افضل مواد في الترم الصيفي

[المنحوس]

السلام عليكم

كيفك عساك بخير
صباحكم الله بالخير والمسرات



مادري وش اقول ضايع

ابي مواد حلوه تنفع لترم الصيفي

كنت افكر بالسلوك التنظيمي
والتطوير التنظيمي
مع اقتصاد جزئي

ابي رائكم ياجماعة الخير

اي واحد عنده معلومه ولا مشوره يقولها واكون له شاكر

ودعواتي لكم بالتوفيق للجميع ان شاء الله

[albadr2005]

توكل على الله مواد حلوة وسهلة باذن الله وبالتوفيق

[Glam G!RL]

سلوك تنظيمي حلوة وممتعه

اما تطوير يجيب الهم خذه بالصيف وافتك منه

[تركي المصلوخي]

بالنسبه لي إذا الله وفق وعديت

ثقافه اسلاميه
مقرر حر ـــــــــــــــــــــــــــــــ بس مدري إيش آخــــــذ
سياسه عامه وصناعة قرار

وياليت اللي عنده رأي من الزملاء يفيدنا.

[بندر1]

حرام عليك تاخذهالمواد تراها والله مو بسهله بالذات الأقتصاد الجزئي
صدقني هالمواد بالصيفي راح تنزل معدلك

ياخي خذ علاقات عامه (( صدقني من أفضل المواد ) هي ماده اختياريه طبعا
وهي فيك فيك ...

وخذ بعد ادارة المشروعات العامه (( اختياريه كذلك ))

والرأي العام (( ماده حره ))

خلك ترفع معدلك بالصيفي على الأقل ...

والمواد الثانيه لاحق عليها سواء بالترام الجايه او اترام صيفيه

بس صدقني راح تشجعك هالمواد ....

اصلا الترم الصيفي برمضان ... وكل المواد اللي قلتها لك خفيفه ...
بس انت الله يهديك تحط الاقتصاد الجزئي برمضان ... قويه ذي ..

يالله فالفطر وعسى الشباب يعدونه ...

اتكلم طبعا من خبرة ثمان مستويات

[ابن سينا]

المشاركة الأصلية كتبت بواسطة بندر1 حرام عليك تاخذهالمواد تراها والله مو بسهله بالذات الأقتصاد الجزئي صدقني هالمواد بالصيفي راح تنزل معدلك ياخي خذ علاقات عامه (( صدقني من أفضل المواد ) هي ماده اختياريه طبعا وهي فيك فيك ... وخذ بعد ادارة المشروعات العامه (( اختياريه كذلك )) والرأي العام (( ماده حره )) خلك ترفع معدلك بالصيفي على الأقل ... والمواد الثانيه لاحق عليها سواء بالترام الجايه او اترام صيفيه بس صدقني راح تشجعك هالمواد .... اصلا الترم الصيفي برمضان ... وكل المواد اللي قلتها لك خفيفه ... بس انت الله يهديك تحط الاقتصاد الجزئي برمضان ... قويه ذي .. يالله فالفطر وعسى الشباب يعدونه ... اتكلم طبعا من خبرة ثمان مستويات

اخوي بندر اعتمد كلامك واييدك في اختيارك لهذه المواد
وابصملك بالعشره انها اسهل مواد ترفع المعدل
االمنحوس عدل جدولك

قبل كل شي ترى مافيه صيفي سمعت انه الغي من جميع الجامعات
لموافقته رمضان الكريم

تحياتي للجميع

[Tallness man]

حلو يعني المواد الي حطيتها اخوي بندر افضل شي بالصيفي ؟؟


انا والله مدري ايش اخذ بالصيفي ودي بمواد ترفع المعدل لانه مو راضي يتحرك بجد

[(أحمـــد)]

الصيفي متى
وكيف طريقه التسجيل