بنات إيش رأيكم في برليتز

[بنت جدة المنكوبة]

بنات ياحلوين
أنا دخلت معهد البريطاني بس صراحة ماحسيتهم يعتمدوا كتير على السبيكينج أغلب اعتمادهم كان على الجرامر........فماعرف أنا فكرت أدخل برليتز إيش تنصحوني وكيف نظام الدراسة هو كل يوم ولاكيف لأن في بنات مدحولي برليتز

[(( ليمونة ))]

شوفي انا مادخلت برليتز بس صاحبة اختي تقول رووووعة .
لكن انا وصحباتي كلنا دخلنا دايركت انجليش وعجبنا وانصحك تروحين له .

[بنت جدة المنكوبة]

غريبة كتير يقولولي لاتروحي دايركت إنجليش
وكمان بعيد علي

أنا دحين في بريتش كانسول في فارسي سنتر وخلف الفارسي في برليتز أول مرا أعرف إن في فرع تاني له

[(( ليمونة ))]

اختلاف الاراء .
زي ما قلتلك ماعرف شي عن بيرلتز . بس دايركت رووعة .

[بنت جدة المنكوبة]

المشاركة الأصلية كتبت بواسطة (( ليمونة )) اختلاف الاراء . زي ما قلتلك ماعرف شي عن بيرلتز . بس دايركت رووعة .

أنا أفكر أدخلوا إذا ربي ماكتب أعدي في ستيب
وآخذت دورات تأهيل للتوفل

[ابتسامة الروح]

السلام عليكم ورحمة الله وبركاته .أنا الان أدرس في معهد برليتز المعهد ممتاز جدا نظام الدراسة يوميا من 10 ونص الى 1ونص ظهرا البريك ثلث ساعة مافي تضييع للوقت المدرسة أجنبية ممنوع الكلام بالعربي في الحصة .المستوى مدته شهر واحد فقط .بعدين الاختبار الشفوي والتحريري ادا نجحتي تدخلي المستوى الثاني .أنصحك تسجلي فيه . رااااااااائع .التركيز على المحادثة والقرمر والاستماع مع بعض

[بنت جدة المنكوبة]

طب عندك رقم المركز في الفرع إلي بالحمرا وتى يبدأ التسجيل

[بنت جدة المنكوبة]

وبكم

[ابتسامة الروح]

رقم التلفون ماهو عندي بس تقدري تاخديه من الاستعلامات 905 والتسجيل يبدأ من الان .والدورة الاولى تبدأ بعد اسبوعين تقريبا .تاريخ 28 رجب ب2700 للكبار والاطفال 2400 في الصيف عاملين خصم غالي بس يستاهل.هدا في الفرع اللي في الروضة

[بنت جدة المنكوبة]

مشكورة بسوم إن شا الله أستفيد في دا المعهد