أفيدوني بشأن الرقم الجامعي جزيتم خيرا

[رامية]

السلام عليكم ورحمة الله وبركاته
اليوم الأحد الحمد لله رحت الجامعة ومشيت تمام لغاية ما وصلت الغرفة المطلوبة
المهم أول سؤال التوفل مش موجود طيب سددت فلوس الدورة ما عندي فلوس دحين إش الحل
ممكن نكمل الإجراءات وبعدين الفلوس لما نبدأء الدراسة لكن الموظفة جزاها الله خير قالت اأسأل
سألت قالت لا يمكن قلتلها عادي ممكن قالت طيب نشوف المسؤلة لما شفتها وضحتلها إني عندي سنة مواد تكميلية ممكن قالت خلاص إنتي مقبوله وبس ماعليكي قلتلها يا أختي خلينا نكمل الإجراءات ولما ربنا ييسر نجيب الفلوس وندفعها وندرس الدورة لأني أعرف إنها ضرورية ولا يمكن الإستغناء عنها
قالت جزاها الله خير هي والموظفة التانية خلاص نكمل الإجراءات بعدين طابقوا الأوراق وأخدوا الصور وقالوا البطاقة مع بداية الدراسة وأعطتني سند إستلام الأوراق وأعطتني الرقم الجامعي وقالت خلاص ولا أعطتني موعد تاني لرقم الجامعي الرقم خلاص كتبته في الورقة
طيب كدى الإجراءات تمام ليش بعض البنات قالولهم ارجعو لرقم الجامعي
وشكر خاص للموظفة الي أشرفت على أوراقي جزاهم الله خير

[shaden]

والله ياعزيزتي انا قالتلي راجعينا بعد عشرة ايام عشان الرقم الجامعي وكمان لازم اروح الجامعة تاني عشان أسجل اسمي في الدورة عند استاذة انتصار ششة واختار موعد الدورة

[bus_girl]

طيب والي دفع رسوم اختبار الستيب وعنده امل انه ينجح ؟

ماقدر اسجل في الدوره بعد الاختبار

[queen1]

الدورة لازم تسجلي فيها من الآن
وسألتها ترجع الفلوس لو عدينا اختبار ستيب
قالتلي مدام سددتي الرسوم لاتتعبي نفسك وتدخلي ستيب
لأن خلاص حتى لو عديتي ستيب الفلوس ماراح ترجع لك

[رامية]

المشاركة الأصلية كتبت بواسطة shaden والله ياعزيزتي انا قالتلي راجعينا بعد عشرة ايام عشان الرقم الجامعي وكمان لازم اروح الجامعة تاني عشان أسجل اسمي في الدورة عند استاذة انتصار ششة واختار موعد الدورة

طيب يا أختي لما أعطتك سند الإستلام ما كتبتي فيه الرقم الجامعي وجزاك الله خير

[شذى الأوركيد]

يعني لو ماعندي مواد تكميلية لازم ادفع للدورة ولو عندي مو ضروري ادفع
كذا صح؟

[lavita]

رامية انا سويت زيك بالضبط وفي الاخير اعطتني الرقم الجامعي وقالت على سند الاستلام هذا تدخلي بيه مؤقتا وفي بداية الدراسة تاخذي البطاقة وماقالت لي تعالي تاني بس انا اتوقع يوم السبت من الزحمة بعض البنات
ماخذوا الرقم الجامعي فقالت لهم تعالوا بعد 10 ايام تاخذوه وانا رحت يوم الاحد وماكان فيه زحمة

شذى والله مدري بخصوص الدورة بس نصيحة روحي اليوم واستفسري عشان لو فيه تعديلات مثلا او تسجيل في الدورة يصير تلحقي والله يوفقك

[الدانه البراقة]

المشاركة الأصلية كتبت بواسطة lavita رامية انا سويت زيك بالضبط وفي الاخير اعطتني الرقم الجامعي وقالت على سند الاستلام هذا تدخلي بيه مؤقتا وفي بداية الدراسة تاخذي البطاقة وماقالت لي تعالي تاني بس انا اتوقع يوم السبت من الزحمة بعض البنات ماخذوا الرقم الجامعي فقالت لهم تعالوا بعد 10 ايام تاخذوه وانا رحت يوم الاحد وماكان فيه زحمة شذى والله مدري بخصوص الدورة بس نصيحة روحي اليوم واستفسري عشان لو فيه تعديلات مثلا او تسجيل في الدورة يصير تلحقي والله يوفقك

نفس الشي قالوا لي تاخذي البطاقة مع بداية الدراسة

[رامية]

المشاركة الأصلية كتبت بواسطة lavita رامية انا سويت زيك بالضبط وفي الاخير اعطتني الرقم الجامعي وقالت على سند الاستلام هذا تدخلي بيه مؤقتا وفي بداية الدراسة تاخذي البطاقة وماقالت لي تعالي تاني بس انا اتوقع يوم السبت من الزحمة بعض البنات ماخذوا الرقم الجامعي فقالت لهم تعالوا بعد 10 ايام تاخذوه وانا رحت يوم الاحد وماكان فيه زحمة شذى والله مدري بخصوص الدورة بس نصيحة روحي اليوم واستفسري عشان لو فيه تعديلات مثلا او تسجيل في الدورة يصير تلحقي والله يوفقك

الله يوفقك يا رب وجزاك الله خير
حبيبتي سؤال الرقم الجامعي كتبتيه على سند الإستلام أو أعطتك هو بورقة لوحدة
بداية الرقم 11 صح ردي عليه الله يسعدك

[رامية]

أختي الدانة الله يوفقك
أكيد أعطتك سند الإستلام والرقم الجامعي برضة مكتوب في السند