بنات خطه أ

[MUDY-MA]

سلاااااام

اول شي مبروك خلصتو اختبار الرياضيات

تاني شي طمنونا ايش سويتو

تالت شي تعالو حطو الاسئله الي شفتو فيها صعوبه لانو احنا اختبارانا في العصر

يلا ابا اشوف كل وحده جايه ومعاها اسئله

سي يو

[hamaj]

المشاركة الأصلية كتبت بواسطة mudy-ma سلاااااام اول شي مبروك خلصتو اختبار الرياضيات تاني شي طمنونا ايش سويتو تالت شي تعالو حطو الاسئله الي شفتو فيها صعوبه لانو احنا اختبارانا في العصر يلا ابا اشوف كل وحده جايه ومعاها اسئله سي يو

هههههههههه

لا يا حبيبي من غير سي يو احلى

[DANoOo.R]

الحمدلله هم وانزاح وإن شاء الله ربنا يعوض تعبنا في المذاكرة
والله يسهلكم إن شاء الله

المهم

الأسئله كانت حلوة
أغلبها كان من شابتر 4 طبعا يمكن 3 أو 4 أسئله تقريبا عن التكامل
في أشياء تعويض مباشر
وفي أشياء بمجرد ماتشوف المسأله بالمنطق راح تختار الجواب حتى بدون ماتحل
وكمان في 3 رسمات

قاعدة التسلسل جات منها مسأله وحده بس وكانت f(y)=u^4 , f(u)= جذر x أوجدي قاعدة التسلسل؟ هذا السؤال اللي مفتكرته

والتكامل اللي مفتكرته وبصراحه وقفت فيه شويه بس الحمدلله كان
تكامل (sin x - coc x) csc x = والاختيارات كانت -csc^2 x+c و csc^2 x+c
و -1 >>أعتقد و0

بس أطمنوا الاختبار سهل بس طوييييل

وراجعوا أهم شي شابتر 4 و3 والنهايات مررره جابوا منها كثيييير

وبالتوفيق أتمنى أكون قدرت أفيدكم وأسفه ماني فاكره أسئله كثيره >>نسيتها

DANoOo.R

[الشيمآء]

الاختبآر كآن حلو و مقبول الحمد للـه .,
بس دقيــــــــــــق, دقيق لأبعد حد ..
و منهك للقوى العقلية, و الدمآغية, و المنطقية, و الجسدية و كل شي ..
* الأسئلة دحين ممسوووحة .. لو افتكرت شي ح أجي .. ^^ *

الحمــــد لله خلصنــــــــــــآ ..
عقبالكم .. ^^

[ماروكو الصغيرة]

الحمدلله خلصنا الماث وافتكينا منو ...

الصراحة انو الاختبار كان سهللل ومعلومات عارفينها ودارسينها وفاهمينها ...

ولكننننن ...

كان طويييييييييييييييييييل...

يعني معظم المسائل كانت تحتاج حل ...

وبالتالي الوقت مايكفي للمراجعة في النهاية ...

يعني كانو يعطونا فنكشن ويطلبوا الابسوليوت ماكسيمم ...

وبعدين يعطونا وحدة تانية ويطلبو الكونكفيتي ...

وبعدين يعطونا فنكشن جديدة ويطلبوا الانكريزينق والدكريزينق ...

وهكذاااااا ...

يعني تضطر في كل مرة انك تفاضل مرة أولى وتانية عشان تحل ...

وداكلو راح ياخد وقت ...

المفروض انهم يجيبو فنكشن وحدة وندرس عليها كل شي ...

تقريبا تلاتة ارباع الأسألة مني متأكدة من الحل لنهائي لها ...

انا ما أقول الكلام للتخويف ولكن عشان تخفوا يدكم في الحل وتنتبهوا للوقت ...

الله يسهل لكم ويوفقنا ويوفقكم ياااااااارب ...

[M!sS chocolate]

sinx(cscx-cotx

جنب كوتان من اليمين في قوس

طالب الإشتقاق

والأجوبه اماsinx ,-sinx, -1,0,1

انا صراحه ماني متأكده هو 1 واللا سالب واحد بالضبط كان الخيار

المهم هذا ماعرفت اعرفه دخت ودخت ودخت في النهايه حطيت ,-sinx (بالسالب )


الإختبار ماكان صعب سهل وحلو بس الوقت مااااااااااااايكفي احنا زودونا 10 دقايق وبرضو صراحه كان باقيلي كم سؤال
مشي حالك بس كوصف عام الإختبار كان متوسط بس مايل للسهوله <<أموووت عالوصف ..

لايخلو اختبار من الصعوبه لازم يجيك كم سؤال على قولتهم حق الشطار فكان الإختبار من النوع هذا سهل وكم سؤال فيله صعوبه
بس المشكله الوقت ...

ونصيحتي للطلاب لمن تحل حل وانت متأكد من الجواب لأنو مافي وقت للمرااااااااااااجعه ..

[د. أسامة]

تكفوون كمااان ساعدوونا بوضــع أسئلة أكثر ،

بانتظار باااقي المشااركات ،

و ما قصروا اللي شاركوا :) .

[الشيمآء]

بنآت مين نموزجهآ a !

[الشيمآء]

شبآب.,

دونت ووري ..
انتوآ حتى اختصآرآت عادية ما يجيبو لكم .,
بقوة لا تتوتروآ .. ^^

افتكرت سؤال عبيط تنحت فيه ..
cos^2(1) + sin^2(1) = 1
كيف تطلع كوسآين و سآين الوآحد دي !

[S A L M A N]

المشاركة الأصلية كتبت بواسطة ماروكو الصغيرة يعني كانو يعطونا فنكشن ويطلبوا الابسوليوت ماكسيمم ... وبعدين يعطونا وحدة تانية ويطلبو الكونكفيتي ... وبعدين يعطونا فنكشن جديدة ويطلبوا الانكريزينق والدكريزينق ... وهكذاااااا ... يعني تضطر في كل مرة انك تفاضل مرة أولى وتانية عشان تحل ... وداكلو راح ياخد وقت ... المفروض انهم يجيبو فنكشن وحدة وندرس عليها كل شي ...

هذا اللي يصير لمن دكتوراتكم يحطوا الامتحان

المشاركة الأصلية كتبت بواسطة M!sS chocolate sinx(cscx-cotx جنب كوتان من اليمين في قوس طالب الإشتقاق والأجوبه اماsinx ,-sinx, -1,0,1 انا صراحه ماني متأكده هو 1 واللا سالب واحد بالضبط كان الخيار المهم هذا ماعرفت اعرفه دخت ودخت ودخت في النهايه حطيت ,-sinx (بالسالب )

كان بسطي السؤال يصير واحد ناقص كوساين ومشتقتها sin x



على العموم مبروك يا بنات وإن شاء تكون درجاتكم ودرجاتنا تثلج الصدر