,, كنت أحسـب انـكـ عزيـز النفـس تطلـع لي ذليل } ,,,,

[د.كيــف]

لو خسرتك ماخسرت العمر والدنيا متاع..
وأدري إني لو خسرتك ماخسرت إلا القليل..



بس فكر زين ..تعرف من خسر فينا وضاع..
وتعرف إنك لو تلف الأرض.. وتدور بديل..



والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..



وين تلقى مثل شخصي شخص..وطباعي طباع..
ووين تلقى مثل قلبي قلب..أو مثلي خليل..



البشر واحد..نعم..لكن.. فرق الإنطباع..
يجعلك يمّي تميل ..ويم غيري ماتميل..



يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..



وأنت ماقصرت فيني ..موقفك جداً شجاع..
طعنتك بالظهر فعلاً كانت إثبات ودليل..



بيض الله وجهك اللي ساتره تحت القناع..
ورايتك بيضا معاي وياعسى عمرك طويل..



يعني أعطيك الثقه وتردها بـ لوي الذراع..
ياخي ماشالله عليك.. ابدعت في رد الجميل..



مدري كيف أشكرك ؟؟مدري كيف أرد الصاع صاع؟..
كنت احسب إنك عزيز النفس..تطلع لي ذليل!!..




كم وأنا عييت أصدق فيك قدر المستطاع..
من غبائي كنت أسكت وأعذرك وأثر الحصيل؟..



جرح قلب.. ميزته في كل يوم الإتساع..
ودمع عين ينهمر من ضيقتي..في كل ليل..



والله إني كنت أحبك حب.. وأتبعك إتباع..
كنت لجل أرضي غرورك بس أسوي المستحيل..





كنت أعمى فيك..لالا كنت ميت للنخاع..
كنت مدري كيف؟ لكن كنت صادق معك حيل..



كنت أمارس في غرامي لك سياسة الإنصياع..
وكنت لاغي معك فكرة أعتزل أو أستقيل ..



إندفعت بكل مافيني ..وسوء الإندفاع..
يجبر الإنسان أحياناً.. يفكر بالرحيل..



صدمتي فيك إنت..خلتني أفكر بإقتناع..
إن قتل النفس راحه لو أنا كنت القتيل..



إنفجر راسي من التفكير..وإزداد الصداع..
كيف أنا بفتك من جرحك؟؟ودوشة قالٍ وقيل..



صرت سيره في حلوق الناس وتالي هالضياع..
أنتحر!!معقول؟؟ يالله وش هذا الغليل؟؟..



رحمتك يارب لامن ضاقت أمنحني الوساع..
إنت حسبي في الزمان الجاير ونعم الوكيل..



لاغدى مستقبلي ,, والماضي أطراف النزاع..
وصفحة الماضي سواد وشيء من هذا القبيل..



فلازم أنسى لجل أنهي بداخلي هذا الصراع..
ولازم أتقوى ..عشان أحقق النصر الجليل..


وطالما إن الهجوم أفضل وسيله للدفاع..
مستحيل أرضخ لو إن الحمل ياربعي ثقيل..



والبخيل اللي نساني وإشترى فيني.. وباع..
يذلف الله لايرده.. والله بجرحي كفيل..



وإن سأل عني..وجاكم بعد فترة إنقطاع..
علموه إني نسيته بس أنا ماني بخيل..



طالما كان السبب في قوتي.. قبل الوداع..
بلغوه أقل شيء بخالص الشكر الجزيل..

للشــــــآعر - محمد الشهــري ,,,

[فرواله]

كلمات ولااروع فعلا جات على الجرح تسلم د.كيف يعطيك العافيه

[Hamsa }~]

يعطيكـ العافيـــة ،،

[د.كيــف]

المشاركة الأصلية كتبت بواسطة فرواله كلمات ولااروع فعلا جات على الجرح تسلم د.كيف يعطيك العافيه

هلا وغلا .. منورتنـآ

المشاركة الأصلية كتبت بواسطة ӊἁӎѕἁ }~ يعطيكـ العافيـــة ،،

الله يعافيــك ..,..

[شرووق]

صح لســانـــهــ ...
اختياااارك رووعـــهــ ..
د.كيف ,,,يعطيك العاافيـــهـ ...

[وفاء جدة]

وين تلقى مثل شخصي شخص..وطباعي طباع.. ووين تلقى مثل قلبي قلب..أو مثلي خليل.. البشر واحد..نعم..لكن.. فرق الإنطباع.. يجعلك يمّي تميل ..ويم غيري ماتميل..

كلمات جدا جميـــــلة....
يعطيك العافية ع الانتقاء المميز..

[الله حسيبكMB]

وااااااااااااااااااااااااااااااااو
يعطيك العافيه
تقبل مروري

[د.كيــف]

المشاركة الأصلية كتبت بواسطة شرووق صح لســانـــهــ ... اختياااارك رووعـــهــ .. د.كيف ,,,يعطيك العاافيـــهـ ...

صح بدنـكـ ( نيـآبه عن الشــآعر )

الله يعــآفيكـ

المشاركة الأصلية كتبت بواسطة وفاء جدة كلمات جدا جميـــــلة.... يعطيك العافية ع الانتقاء المميز..

طلتـكـ أجمــل ,,.,,

الله يعــآفيـكـ

[د.كيــف]

المشاركة الأصلية كتبت بواسطة الله حسيبكmb وااااااااااااااااااااااااااااااااو يعطيك العافيه تقبل مروري

وااااااااااااااااو ( ان شالله عجبتكـ )

هلا وغلا ,,.,, بكل رحــآبة صدر سوف نتقبلــه ,,.,,

الله يعــآفيكـ

[عاشق الماضي]

وطالما إن الهجوم أفضل وسيله للدفاع..
مستحيل أرضخ لو إن الحمل ياربعي ثقيل..



والبخيل اللي نساني وإشترى فيني.. وباع..
يذلف الله لايرده.. والله بجرحي كفيل..

الله الله ..الله الله ..

يسلم نقلك وذوقك يــا دكتور ذوق وكيف .. كلهن .