هام جدا المواد !!!

[HTLAR]

السلام عليكم ورحمة الله وبركاته مبروك للي نجحوا وهاردلك للي رسبوا

انا متكل على الله ثم منكم ابغى رأيكم بالمواد المذكورة أدناه ماهي السهلة وماهي الصعبة منها مثلكم عارفين فيه بعض الطلاب يصير اخذ المادة ويدري عنها انها سهلة وصعبة بصراحة ابرفع معدلي بس اذكر المادة وقل هي صعبة قدامها ولا سهلة جزاكم الله ألف خير إن شاء الله منتظر ردودكم وإفادتكم لي عاجلاً
1. ادارة الموارد الطبيعية pad 442
2. ادارة التنمية pad 431
3. الاتصال في المنظمات العامة pad 428
4. ادارة الجودة في الأجهزة الحكوم pad 421
5. سلوك تنظيمي pad 321
6. تطوير تنظيمي pad 322
7. قانون اداري bl 230

[HTLAR]

حرام عليكم ما تفيدوني تكفووووووووووووووون انا في ورطة

[محمد الهاجري]

وعليكم السلام والرحمه والاكرام يالغالي

السلوك التنظيمي / ماده سهله , تتكلم عن سلوك الفرد داخل التنظيم ومافيها شي صعب ومنهجها مو طويل مره .
التطوير التنظيمي / متوسطة الصعوبه , لو عطيتها ثلاث ايام مذاكره بتصير سهله عليك .
القانون الاداري / ماده صعبه , طويله وتعرف طبيعة القوانين مختلفه ومتنوعه حسب المصدر وحسب القضية وتفاصيل , مافيها شي مو مفهوم والا صعب تفهمه , لكن صعوبتها في كثر الحاجه للحفظ يعني تعتمد علي الحفظ اكثر من الفهم .

باقي المواد مادرستها , لكن تذكر يالغالي ان الصعب عندك سهل عند غيرك والعكس علي حسب كل انسان وقدرته , وبالتوفيق

[ليل التجافي]

هلا بك أخوي ...
من وجهة نظري وبعد تجربه
1- إدارة الموارد الطبيعيه .. لم أخذها وأنتظر مثلك يمكن انزلها الترم القادم أن شاء الله
2- إدارة التنميه .. مثل ماسبق
3- الأتصال في المنظمات صح المنهج طويل كتاب + مذكره وكلهن حول 400 صفحه بس المقرر سهل بس اغلبه دش والأحلى من هذا كله الدكتور بصراحه ممتاز والأسئله الترم هذا ممتازه عديتها الحمدلله واخذت درجه مره طيبه
4- إدارة الجوده . الماده حيل سهله وممتازه ومترابطه ودكتورها أكثر من ممتاز- عبدالعظيم شمسان - خلصت الأمتحان انا بـ نص ساعه كانت الأجابات بنفس ورقة الأسئله ومعها دعوات له بالتوفيق
5- سلوك تنظيمي عن نفسي اخذتها الترم قبل الفائت مع الدكتور عبدالعزيز جستنيه المنهج واضح والأسئله كانت ممتازه واخذت درجه حلوه عنده وعليك بالشرائح حقته اذا عند الدكتور عبدالعزيز
6- تطوير تنظيمي . المنهج حيل سهل المشكله في دكتور الماده مايعطي درجات وفيه سؤال مقالي عليه حوالي 20 درجه
7- قانون اداري المنهج طويل بس سهل وأغلبه معلومات وظيفيه - وظيفه موظف ندب عقود - يعني اذا انت موظف بيكون سهل عليك ان شاء الله بس المشكله بحقين الأنظمه فيه شح بالدرجات رغم ان درجتي كانت بالقانون مرضيه لي بس اغلب الأخوان يشتكون من درجتهم فيه .
يالغالي ما سطرته وجهة نظري وأتمنى من كل الاخوان ان يدلوا بدلوهم لتتضح لك الصوره كامله وتكون على بينه من أمرك .. وفقك الله لما يحبه ويرضاه .. أخوكـ

[HTLAR]

مشكور اخوي ليل التجافي وبعد نصراوي والله والنعم وكذلك اخوي محمد الهاجري على هذه الإفادات الشاملة ومنتظر باقي المواد من الطلاب اللي اخذوها شاكر ومقدر

[HTLAR]

يا أهل التنمية وأهل الموارد الطبيعية كيف المواد سهلة ولا صعبة تكفووووووووون ردوووووووو