إلهام 8888888888888888888 يب يب ,,نفس السؤال بيو الله يسعدك أفيدينا بخصوص السكن الخآرجـــي يعني كم الرسوم للسمستر الوآحد ,,قريب من الجــآمعة ولالا .. elham

مو مرة قريب

يستغرق الذهاب ربع ساعة والعودة ثلث نص ساعة

بس المنطقة آمنه ماتحسي بخوف ولاشيء

7500 مع كل شيء

أي سؤال حاضرين

[S T O P]

همم حبيبتي ممكن معلومات اكثر عن

سكن الأميرة والهزيمـ

مالهم موقع على الانترنت او شيء !!

وهو نفس طريقه سكن التميز !!

[بيو كيميائية ^_^]

المشاركة الأصلية كتبت بواسطة s t o p همم حبيبتي ممكن معلومات اكثر عن مالهم موقع على الانترنت او شيء !! وهو نفس طريقه سكن التميز !!

لالا ماأتوقع

همـ شركاء واحد جداوي والثاني شرقاوي

طريقة سكنا الذهاب إلى الجامعة كل ساعة ويمشي و10 لين الساعة 11 فيه باص بس لو دوامك الظهر تكلميهم ويودونك عادي

العودة كل ساعة إبتداءً من 11 وإذا أيام إختبارات أو خلصتي تكلميهم يرجعونك ويمشي وثلث

توصيل المطار في جميع أوقات الرحلات

الأسواق ثلاث أيامـ الأحد والأربعاء والخميس (عزيزمول والخميس العرب مول)

بنده الثلاثاء

جرير الإثنين

شراء التذاكر السبت +الإثنين

المطاعمـ تطلبين وهمـ يجيبون لك

الصيدلية والصراف يوميًا

والبقالة يوميًا

المتشفيات أو المستوصفات في حال لا قدر الله مرضتي

وباب السكن يتقفل الساعة 11 الليل ماعدا يومـ الجمعة عشان البنات اللي يجون من المطار

موقع السكن الصفا 12

يوجد خمس عمارات

كلهم جنب بعض بس الفرق شارع

بعد ماتنزلي من كبري بريمان هناك هو

[Dr.Shaikhah]

بيو كيميائية

شكرآ لرحابة صدرك

امممم بكل صراحة السكن غالي يعني بالسنه ندفع 15000 ! احسه مُبالغ فيه
شكلي بسكن تبع الجامعه بس لا تنسي اسألي لي البنات اللي قلت لك ...