وحدة من الرياض تبغى تسجل في عبد العزيز

[خلود 11]

السلام عليكم ورحمة الله وبراكاته
اعرف وحدة من الرياض تبغى تسجل في جامعة الملك عبد العزيز وسؤالها هادا هوا منسوخ..

ارجوك ساعدينى وربي ماعرف شي ابد
حابه اسجل علم نفس حلمى فيه وهل يطلبون معدل في السنه التحضيريه عشان ادخل علم نفس او اختار التخصص قبل السنه التحضيريه

وارجوك افيدينى من ناحيه الاختبارات ماقدر اروح جده سمعت انها فيه بالرياض بنهورايزن او العالميه كل سنه وادفع 500 زياده
افيدينى ارجوك والله ما ادبر في الانترنت ولاحاجه ولا افقه شي بدعيلك طول الليل وربي اذا فهمتينى وسويتيلي عمل خير تكفين محتاجه ادرس
وكم تدفعين لهم
ومتا تدفعين اذا جاك القبول؟؟ او بعد

انا ودى اسجل متا ادفع بعد ما يرسلو على جوالي القبول؟ او كيف ارجوك
بس الاهم من هذا
ابي اعرف هل اضمن انى ادخل علم نفس
الشي الثانى
كم ادفعي
الشي الثالث تاكديلي ارجوك هل كل سنه ادفع زيادة 500 واختبر بالرياض ماقدر في جده سمعت وربي ساعدينى ابحثي تاكدي مابي يمكن لان هالشي هو بيحدد موافقت اهلي اسجل او لا ساعدينى


اتمنى تساعدونا....وشكرا جزيلا..

[the_glance]

والله تعتبر من اعجب القصص خصوصا ان الموضوع يختلف تماما عن المحتوى لاكييين انا داير اطلب امر بسيط انو ما تكتبي موضوع انتي ماتعرفي شنو محتواه خصوصا انها طول الوقت بتقول ماتقدر تختبر بجدة وتكرر المسائله بشكل ينرفز شديد

[خلود 11]

^
^
^
معليش يعني
بس انت بتستخف بلموضوع ولا ايش حكايتك
اعتقد الكلام وااااضح..ومايبغالها
ولافضل ليك تروح تتلحف بدل مانت بتعزب نفسك بلرد على المواضيع اللي انت منت فاهمها.اصلا..

[اريج الورد]

الاكيد بس السنه التحضيريه بالرياض ..اما السنوات الباقيه
ماادري قبل فتره اتصلت على العالميه وسالتهم قالت ماادري ماجانا شي اكيد
علما باني اتصلت بعد ماكتبت وحده انه فيه وكل ماده تدفعين فيها 500 ريال ..
غير الالف اللي تدفعينها قبل للمعهد ..والثلاثه للجامعه ..اما علم نفس فاسفه ماعندي خبر
هل ضروري له معدل بالسنه التحضيريه او لا ..
موفقه ..

[تعبت ادرس]

بنسبه للا ختبار في السنه التحضيريه تقدري تختبري في الرياض
ام اختبار التخصص لزم في جده
والمعدل لزم تجيبين معدل عالي
وتقدري تتخصصي علم نفس براحه ولا يطلب معدل

[فهد المحيسن]

اولا تقدم على الجامعه واذا قبلوها انتساب تختار اختبارات المناطق وتختبر فى الرياض
لكن اما تخصص علم نفس هذا حسب المعدل وانا سمعت ان علم النفس عادى يدخله اى نسبه

وبالله التوفيق

[خلود 11]

مررة شكرا ماقصرتو كفيتو ووفيتو
الله يوفقكم..